மாவட்ட செய்திகள்

மணல் கடத்தலை தடுக்கக்கோரி காந்தி சிலையிடம் மனு கொடுக்கும் போராட்டம் + "||" + Petition for Gandhi statue to prevent sand smuggling

மணல் கடத்தலை தடுக்கக்கோரி காந்தி சிலையிடம் மனு கொடுக்கும் போராட்டம்

மணல் கடத்தலை தடுக்கக்கோரி காந்தி சிலையிடம் மனு கொடுக்கும் போராட்டம்
திருக்காட்டுப்பள்ளியில் மணல் கடத்தலை தடுக்கக்கோரி காந்தி சிலையிடம் மனு கொடுக்கும் போராட்டம் அனைத்து கட்சியினர் சார்பில் நடந்தது.
திருக்காட்டுப்பள்ளி,

தஞ்சை மாவட்டம் திருக்காட்டுப்பள்ளி, திருவையாறு, ஆச்சனூர், வடுககுடி, கழுமங்கலம், கோவிலடி, சுக்காம்பார், ஒரத்தூர், துண்டராயன்படுகை உள்ளிட்ட கிராமங்களில் உள்ள வெண்ணாறு, காவிரி, கொள்ளிடம் ஆகிய ஆறுகளில் இருந்து மணல் கடத்தி செல்வது தொடர்ந்து நடக்கிறது.


இதை கண்டித்தும், மணல் கடத்தலை தடுக்கக்கோரியும் திருக்காட்டுப்பள்ளி கடைவீதியில் உள்ள காந்தி சிலையிடம் மனு கொடுக்கும் நூதன போராட்டம் அனைத்துக்கட்சியினர் சார்பில் நேற்று நடந்தது. இந்த போராட்டத்துக்கு மார்க்சிஸ்ட் கம்யூனிஸ்டு மாவட்ட செயற்குழு உறுப்பினர் வக்கீல் ஜீவகுமார் தலைமை தாங்கினார்.

காந்தி சிலையிடம் மனு

பூதலூர் வட்டார கொள்ளிடம் ஆறு பாதுகாப்பு சங்க தலைவர் ராஜேந்திரன், தி.மு.க. ஒன்றிய செயலாளர் செல்லக்கண்ணு, அ.ம.மு.க. பூதலூர் ஒன்றிய செயலாளர் மதியழகன், பூதலூர் ஒன்றிய மார்க்சிஸ்ட் கம்யூனிஸ்டு செயலாளர் காந்தி, திருக்காட்டுப்பள்ளி நகர காங்கிரஸ் தலைவர் கலைச்செல்வன், நகர தி.மு.க. செயலாளர் ஜெயராமன், ம.தி.மு.க. நிர்வாகி முருகானந்தம் மற்றும் பல்வேறு பகுதிகளை சேர்ந்த விவசாயிகள் கலந்து கொண்டு காந்தி சிலையிடம் மனு கொடுத்து கோரிக்கையை வலியுறுத்தி கோ‌‌ஷம் எழுப்பினர்.

தொடர்புடைய செய்திகள்

1. கண்டமங்கலம் அருகே மணல் திருட்டில் ஈடுபட்டவர் குண்டர் தடுப்பு சட்டத்தில் கைது
விழுப்புரம் அருகே மணல் திருட்டில் ஈடுபட்டவரை குண்டர் தடுப்பு சட்டத்தில் போலீசார் கைது செய்தனர்.
2. புதுக்கோட்டை அருகே கீரனூரில் ரூ.200 கோடி மதிப்புள்ள பஞ்சலோக சிலைகள் பறிமுதல்
புதுக்கோட்டை அருகே கீரனூரில் விற்பதற்காக வைத்திருந்த சிவன், அம்மன், விநாயகர் உள்ளிட்ட ரூ.200 கோடி மதிப்புள்ள 5 பஞ்சலோக சாமி சிலைகளை சிலை கடத்தல் தடுப்பு பிரிவு போலீசார் பறிமுதல் செய்தனர். இது தொடர்பாக 4 பேரை கைது செய்து விசாரித்து வருகின்றனர்.
3. கம்பத்தில் இருந்து கேரளாவுக்கு காரில் கஞ்சா கடத்த முயன்ற தாய்-மகன் உள்பட 9 பேர் கைது
கம்பத்தில் இருந்து கேரளாவுக்கு காரில் கஞ்சா கடத்த முயன்ற தாய்-மகன் உள்பட 9 பேரை போலீசார் கைது செய்தனர்.
4. பாகிஸ்தானில் தொடரும் அவலம்: இந்து பெண்ணை கடத்தி கட்டாய மத மாற்றம்
பாகிஸ்தானில் இந்து பெண் கடத்தப்பட்டு கட்டாய மத மாற்றம் செய்து, முஸ்லிம் இளைஞருக்கு திருமணம் செய்து வைக்கப்பட்டார்.
5. தாய்லாந்தில் இருந்து சென்னைக்கு விமானத்தில் கடத்தி வந்த குரங்கு, அணில், ஓணான் பறிமுதல்
தாய்லாந்தில் இருந்து சென்னைக்கு விமானத்தில் கடத்தி வந்த குரங்கு, அணில், ஓணான் ஆகியவற்றை சுங்க இலாகா அதிகாரிகள் பறிமுதல் செய்தனர். அவற்றை தாய்லாந்து நாட்டிற்கு திருப்பி அனுப்பி அதிகாரிகள் நடவடிக்கை எடுத்தனர்.