மாவட்ட செய்திகள்

காரைக்கால் வானொலி நிகழ்ச்சிகளை கேட்க இணையதளம், புதிய கைபேசி செயலி அறிமுகம்; மாவட்ட கலெக்டர் தொடங்கி வைத்தார் + "||" + Listen to radio shows in Karaikal Introducing website, new handset processor

காரைக்கால் வானொலி நிகழ்ச்சிகளை கேட்க இணையதளம், புதிய கைபேசி செயலி அறிமுகம்; மாவட்ட கலெக்டர் தொடங்கி வைத்தார்

காரைக்கால் வானொலி நிகழ்ச்சிகளை கேட்க இணையதளம், புதிய கைபேசி செயலி அறிமுகம்; மாவட்ட கலெக்டர் தொடங்கி வைத்தார்
காரைக்கால் பண்பலை வானொலி நிலைய (100.3) நிகழ்ச்சிகளை, இனி உலகம் முழுவதிலும் இருந்து கேட்கும் வகையில் புதிய கைபேசி செயலி மற்றும் இணையதள வசதியை மாவட்ட கலெக்டர் விக்ராந்த்ராஜா தொடங்கி வைத்தார்.
காரைக்கால்,

அகில இந்திய வானொலி நிலையத்தின் காரைக்கால் பண்பலை வானொலி நிலையம் (100.3) வெள்ளி விழா ஆண்டை கொண்டாடி வருகிறது. அதன் ஒரு பகுதியாக, காரைக்கால் வானொலி நிலையத்தின் ஒலிபரப்புத் திறன் 6 கிலோ வாட்டிலிருந்து 10 கிலோ வாட்டாக உயர்த்தப்பட்டது. இதன் மூலம், காரைக்கால் வானொலி நிகழ்ச்சியை கேட்பவர்களின் எண்ணிக்கை லட்சக்கணக் கில் அதிகரித்தது.


வெள்ளிவிழா ஆண்டில் நேயர்களுக்கு கூடுதல் வசதிகளை வழங்கும் வகையில், செல்பேசியில் புதிய செயலியை பதிவிறக்கம் செய்துகொண்டும், இணையதள வழிகள் மூலமாகவும் காரைக்கால் பண்பலை வானொலி நிகழ்ச்சிகளை நேயர்கள் உலகம் முழுவதும் இருந்து கேட்கும் வசதி, காரைக்கால் வானொலி நிலையத்தில் தொடங்கப்பட்டது.

மாவட்ட கலெக்டர் விக்ராந்த் ராஜா சிறப்பு அழைப்பாளராக கலந்துகொண்டு இந்த நிகழ்ச்சியை தொடங்கிவைத்தார். அப்போது அவர் பேசுகையில், ‘வானொலி என்பது பொழுதுபோக்கு நிகழ்ச்சிகளோடு இல்லாமல் பொது நலன் சார்ந்ததாக இருந்தால்தான் நீடிக்க முடியும். தற்போது, தனியார் வானொலிகள் பொழுதுபோக்குடன் பொதுநலன் சார்ந்த நிகழ்ச்சிகளையும் ஒலிபரப்பத் தொடங்கியுள்ளன. இந்த சூழலில் காரைக்கால் வானொலி 25 ஆண்டுகளாக இவ்விரண்டையும் ஒருங்கே நடத்திவருவது பாராட்டுக்குரியது. காரைக் காலை சேர்ந்த பலர் பல நாடுகளில் உள்ளனர். காரைக்கால் நிகழ்வுகளை அவர்களும் கேட்பதற்கான வாய்ப்பாக இது அமைந்திருப்பது மகிழ்ச்சியளிக்கிறது’ என்றார்.

நிகழ்ச்சியில், நிலைய இயக்குநனர் சுவாமிநாதன், நிலைய பொறியாளர் ஜொனஸ் அம்புரோஸ், மூத்த நிகழ்ச்சி அதிகாரிகள் வெங்கடேஸ்வரன், சந்திரசேகரன், ஒலிபரப்பு அதிகாரி சதீஷ்குமார், உதவி பொறியாளர்கள் சுதாகர், மயிலானந்தன், தனராஜ், செந்தில்நாதன், பச்சையப்பன், கலைச்செல்வன் மற்றும் பலர் கலந்துகொண்டனர்.

தொடர்புடைய செய்திகள்

1. கொரோனா பற்றிய விழிப்புணர்வை ஏற்படுத்த இணையதளம் உருவாக்க வேண்டும் - மத்திய அரசுக்கு சுப்ரீம் கோர்ட்டு உத்தரவு
கொரோனா குறித்த வதந்திகளை கட்டுப்படுத்தி மக்களுக்கு உண்மையான தகவல்களை தெரிவித்து விழிப்புணர்வை ஏற்படுத்த புதிய இணையதளத்தை உருவாக்குமாறு மத்திய அரசுக்கு சுப்ரீம் கோர்ட்டு உத்தரவிட்டு உள்ளது.
2. தாலுகா அலுவலகங்களுக்கு செல்ல தேவையில்லை: வீட்டில் இருந்தபடியே இணையதளம் மூலம் பட்டா மாறுதல் பெறலாம் - தமிழக அரசு புதிய நடைமுறை
தாலுகா அலுவலகங்களுக்கு செல்லாமல் வீட்டில் இருந்தபடியே இணையதளம் மூலம் பட்டா மாறுதல் பெறலாம் என்ற புதிய நடைமுறையை தமிழக அரசு கொண்டுவந்துள்ளது.
3. பசுக்களுக்கான ஜோடிகளை தேர்ந்தெடுக்க ‘மேட்ரிமோனியல்’ இணையதளம் தொடக்கம்
மத்திய பிரதேசத்தில் பசுக்களுக்கான ஜோடிகளை தேர்ந்தெடுக்க ‘மேட்ரிமோனியல்’ போன்ற இணையதளம் தொடங்கப்பட்டுள்ளது.
4. ஊராட்சிகளில் நடைபெறும் பணிகளை இணையதளத்தின் மூலம் அறியலாம் - கலெக்டர் தகவல்
ஊராட்சிகளில் மேற்கொள்ளப்படும் பணிகள் குறித்த விவரங்களை பொதுமக்கள் இணையதளத்தின் மூலம் அறியலாம் என்று கலெக்டர் தெரிவித்துள்ளார்.

ஆசிரியரின் தேர்வுகள்...