மாவட்ட செய்திகள்

திருவள்ளூர் அருகே பஸ்-ஷேர் ஆட்டோ நேருக்குநேர் மோதல்; 2 பேர் பலி 4 பேருக்கு தீவிர சிகிச்சை + "||" + Near Tiruvallur Bus Share Auto Accident 2 killed

திருவள்ளூர் அருகே பஸ்-ஷேர் ஆட்டோ நேருக்குநேர் மோதல்; 2 பேர் பலி 4 பேருக்கு தீவிர சிகிச்சை

திருவள்ளூர் அருகே பஸ்-ஷேர் ஆட்டோ நேருக்குநேர் மோதல்; 2 பேர் பலி 4 பேருக்கு தீவிர சிகிச்சை
திருவள்ளூர் அருகே தனியார் பஸ் ஒன்று ஷேர் ஆட்டோ மீது நேருக்குநேர் மோதிய விபத்தில் பெங்களூரூவை சேர்ந்த 2 பேர் உடல் நசுங்கி பரிதாபமாக உயிரிழந்தனர்.
திருவள்ளூர்,

திருவள்ளூரை அடுத்த கடம்பத்தூர் ஒன்றியம் புதுப்பட்டு பகுதியில் முஸ்லிம் அரபுக்கல்லூரி மற்றும் தர்கா உள்ளது. இதைப்பார்ப்பதற்காக நேற்று முன்தினம் பெங்களூரூவை சேர்ந்த நூருல்லாகான் (வயது 50), நதீம்அன்வர்(30), முகமதுகலீம் (58), சையத் ஆசில் (40), முக்தா (50) ஆகிய 5 பேர் வந்தனர். இந்நிலையில், நேற்று காலை மீண்டும் அவர்கள் பெங்களூரூக்கு செல்வதற்காக அப்பகுதியில் நின்ற ஷேர்ஆட்டோவில் ஏறினர். ஷேர் ஆட்டோவை திருவள்ளூரை அடுத்த திருமணிக்குப்பத்தை சேர்ந்த நாகராஜ் (50) என்பவர் ஓட்டிச்சென்றார். அந்த ஷேர் ஆட்டோ திருவள்ளூரை அடுத்த அகரம் சாலையில் சென்று கொண்டிருந்தபோது, எதிரே கடம்பத்தூரில் இருந்து காஞ்சீபுரம் மாவட்டம் ஸ்ரீபெரும்புதூர் நோக்கி பணியாளர்களை ஏற்றிக்கொண்டு வந்த தனியார் கம்பெனி பஸ் ஒன்று எதிர்பாராதவிதமாக ஷேர்ஆட்டோ மீது நேருக்குநேர் மோதியது.


இதில் அந்த ஷேர் ஆட்டோ அப்பளம் போல் நொறுங்கி கவிழ்ந்தது. மேலும் அந்த தனியார் கம்பெனி பஸ்சின் முன்பக்க கண்ணாடி உடைந்து நொறுங்கியது. இந்த விபத்தில் ஷேர்ஆட்டோவில் பயணம் செய்த நூருல்லாகான், நதீம்அன்வர் ஆகிய 2 பேரும் சம்பவ இடத்திலேயே பரிதாபமாக பலியானார்கள். மேலும், முகமது சலீம், சையத்ஆசில், முக்தா, ஷேர் ஆட்டோ டிரைவரான நாகராஜ் ஆகிய 4 பேரும் காயமடைந்து உயிருக்கு போராடினார்கள். அப்போது, அந்த வழியாக வந்த வாகன ஓட்டிகள் அவர்கள் 4 பேரையும் மீட்டு, ஆம்புலன்ஸ் மூலம் சிகிச்சைக்காக திருவள்ளூர் அரசு மருத்துவமனைக்கு அனுப்பி வைத்தனர். அங்கு அவர்கள் சிகிச்சை பெற்று வருகின்றனர். இந்த சம்பவம் குறித்து கடம்பத்தூர் போலீசார் வழக்குப்பதிவு செய்து விசாரித்து வருகின்றனர். இந்த விபத்தில் பஸ்சிலிருந்த தனியார் கம்பெனி பணியாளர்கள் எந்தவித காயமின்றி தப்பினர்.

தொடர்புடைய செய்திகள்

1. வாழப்பாடி அருகே பஸ்-லாரி மோதல்; 15 பேர் படுகாயம்
வாழப்பாடி அருகே பஸ்-லாரி மோதிக்கொண்ட விபத்தில் 15 பேர் படுகாயம் அடைந்தனர்.
2. மாமல்லபுரம் அருகே பரிதாபம்: ஷேர் ஆட்டோ-கார் மோதல்; ஒருவர் பலி மருமகன் உள்பட 2 பேர் படுகாயம்
மாமல்லபுரம் அருகே பேரூரில் கிழக்குக்கடற் கரைச்சாலை வழியாக சென்ற ஷேர் ஆட்டோ மீது கார் மோதிய விபத்தில் ஒருவர் பலியானார்.
3. திருவள்ளூர் அருகே தறிகெட்டு ஓடிய லாரி மோதி 6 பேர் படுகாயம் மின் கம்பங்கள் சேதம்
திருவள்ளூர் அருகே தறிகெட்டு ஓடிய லாரி, ஆட்டோ மற்றும் மோட்டார் சைக்கிள் மீது மோதியதில், 6 பேர் படுகாயமடைந்தனர்.
4. சாலையில் சரிந்து விழுந்த லாரி கன்டெய்னர் மீது பஸ் மோதல்; 19 பேர் பலி, 24 பயணிகள் படுகாயம்
சாலையில் சரிந்து விழுந்த லாரியின் கன்டெய்னர் மீது பஸ் மோதியதில் 19 பேர் பலியானார்கள். மேலும் 24 பயணிகள் படுகாயம் அடைந்து ஆஸ்பத்திரிகளில் சிகிச்சை பெற்று வருகின்றனர்.
5. சிங்கப்பெருமாள் கோவில் அருகே பஸ்-கார் மோதல்; 5 மாணவ- மாணவிகள் காயம்
சிங்கப்பெருமாள் கோவில் அருகே பஸ்- கார் மோதிய விபத்தில் 5 மாணவ- மாணவிகள் காயம் அடைந்தனர்.