மாவட்ட செய்திகள்

ஆத்தூர் காமராஜர் அணை கால்வாய் ரூ.77½ லட்சத்தில் சீரமைப்பு - கலெக்டர் ஆய்வு + "||" + Attur Kamarajar Dam Canal Alignment at Rs.77½ lakh The Collector Inspection

ஆத்தூர் காமராஜர் அணை கால்வாய் ரூ.77½ லட்சத்தில் சீரமைப்பு - கலெக்டர் ஆய்வு

ஆத்தூர் காமராஜர் அணை கால்வாய் ரூ.77½ லட்சத்தில் சீரமைப்பு - கலெக்டர் ஆய்வு
ஆத்தூர் காமராஜர் அணையின் வரத்து கால்வாய் ரூ.77½ லட்சத்தில் சீரமைக்கப்படுகிறது. இந்த பணியை கலெக்டர் விஜயலட்சுமி ஆய்வு செய்தார்.
திண்டுக்கல், 

திண்டுக்கல் மாவட்டம் ஆத்தூரில் காமராஜர் அணை உள்ளது. இந்த அணையின் வரத்து கால்வாய் சேதமாகி இருந்தது. இதையடுத்து குடிமராமத்து திட்டத்தில் ரூ.77½ லட்சம் செலவில் அந்த கால்வாய் சீரமைக்கப்படுகிறது. அந்த பணியை நேற்று கலெக் டர் விஜயலட்சுமி நேரில் பார்வையிட்டு ஆய்வு செய்தார். அப்போது கலெக்டர் கூறியதாவது:-

குடிமராமத்து திட்டத்தில் ரூ.47 கோடியே 41 லட்சம் செலவில், மாவட்டம் முழுவதும் 114 பணிகள் நடைபெற்று வருகின்றன. இதில் ரூ.77½ லட்சம் செலவில் ஆத்தூர் காமராஜர் அணை வரத்து கால்வாய் சீரமைக்கப்படுகிறது. இதையொட்டி கால்வாயில் 90 மீட்டர் நீளத்துக்கு தடுப்புச்சுவரும், சொக்குபிள்ளை ஓடையில் 20 மீட்டர் நீளத்துக்கு தடுப்புச்சுவரும் கட்டப்படுகிறது.

இந்த கால்வாய் மூலம் கருங்குளம், பகடைகுளம், புல்வெட்டிகுளம் ஆகியவற்றுக்கு தண்ணீர் செல்கிறது. அதையொட்டி ஆத்தூர், ஆதிலட்சுமிபுரம், சித்தையன்கோட்டை, பாளையங்கோட்டை, கூலம்பட்டி, சீவல்சரகு, பழைய செம்பட்டி ஆகிய கிராமங்களில் உள்ள சுமார் 800 ஏக்கர் நிலம் பாசன வசதி பெறும். இதனால் அந்த பகுதிகளை சேர்ந்த மக்கள் பயன்பெறுவார்கள். மேலும் குடிமராமத்து திட்ட பணிகளை பருவமழை தொடங்கும் முன்பு முடிப்பதற்கு நடவடிக்கை எடுக்கப்பட்டுள்ளது. அதன்மூலம் நீர்நிலைகளில், மழைநீரை முழுமையாக சேமித்து, விவசாயத்துக்கு பயன்படுத்த முடியும்.

இவ்வாறு அவர் கூறினார்.

இந்த ஆய்வின் போது பொதுப்பணித்துறை உதவி பொறியாளர் தங்கவேலு உள்ளிட்ட அதிகாரிகள், விவசாய சங்கத்தினர் உடன் இருந்தனர்.

தொடர்புடைய செய்திகள்

1. ஏ.சி. வசதி இல்லாத கடைகள் நிபந்தனைகளுடன் செயல்படலாம் - கலெக்டர் அறிவிப்பு
திண்டுக்கல் மாவட்டத்தில் ஏ.சி. வசதி இல்லாத கடைகள் நிபந்தனைகளுடன் செயல்படலாம். இதுகுறித்து கலெக்டர் விஜயலட்சுமி கூறியிருப்பதாவது:-
2. பட்டிவீரன்பட்டி அருகே, கொரோனா பாதித்த பகுதிகளில் கலெக்டர் திடீர் ஆய்வு
பட்டிவீரன்பட்டி அருகே கொரோனா பாதித்த பகுதிகளில் திண்டுக்கல் மாவட்ட கலெக்டர் விஜயலட்சுமி நேரில் ஆய்வு செய்தார்.
3. சமூக இடைவெளி குறித்த விழிப்புணர்வு ஏற்படுத்த அனைத்து மத பிரதிநிதிகளும் அதிகாரிகளுடன் இணைந்து செயல்பட வேண்டும்
சமூக இடைவெளி குறித்து பொதுமக்களிடம் விழிப்புணர்வு ஏற்படுத்த அனைத்து மத பிரதிநிதிகளும் மாவட்ட நிர்வாக அதிகாரிகளுடன் இணைந்து செயல்பட வேண்டும் என்று ஆலோசனை கூட்டத்தில் கலெக்டர் விஜயலட்சுமி வேண்டுகோள் விடுத்துள்ளார்.
4. அத்தியாவசிய பொருட்களை கொண்டு செல்ல 1,754 வாகனங்களுக்கு அனுமதி சீட்டு - கலெக்டர் தகவல்
அத்தியாவசிய பொருட் களை கொண்டு செல்வதற்கு இதுவரை 1,754 வாகனங்களுக்கு அனுமதி சீட்டு வழங்கப்பட்டுள்ளதாக கலெக்டர் விஜயலட்சுமி தெரிவித்தார்.
5. கொரோனா வைரஸ் எதிரொலி: ரெயில் பயணிகளுக்கு நோய் தொற்று பரவாமல் தடுக்க நடவடிக்கை - கலெக்டர் உத்தரவு
ரெயில்களில் பயணம் செய்யும் பயணிகளுக்கு கொரோனா வைரஸ் பரவாமல் தடுக்க நடவடிக்கை எடுக்குமாறு கலெக்டர் விஜயலட்சுமி உத்தரவிட்டுள்ளார்.