மாவட்ட செய்திகள்

வேலூர் அருகே, கோட்டை அகழி கழிவுகளை ஏரியில் கொட்டிய லாரிகள் சிறைபிடிப்பு + "||" + Castle trench waste Trucks poured on the lake Prison capture

வேலூர் அருகே, கோட்டை அகழி கழிவுகளை ஏரியில் கொட்டிய லாரிகள் சிறைபிடிப்பு

வேலூர் அருகே, கோட்டை அகழி கழிவுகளை ஏரியில் கொட்டிய லாரிகள் சிறைபிடிப்பு
வேலூரை அடுத்த சித்தேரி ஏரியில் கோட்டை அகழி கழிவுகளை கொட்டிய லாரிகளை பொதுமக்கள் சிறைபிடித்தனர்.
வேலூர், 

வேலூர் கோட்டையை ஸ்மார்ட் சிட்டி திட்டத்தில் அழகுப்படுத்துவதற்கான பணிகள் நடைபெற்று வருகிறது. இதில் முதல் கட்டமாக கோட்டை அகழி தூர்வாரப்பட்டு வருகிறது. சென்னையில் இருந்து கொண்டுவரப்பட்டுள்ள நவீன மிதவை எந்திரத்தில் பொக்லைனை நிறுத்தி அகழியில் உள்ள சகதிகள், முட்புதர்கள் அகற்றப்படுகிறது.

இங்கிருந்து அகற்றப்படும் கழிவுகள் வேலூரை அடுத்த சித்தேரி ஏரியில் கொட்ட முடிவு செய்துள்ளனர். அதன்படி, கோட்டை அகழியில் இருந்து அகற்றப்பட்ட கழிவுகளை 3 லாரிகளில் ஏற்றிக்கொண்டு சித்தேரி ஏரியில் கொட்டினர். இதை பார்த்த பொதுமக்கள் அதிர்ச்சி அடைந்தனர்.

பின்னர் இரண்டாவது முறையாக கழிவுகளை ஏற்றிக்கொண்டு சித்தேரி ஏரிக்கு லாரிகள் சென்றன. இந்த லாரிகளை பொதுமக்கள் சிறைபிடித்தனர். இதுபற்றி தகவல் அறிந்ததும் அதிகாரிகள் விரைந்து சென்று பொதுமக்களுடன் பேச்சுவார்த்தை நடத்தினர்.

அப்போது சித்தேரி ஏரி 450 ஏக்கர் பரப்பளவு கொண்டதாகவும், இந்த ஏரி நிரம்பினால் ஆவாரம்பாளையம், அரியூர், பென்னாத்தூர், சித்தேரி, துத்திப்பட்டு உள்பட 10-க்கும் மேற்பட்ட கிராமங்கள், விவசாய நிலங்கள் பயன்பெறும். இந்தப்பகுதியில் 12 ஆழ்துளை கிணறுகள் அமைக்கப்பட்டு பொதுமக்களுக்கு குடிநீர் வினியோகம் செய்யப்பட்டு வருகிறது.

எனவே, இந்த ஏரியில் கழிவுகளை கொட்டினால் சுகாதார சீர்கேடு ஏற்படுவதுடன், நிலத்தடி நீரும் பாதிக்கப்படும். எனவே, இங்கு கழிவுகளை கொட்டக்கூடாது என்று பொதுமக்கள் கூறினர். அதன்படி கழிவுகளை கொட்டாமல் திரும்பிசென்றனர்.

தொடர்புடைய செய்திகள்

1. குடிமராமத்து பணிகள் மேற்கொள்ளப்படும் ஏரி, குளம், குட்டைகளில் ஆக்கிரமிப்பை அகற்றி தூர்வார வேண்டும் - கலெக்டர் உத்தரவு
வேலூர் மாவட்டத்தில் குடிமராமத்து பணிகள் மேற்கொள்ளப்படும் ஏரி, குளம், குட்டைகளில் ஆக்கிரமிப்பை அகற்றி தூர்வார வேண்டும் என்று ஆய்வுக்கூட்டத்தில் அதிகாரிகளுக்கு, கலெக்டர் சண்முகசுந்தரம் உத்தரவிட்டார்.
2. வேகமாக வறண்டு வரும் பாகூர் ஏரி
கோடை வெயில் கொளுத்தி வருவதால் பாகூர் ஏரி வேகமாக வறண்டு வருகிறது.
3. பாகூர் ஏரி தூர்வாரும் பணி கவர்னர் கிரண்பெடி தொடங்கி வைத்தார்
பாகூர் ஏரி தூர்வாரும் பணியை கவர்னர் கிரண்பெடி தொடங்கி வைத்தார்.
4. ஊட்டி ஏரியில் விழுந்து கிடக்கும் மரங்களால் படகு சவாரி செல்லும் சுற்றுலா பயணிகள் விபத்தில் சிக்கும் அபாயம்
ஊட்டிஏரியில் விழுந்து கிடக்கும் மரங்களால் படகு சவாரி செல்லும் சுற்றுலா பயணிகள் விபத்தில் சிக்கும் அபாயம் உள்ளது. இதற்கு உரிய நடவடிக்கை எடுக்க கோரிக்கை விடுக்கப்பட்டு உள்ளது.