மாவட்ட செய்திகள்

துவாக்குடி அருகே காவலாளி கொலை வழக்கில் வாலிபர் கைது + "||" + Youth arrested for murder case near Dukakudi

துவாக்குடி அருகே காவலாளி கொலை வழக்கில் வாலிபர் கைது

துவாக்குடி அருகே காவலாளி கொலை வழக்கில் வாலிபர் கைது
துவாக்குடி அருகே தனியார் நிறுவன காவலாளியை கொலை செய்த வழக்கில் வாலிபரை போலீசார் கைது செய்தனர்.
துவாக்குடி,

திருச்சி மாவட்டம் மணப்பாறை அருகே உள்ள ரெட்டியார்பட்டியை சேர்ந்தவர் கருப்பையா (வயது 37). தனியார் செக்யூரிட்டி நிறுவன ஊழியர். இவர், அந்த நிறுவனத்தின் சார்பில் துவாக்குடி அருகே உள்ள வாழவந்தான்கோட்டை பகுதியில் சிப்காட்டில் ஒரு வருடமாக மூடிக்கிடக்கும் நிறுவனத்திற்கு கடந்த சில நாட்களுக்கு முன்பு காவலாளியாக வேலைக்கு வந்தார்.


கடந்த 6-ந் தேதி இரவு கருப்பையாவை மர்ம நபர் மண்வெட்டியால் அடித்து கொலை செய்ததில், அவர் ரத்த வெள்ளத்தில் பிணமாக கிடந்தார். இதுபற்றி தகவல் அறிந்த துவாக்குடி போலீஸ் இன்ஸ்பெக்டர் காந்திமதி தலைமையிலான போலீசார் சம்பவ இடத்துக்கு விரைந்து சென்று விசாரணை நடத்தினார்கள்.

வாலிபர் கைது

பின்னர் கருப்பையாவின் உடலை கைப்பற்றி பிரேத பரிசோதனைக்காக துவாக்குடி அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தினர்.

விசாரணையில், முன்விரோதம் காரணமாக தனியார் நிறுவன காவலாளிகளுக்குள் நடைபெற்ற மோதலில் தஞ்சாவூர் மாவட்டம் பூதலூர் அடுத்த மாரனேரியை சேர்ந்த ராஜாராம்(35) என்பவர் கருப்பையாவை மண்வெட்டியால் அடித்து கொலை செய்தது தெரியவந்தது. இதைத்தொடர்ந்து போலீசார் ராஜாராமை கைது செய்து சிறையில் அடைத்தனர்.

தொடர்புடைய செய்திகள்

1. புகைப்பட கலைஞர் கொலை வழக்கு; கள்ளக்காதலனை ஏவி தீர்த்துக்கட்டிய மனைவி கைது
கும்மிடிப்பூண்டி அருகே புகைப்பட கலைஞர் வெட்டி கொலை செய்யப்பட்ட வழக்கில் அவரது மனைவியை போலீசார் கைது செய்தனர்.
2. வெள்ளகோவிலில் கொலை செய்து புதைக்கப்பட்ட நிதிநிறுவன அதிபர் -மனைவியின் உடல்களை தோண்டி எடுத்து பிரேத பரிசோதனை; அக்காள் உள்பட 2 பேர் கைது
வெள்ளகோவிலில் கொலை செய்து புதைக்கப்பட்ட நிதி நிறுவன அதிபர், அவருடைய மனைவி உடலை தோண்டி எடுத்து பிரேத பரிசோதனை செய்யப்பட்டது. இந்த கொலை தொடர்பாக நிதி நிறுவன அதிபரின் அக்காள் உள்பட 2 பேரை போலீசார் கைது செய்தனர்.
3. திருவெண்ணெய்நல்லூர் அருகே, செல்போன் கடை ஊழியர் அடித்துக்கொலை - 3 பேர் கைது
திருவெண்ணெய்நல்லூர் அருகே செல்போன் கடை ஊழியரை அடித்துக் கொலை செய்த 3 பேர் கைது செய்யப்பட்டனர்.
4. ஆவடி அருகே கொலை செய்யப்பட்ட வாலிபர் அடையாளம் தெரிந்தது; முன்விரோதம் காரணமாக நண்பர்கள் கொன்றார்களா? என விசாரணை
ஆவடி அருகே அரிவாளால் வெட்டிக்கொலை செய்யப்பட்ட வழக்கில், வாலிபர்அடையாளம் காணப்பட்டார். முன்விரோதம் காரணமாக நண்பர்களே அழைத்து சென்று கொலை செய்தார்களா? என போலீசார் விசாரித்து வருகின்றனர்.
5. ரவுடியின் உறவினர் வெட்டிக்கொலை; மர்ம கும்பலுக்கு போலீஸ் வலைவீச்சு
காஞ்சீபுரத்தில் பிரபல ரவுடியின் உறவினர் சரமாரியாக கத்தியால் வெட்டிக்கொலை செய்யப்பட்டார். இதையொட்டி மோட்டார் சைக்கிளில் வந்த 7 பேர் கொண்ட கும்பலை போலீசார் வலைவீசி தேடி வருகின்றனர்.