மாவட்ட செய்திகள்

காதல் திருமணம் செய்த பெண் தீக்குளித்து தற்கொலை; கோவிலுக்கு கணவர் வர மறுத்ததால் விபரீத முடிவு + "||" + Love married woman commits suicide

காதல் திருமணம் செய்த பெண் தீக்குளித்து தற்கொலை; கோவிலுக்கு கணவர் வர மறுத்ததால் விபரீத முடிவு

காதல் திருமணம் செய்த பெண் தீக்குளித்து தற்கொலை; கோவிலுக்கு கணவர் வர மறுத்ததால் விபரீத முடிவு
வெள்ளகோவில் அருகே கோவிலுக்கு கணவர் வரமறுத்ததால் காதல் திருமணம் செய்த பெண் தீக்குளித்து தற்கொலை செய்து கொண்டார்.
வெள்ளகோவில்,

வெள்ளகோவில் அருகே உள்ள சேர்வகாரன்பாளையத்தை சேர்ந்தவர் செல்வராஜ். இவர் ஒரு கியாஸ் நிறுவனத்தில் வேலை செய்து வருகிறார். இவரது மனைவி போதுபொன்னு (வயது29). இவர்கள் இருவரும் கடந்த 2016-ம் ஆண்டு காதலித்து திருமணம் செய்துகொண்டனர். இவர்களுக்கு இன்னும் குழந்தை ஏதும் இல்லை.


சம்பவத்தன்று போதுபொன்னு தனது கணவரை வெள்ளகோவில் அருகே உள்ள நாட்டராயசாமி கோவிலுக்கு சென்று சாமி கும்பிடுவோம், எனவே என்னுடன் வாருங்கள் என்று கூறியுள்ளார். அப்போது செல்வராஜ் மது அருந்தி இருந்ததால் அவர் கோவிலுக்கு செல்ல மறுத்து விட்டார். இதனால் போதுபொன்னுவும் கோவிலுக்கு செல்லவில்லை.

இதைத்தொடர்ந்து இருவருக்கும் வாக்கு வாதம் ஏற்பட்டுள்ளது. அப்போது போதுபொன்னு, வீட்டில் இருந்த மண்எண்ணெயை எடுத்து வந்து தனது உடலில் ஊற்றி தீவைத்துக்கொண்டார். இதனால் அவருடைய உடல் கருகியது.

உடனே அருகில் இருந்தவர்கள், அவரை மீட்டு காங்கேயம் அரசு மருத்துவமனையில் சேர்த்தனர். அங்கு அவருக்கு முதலுதவி சிகிச்சை அளித்த பின்னர் மேல் சிகிச்சைக்காக ஈரோடு அரசு மருத்துவமனையில் சேர்க்கப்பட்டார்.

அங்கு சிகிச்சை பலனின்றி போதுபொன்னு பரிதாபமாக இறந்தார். இந்த சம்பவம் குறித்து வெள்ளகோவில் போலீசார் வழக்குப்பதிவு செய்து விசாரணை நடத்தி வருகிறார்கள். மேலும் தாராபுரம் ஆர்.டி.ஓ.வும் விசாரணை நடத்த உள்ளார்.

கோவிலுக்கு கணவர் வர மறுத்ததால் காதல் திருமணம் செய்த பெண் தீக்குளித்து தற்கொலை செய்து கொண்ட சம்பவம் அந்த பகுதியில் பரபரப்பை ஏற்படு்த்தி உள்ளது.

தொடர்புடைய செய்திகள்

1. பரப்பாடி அருகே, வி‌‌ஷம் குடித்து பெண் தற்கொலை
பரப்பாடி அருகே வி‌‌ஷம் குடித்து பெண் தற்கொலை செய்து கொண்டார். இதுகுறித்து போலீஸ்தரப்பில் கூறப்பட்டதாவது:-
2. சுசீந்திரம் அருகே, கடன் தொல்லையால் பெண் தற்கொலை
சுசீந்திரம் அருகே கடன் தொல்லையால் பெண் விஷம் குடித்து தற்கொலை செய்து கொண்டார். இந்த சம்பவம் குறித்த விவரம் வருமாறு:-
3. பெற்றோர் எதிர்ப்பை மீறி காதல் திருமணம் செய்த புதுப்பெண்ணை கவுரவ கொலை செய்ய திட்டம் - போலீஸ் சூப்பிரண்டு அலுவலகத்தில் மாமியாா் புகார்
பெற்றோர் எதிர்ப்பை மீறி காதல் திருமணம் செய்த இளம்பெண்ணை கவுரவ கொலை செய்ய திட்டமிட்டுள்ளதாக மாமியார் மாவட்ட போலீஸ் சூப்பிரண்டு அலுவலகத்தில் புகார் மனு அளித்தார்.
4. குறிஞ்சிப்பாடி அருகே, 2 குழந்தைகளை எரித்துக்கொன்று தாய் தற்கொலை
குறிஞ்சிப்பாடி அருகே கள்ளத்தொடர்பை கண்டித்த மனைவியை கணவர் திட்டியதால் மனமுடைந்த பெண் தனது 2 குழந்தைகளை எரித்துக்கொன்று, தற்கொலை செய்த சம்பவம் பரபரப்பை ஏற்படுத்தியுள்ளது.
5. சின்னசேலத்தில், விஷம் குடித்து பெண் தற்கொலை - தாயார் திட்டியதால் விபரீத முடிவு
சின்னசேலத்தில் தாயார் திட்டியதால் விஷம் குடித்து பெண் தற்கொலை செய்து கொண்டார்.