மாவட்ட செய்திகள்

ஆறுமுகநேரியில் வீடு, கோவிலில் புகுந்து நகை திருடிய முதியவர்: பொதுமக்கள் மடக்கி பிடித்து போலீசில் ஒப்படைத்தனர் + "||" + In Arumuganeri Into the house, the temple Old man who stole jewelry

ஆறுமுகநேரியில் வீடு, கோவிலில் புகுந்து நகை திருடிய முதியவர்: பொதுமக்கள் மடக்கி பிடித்து போலீசில் ஒப்படைத்தனர்

ஆறுமுகநேரியில் வீடு, கோவிலில் புகுந்து நகை திருடிய முதியவர்: பொதுமக்கள் மடக்கி பிடித்து போலீசில் ஒப்படைத்தனர்
ஆறுமுகநேரியில் வீடு, கோவிலில் புகுந்து நகை திருடிய முதியவரை பொதுமக்கள் மடக்கி பிடித்து போலீசில் ஒப்படைத்தனர்.
ஆறுமுகநேரி,

தூத்துக்குடி மாவட்டம் ஆறுமுகநேரி லட்சுமிமாநகரம் திசைகாவல் தெருவைச் சேர்ந்தவர் பாஸ்கர். தனியார் நிறுவன ஊழியரான இவர் நேற்று முன்தினம் இரவில் தனது வீட்டில் தூங்கி கொண்டிருந்தார். அப்போது நள்ளிரவில் அங்கு வந்த மர்மநபர், பாஸ்கரின் வீட்டின் முன்பக்க கதவின் பூட்டை உடைத்து உள்ளே நுழைந்தார். பின்னர் அவர், வீட்டில் உள்ள பீரோவை உடைத்து, அதில் இருந்த 1¼ பவுன் தங்கச்சங்கிலியை திருடி சென்றார்.

தொடர்ந்து அந்த மர்மநபர், அதே தெருவில் உள்ள உச்சிமாகாளி அம்மன் கோவிலின் முன்பக்க கதவின் பூட்டை உடைத்து உள்ளே நுழைந்தார். பின்னர் அவர், கோவிலில் அம்மனுக்கு அணிவிக்கப்பட்டு இருந்த 1½ கிராம் தங்க பொட்டு தாலியை திருடினார். அதன்பிறகு கோவிலில் இருந்த உண்டியலை உடைத்து, அதில் இருந்த பணத்தை திருடினார்.

இதற்கிடையே, கோவிலில் இருந்து சத்தம் கேட்டதால், அக்கம்பக்கத்தினர் அங்கு சென்றனர். அவர்களை பார்த்ததும், மர்மநபர் வெளியே தப்பி ஓடினார். உடனே பொதுமக்கள் விரட்டிச்சென்று, அந்த மர்மநபரை மடக்கி பிடித்து, ஆறுமுகநேரி போலீஸ் நிலையத்தில் ஒப்படைத்தனர்.

போலீசாரின் விசாரணையில், அவர் உடன்குடி நடுக்காலன்குடியிருப்பை சேர்ந்த தங்கமுத்து (வயது 60) என்பது தெரியவந்தது. அவரை போலீசார் கைது செய்தனர். அவரிடம் இருந்து 1¼ பவுன் தங்கச்சங்கிலி, 1½ கிராம் தங்க பொட்டு தாலி, உண்டியல் பணம் ரூ.4 ஆயிரத்து 130 ஆகியவை பறிமுதல் செய்யப்பட்டது.

கைதான தங்கமுத்து மீது திருச்செந்தூர் பகுதியிலும், ஆந்திரா மாநிலத்திலும் பல்வேறு திருட்டு வழக்குகள் உள்ளன. எனவே அவர் வேறு எங்கேனும் திருட்டு சம்பவங்களில் ஈடுபட்டாரா? என போலீசார் தீவிர விசாரணை நடத்தி வருகின்றனர்.

தொடர்புடைய செய்திகள்

1. திருவள்ளூர் மாவட்டத்தில் ஊரடங்கால் வீடு, கோவில்களில் எளிமையாக நடந்த திருமணங்கள்
கொரோனா வைரஸ் பரவல் காரணமாக ஊரடங்கு உத்தரவு போடப்பட்டுள்ள நிலையில், திருவள்ளூர் மாவட்டத்தில் ஏற்கனவே நிச்சயிக்கப்பட்ட திருமணங்கள் வீடு மற்றும் கோவில்களில் எளிமையான முறையில் நடந்தது.
2. கடையம் அருகே, செல்போன் கடை, வீட்டில் நகை-பணம் கொள்ளை - மர்மநபர்களுக்கு வலைவீச்சு
கடையம் அருகே செல்போன் கடை, வீட்டின் பூட்டை உடைத்து நகை-பணத்தை கொள்ளையடித்து சென்ற மர்மநபர்களை போலீசார் வலைவீசி தேடி வருகிறார்கள்.
3. நெல்லை மாவட்டத்தில் வீடு, உணவு இல்லாமல் தவிப்பவர்களுக்கு உதவிட தொலைபேசி எண் அறிமுகம் - கலெக்டர் ஷில்பா தகவல்
நெல்லை மாவட்டத்தில் வீடு, உணவு இல்லாமல் தவிப்பவர்களுக்கு உதவிட இலவச தொலைபேசி எண் அறிமுகப்படுத்தப்பட்டு உள்ளது. இதில் தகவல் தெரிவிக்கலாம் என்று கலெக்டர் ஷில்பா தெரிவித்துள்ளார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-
4. அரிசி ரேஷன் அட்டைதாரர்களுக்கு வீடு, வீடாக சென்று கொரோனா நிவாரண நிதி வழங்கிய ஊழியர்கள்
நெல்லை மாவட்டத்தில் அரிசி ரேஷன் அட்டைதாரர்களுக்கு கொரோனா நிவாரண நிதியை வீடு, வீடாக சென்று ஊழியர்கள் வழங்கினர்.
5. பஞ்சாபில் முதல்-மந்திரியின் வீட்டுக்கு மின்சார வினியோகத்தை துண்டிப்போம் - ஆம் ஆத்மி மிரட்டல்
பஞ்சாபில் முதல்-மந்திரியின் வீட்டுக்கு மின்சார வினியோகத்தை துண்டிப்போம் என ஆம் ஆத்மி மிரட்டல் விடுத்தது.