மாவட்ட செய்திகள்

காஞ்சீபுரம் ரவுடி ஸ்ரீதரின் தம்பி வெட்டிக்கொலை: வேலூர் கோர்ட்டில் 5 வாலிபர்கள் சரண் + "||" + Kanjiipuram Rowdy Sridhar's younger brother killed 5 men surrendered to the Court in Vellore

காஞ்சீபுரம் ரவுடி ஸ்ரீதரின் தம்பி வெட்டிக்கொலை: வேலூர் கோர்ட்டில் 5 வாலிபர்கள் சரண்

காஞ்சீபுரம் ரவுடி ஸ்ரீதரின் தம்பி வெட்டிக்கொலை: வேலூர் கோர்ட்டில் 5 வாலிபர்கள் சரண்
காஞ்சீபுரம் ரவுடி ஸ்ரீதரின் தம்பி கருணாகரன் கொலை வழக்கு சம்பந்தமாக 5 வாலிபர்கள் வேலூர் கோர்ட்டில் சரண் அடைந்தனர்.
வேலூர், 

காஞ்சீபுரத்தை அடுத்த திருப்பருத்திக்குன்றம் ஊராட்சிமன்ற முன்னாள் தலைவர் வெங்கடேசனின் தம்பி கருணா என்கிற கருணாகரன் (வயது 32). இவர் பிரபல ரவுடி ஸ்ரீதரின் சித்தப்பா மகன் ஆவார். கருணாகரன் காஞ்சீபுரம் வணிகர்வீதியில் பைனான்ஸ் நிறுவனம் நடத்தி வருகிறார்.

இவருடைய பைனான்ஸ் நிறுவனத்தில் நேற்று முன்தினம் மாலை ஆயுதபூஜை கொண்டாடப்பட்டது. இந்த பூஜையில் கருணாகரனும் கலந்து கொண்டார். மாலை 6 மணியளவில் 5 மோட்டார் சைக்கிளில் 10 பேர் கொண்ட மர்மகும்பல் ஹெல்மெட் அணிந்தபடி பயங்கர ஆயுதங்களுடன் பைனான்ஸ் நிறுவனத்துக்குள் நுழைந்தனர். அங்கிருந்த கருணாகரன், விக்னேஷ் ஆகியோரை அந்த கும்பல் அரிவாளால் சரமாரியாக வெட்டி விட்டு தப்பிச்சென்றனர். இதில், ரத்த வெள்ளத்தில் சம்பவ இடத்திலேயே கருணாகரன் உயிரிழந்தார். படுகாயம் அடைந்த விக்னேஷ் சிகிச்சைக்காக மருத்துவமனையில் அனுமதிக்கப்பட்டுள்ளார்.

இதுகுறித்து காஞ்சீபுரம் போலீசார் வழக்குப்பதிந்தனர். மேலும் இந்த சம்பவத்தில் ஈடுபட்டு தப்பியோடிய மர்மகும்பலை போலீசார் தீவிரமாக தேடி வந்தனர்.

இந்த நிலையில் கருணாகரன் கொலை வழக்கு சம்பந்தமாக காஞ்சீபுரம் மாவட்டம் தாமல் பகுதியை சேர்ந்த மணிமாறன் (24), விஜய் (20), துளசிராமன் (24), மணிகண்டன் (23), காந்தி (24) ஆகிய 5 பேர் வேலூர் கோர்ட்டில் (ஜே.எம்.-4) நேற்று காலை சரண் அடைந்தனர். அவர்கள் 5 பேரையும் 15 நாட்கள் நீதிமன்றக் காவலில் வைக்கும்படி மாஜிஸ்திரேட்டு ஜெகன்நாதன் உத்தரவிட்டார். அதைத்தொடர்ந்து 5 பேரும் வேனில் பலத்த காவலுடன் அழைத்து செல்லப்பட்டு வேலூர் மத்திய சிறையில் அடைக்கப்பட்டனர்.

தொடர்புடைய செய்திகள்

1. தூத்துக்குடியில் பயங்கரம்: காதல் மனைவி கழுத்தை இறுக்கி கொலை வெறிச்செயலில் ஈடுபட்ட கணவர் கைது
தூத்துக்குடியில் காதல் மனைவி கழுத்தை இறுக்கி கொலை செய்யப்பட்டார். நடத்தையில் சந்தேகத்தால் இந்த வெறிச்செயலில் ஈடுபட்ட கணவரை போலீசார் கைது செய்தனர்.
2. சுங்குவார்சத்திரம் அருகே தலையில் கல்லைப்போட்டு தொழிலாளி கொலை பெயிண்டர் கைது
சுங்குவார் சத்திரம் அருகே தலையில் கல்லைப்போட்டு தொழிலாளியை கொலை செய்ததாக பெயிண்டரை போலீசார் கைது செய்தனர்.
3. நெல்லை அருகே லாரி டிரைவர் கொலை: என்ஜினீயர் உள்பட 3 பேர் கைது
நெல்லை அருகே லாரி டிரைவர் கொலையில் என்ஜினீயர் உள்பட 3 பேரை போலீசார் கைது செய்தனர்.
4. உணவில் விஷம் கலந்து கொடுத்தும் சாகாததால் துப்பட்டாவால் கணவரின் கழுத்தை நெரித்து கொலை கள்ளக்காதலனுடன் மனைவி கைது
உணவில் விஷம் கலந்து கொடுத்தும் சாகாததால், கள்ளக்காதலனுடன் சேர்ந்து துப்பட்டாவால் கணவரின் கழுத்தை நெரித்து கொலை செய்த மனைவி மற்றும் கள்ளக் காதலனை போலீசார் கைது செய்தனர்.
5. கடலூர் அருகே ஊராட்சி மன்ற தலைவர் கொலை வழக்கில் 11 பேர் கைது
கடலூர் அருகே ஊராட்சி மன்ற தலைவரை வெட்டிகொலை செய்த வழக்கில் தொடர்புடைய 11 பேரை போலீசார் கைது செய்தனர். உடலை வாங்க மறுத்து உறவினர்கள் கடலூரில் சாலை மறியலில் ஈடுபட்டதால் பரபரப்பு ஏற்பட்டது.