மாவட்ட செய்திகள்

கிருஷ்ணகிரி அருகே, அரசு வேலை வாங்கி தருவதாக ரூ.20 லட்சம் மோசடி - பஸ் கண்டக்டர் கைது + "||" + The government is buying jobs Rs 20 lakh fraud Bus conductor arrested

கிருஷ்ணகிரி அருகே, அரசு வேலை வாங்கி தருவதாக ரூ.20 லட்சம் மோசடி - பஸ் கண்டக்டர் கைது

கிருஷ்ணகிரி அருகே, அரசு வேலை வாங்கி தருவதாக ரூ.20 லட்சம் மோசடி - பஸ் கண்டக்டர் கைது
கிருஷ்ணகிரி அருகே அரசு வேலை வாங்கி தருவதாக பலரிடம் ரூ. 20 லட்சம் வரை மோசடி செய்த அரசு பஸ் கண்டக்டரை போலீசார் கைது செய்தனர். மேலும் ஒருவரை தேடி வருகின்றனர். இது குறித்து போலீஸ் தரப்பில் கூறப்பட்டதாவது:-
கிருஷ்ணகிரி, 

கிருஷ்ணகிரி மாவட்டம் நெடுமறதி கிராமத்தை சேர்ந்தவர் முனிராஜ் (வயது 53). முன்னாள் ராணுவவீரர். இவர் கிருஷ்ணகிரி, வள்ளுவர்புரம் பகுதியை சேர்ந்த அரசு பஸ் கண்டக்டர் சுப்பிரமணி(44) என்பவரிடமும், தீர்த்தகிரிபட்டி பகுதியை சேர்ந்த டிரைவர் ஸ்ரீதர் என்பவரிடமும் ரூ. 5 லட்சம் கொடுத்துள்ளார். இவர்கள் இருவரும் அரசு வேலை வாங்கித் தருவதாக கூறி அந்த பணத்தை பெற்றதாக கூறப்படுகிறது.

ஆனால் அவர்கள் வேலை எதுவும் வாங்கி தரவில்லை என தெரிகிறது. மேலும் கொடுத்த பணத்தையும் திருப்பி தரவில்லை எனக்கூறப்படுகிறது.

இது குறித்து முனிராஜ் கிருஷ்ணகிரி மாவட்ட போலீஸ் சூப்பிரண்டு பண்டி கங்காதரிடம் புகார் கொடுத்தார். அந்த புகாரின் பேரில் விசாரணை நடத்த அவர் மாவட்ட குற்றப்பிரிவு போலீசாருக்கு உத்தரவிட்டார். அதன் பேரில் போலீசார் விசாரணை நடத்தினார்கள்.

அதில் சுப்பிரமணி மற்றும் ஸ்ரீதர் அரசு வேலை வாங்கி தருவதாக பலரிடம் சுமார் ரூ.20 லட்சம் வரை பெற்று மோசடியில் ஈடுபட்டது தெரியவந்தது. இது குறித்து மாவட்ட குற்றப்பிரிவு போலீசார் வழக்குப்பதிவு செய்து சுப்பிரமணியை கைது செய்தனர். ஸ்ரீதரை தேடி வருகிறார்கள்.

தொடர்புடைய செய்திகள்

1. திருப்பூரில் ஏலச்சீட்டு நடத்தி மோசடி செய்தவருக்கு 7 ஆண்டு சிறை; கோர்ட்டு தீர்ப்பு
திருப்பூரில் ஏலச்சீட்டு நடத்தி மோசடி செய்தவருக்கு 7 ஆண்டு சிறை தண்டனை விதித்து திருப்பூர் கோர்ட்டு தீர்ப்பு கூறியது.
2. அரசு வேலை வாங்கி தருவதாக கூறி ரூ.34¾ லட்சம் மோசடி; பெண் கைது
அரசு வேலை வாங்கி தருவதாக கூறி ரூ.34¾ லட்சம் மோசடி செய்த பெண் கைது செய்யப்பட்டார்.
3. அரசு வேலை வாங்கி தருவதாக கூறி ரூ.34¾ லட்சம் மோசடி; பெண் கைது
அரசு வேலை வாங்கி தருவதாக கூறி ரூ.34¾ லட்சம் மோசடி செய்த பெண் கைது செய்யப்பட்டார்.
4. போலி சொத்து பத்திரம் மூலம் வங்கியில் ரூ.50 லட்சம் மோசடி; முன்னாள் மேலாளர் கைது
மும்பை அந்தேரி வெர்சோவா பகுதியை சேர்ந்தவர் மார்தா டிசோசா. இவரது வீட்டிற்கு தேனா வங்கியில் இருந்து நோட்டீஸ் ஒன்று வந்தது. அந்த நோட்டீசில் தாங்கள் வாங்கிய ரூ.50 லட்சம் கடனை உடனடியாக திருப்பி செலுத்தும்படி அறிவுறுத்தப்பட்டு இருந்தது. இதனால் அதிர்ச்சி அடைந்த அவர், வங்கிக்கு சென்று விசாரித்தார்.
5. நாகர்கோவில் நிதிநிறுவனத்தில் போலி ஆவணம் மூலம் ரூ.1 கோடி மோசடி 3 பேர் மீது வழக்கு
நாகர்கோவிலில் நிதிநிறுவனத்தில் போலி ஆவணம் மூலம் ரூ.1 கோடி மோசடி செய்த 3 பேர் மீது மாவட்ட குற்றப்பிரிவு போலீசார் வழக்குப்பதிவு செய்துள்ளனர்.