விவசாயியை தாக்கிய வாலிபர் கைது

விக்கிரமங்கலம், 

அரியலூர் மாவட்டம், விக்கிரமங்கலம் அருகே உள்ள செங்குழிகாலனி தெருவை சேர்ந்தவர் ஜெய்சங்கர்(வயது 43), விவசாயி. அதே பகுதியை சேர்ந்தவர் கண்ணதாசன் (33). இவர்கள் இருவருக்கும் இடையே முன்விரோதம் இருந்து வந்தது. இந்த நிலையில் சம்பவத்தன்று மீண்டும் இருவருக்கும் இடையே தகராறு ஏற்பட்டது. அப்போது அங்கு வந்த கண்ணதாசனின் அண்ணன் கருப்பையனும்(35), கண்ணதாசனும் சேர்ந்து ஜெய்சங்கரை தாக்கியுள்ளனர். இதில் படுகாயமடைந்த ஜெய்சங்கரை அக்கம் பக்கத்தினர் மீட்டு அரியலூர் அரசு மருத்துவமனையில் சிகிச்சைக்காக சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. இதுகுறித்து விக்கிரமங்கலம் போலீசார் வழக்குப்பதிவு செய்து, கண்ணதாசனை கைது செய்தனர். தலைமறைவாக உள்ள கருப்பையனை தேடி வருகின்றனர்.