மாவட்ட செய்திகள்

ஹெல்மெட் அணியாமல் ஸ்கூட்டரில் சென்ற முதல்-அமைச்சர் நாராயணசாமி மீது வழக்கு? - போலீஸ் டி.ஜி.பி.க்கு, கவர்னர் உத்தரவு + "||" + Went on a scooter without wearing a helmet Case against First Minister Narayanasamy? DGP to police, the governor ordered

ஹெல்மெட் அணியாமல் ஸ்கூட்டரில் சென்ற முதல்-அமைச்சர் நாராயணசாமி மீது வழக்கு? - போலீஸ் டி.ஜி.பி.க்கு, கவர்னர் உத்தரவு

ஹெல்மெட் அணியாமல் ஸ்கூட்டரில் சென்ற முதல்-அமைச்சர் நாராயணசாமி மீது வழக்கு? - போலீஸ் டி.ஜி.பி.க்கு, கவர்னர் உத்தரவு
ஹெல்மெட் அணியாமல் ஸ்கூட்டரில் சென்ற முதல்-அமைச்சர் நாராயணசாமி மீது வழக்குப்பதிவு செய்ய போலீஸ் டி.ஜி.பி.க்கு கவர்னர் கிரண்பெடி உத்தரவிட்டுள்ளார்.
புதுச்சேரி, 

புதுச்சேரி கவர்னருக்கும், அமைச்சரவைக்கும் இடையே மோதல் போக்கு நீடித்து வருகிறது. நலத்திட்ட உதவிகள் வழங்க கவர்னர் தடையாக இருக்கிறார் என்று முதல்-அமைச்சர் நாராயணசாமியும் அரசு விதிமுறைகளை பின்பற்றுவது இல்லை என்று கவர்னர் கிரண்பெடியும் ஒருவரையொருவர் மாறி மாறி குற்றஞ்சாட்டி வருகின்றனர்.

இந்த நிலையில் காமராஜ் நகர் தொகுதி இடைத்தேர்தலில் பிரசாரம் மேற்கொண்ட முதல்-அமைச்சர் நாராயணசாமி, ‘கவர்னர் கிரண்பெடி தேர்தல் விதிகளை மீறி செயல்படுகிறார். தேர்தல் நடத்தை விதிகள் அமலில் இருக்கும்போது ஏனாமில் ஆய்வு மேற்கொண்டார். அதிகாரிகளை அழைத்து ஆலோசனைக்கூட்டம் நடத்தினார். இதுகுறித்து அவர் மீது தேர்தல் கமிஷனில் புகார் செய்வேன். மேலும் சென்னை ஐகோர்ட்டில் நீதிமன்ற அவமதிப்பு வழக்கு தொடருவேன்’ என்றார்.

இதற்கிடையே காமராஜ் நகர் தொகுதி இடைத்தேர்தல் பிரசாரத்தின் இறுதி நாளான நேற்று முன்தினம் காங்கிரஸ் கட்சி வேட்பாளருக்கு ஆதரவாக முதல்-அமைச்சர் நாராயணசாமி மற்றும் அமைச்சர்கள், காங்கிரஸ் கட்சி நிர்வாகிகள், தொண்டர்கள் இரு சக்கர வாகனங்களில் ஊர்வலமாக சென்று ஆதரவு திரட்டினர்.

அப்போது ஸ்கூட்டரில் சென்ற முதல்-அமைச்சர் நாராயணசாமி உள்பட யாரும் ஹெல்மெட் அணியவில்லை. இது தொடர்பான படம் பத்திரிகைகளில் வந்தது. அந்த படத்துடன் கவர்னர் கிரண்பெடி தனது டுவிட்டரில் ஒரு பதிவை வெளியிட்டுள்ளார்.

அந்த பதிவில், ‘மோட்டார் வாகன சட்டத்தை மீறும் இச்செயல் வெட்கக்கேடானது. சுப்ரீம் கோர்ட்டு, ஐகோர்ட்டு உத்தரவுகள், சட்டங்கள் மீறப்பட்டுள்ளன. புதுவை போலீஸ் டி.ஜி.பி. பாலாஜி ஸ்ரீவஸ்தவாவிடம் சட்டத்தின் உத்தரவுகளை மீறுபவர்கள் மீது சட்டப்படி நடவடிக்கை எடுக்க வேண்டும் என்று உத்தரவிட்டுள்ளேன்’ என்று குறிப்பிட்டுள்ளார்.

எனவே ஹெல்மெட் அணியாமல் ஸ்கூட்டரில் சென்றது தொடர்பாக முதல்-அமைச்சர் நாராயணசாமி மீது வழக்குப்பதிவு செய்யப்படுமா? என்ற பரபரப்பு ஏற்பட்டுள்ளது.

கவர்னர் கிரண்பெடியின் இந்த பதிவுக்கு முதல்-அமைச்சர் நாராயணசாமி தனது டுவிட்டர் பக்கத்தில் பதில் அளித்துள்ளார். அதில், ‘ஒரு கருத்தை கூறுவதற்கு முன் தாங்கள் என்ன செய்கிறோம் என்பதை பாருங்கள்’ என்று குறிப்பிட்டுள்ளார்.

தொடர்புடைய செய்திகள்

1. அரசின் உத்தரவுகளை கடைப்பிடிக்காத கடைகளுக்கு சீல் - முதல்-அமைச்சர் நாராயணசாமி எச்சரிக்கை
அரசின் உத்தரவுகளை கடைப்பிடிக்காத கடைகளுக்கு சீல் வைக்கப்படும் என்று முதல்-அமைச்சர் நாராயணசாமி எச்சரித்துள்ளார்.
2. அரசின் நடவடிக்கைக்கு அனைவரும் கட்டுப்பட வேண்டும் கொரோனா பரவலை தடுக்க இன்று முக்கிய முடிவு - முதல்-அமைச்சர் நாராயணசாமி பேட்டி
புதுவையில் கொரோனா பரவுவதை தடுக்க இன்று முக்கிய முடிவு எடுக்கப்பட உள்ளது. பாதிப்பாக இருந்தாலும் அரசின் நடவடிக்கைகளுக்கு அனைவரும் கட்டுப்பட வேண்டும் என்று முதல்-அமைச்சர் நாராயணசாமி தெரிவித்தார். முதல்-அமைச்சர் நாராயணசாமி சட்டசபை வளாகத்தில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
3. மின்துறை தொழிற்சங்க நிர்வாகிகளுடன் நாராயணசாமி ஆலோசனை - போராட்டத்தை கைவிட வலியுறுத்தல்
மின்துறை நிர்வாகிகளுடன் முதல்-அமைச்சர் நாராயணசாமி ஆலோசனை நடத்தினார். அப்போது அவர்களிடம் போராட்டத்தை கைவிடுமாறு வலியுறுத்தினார்.
4. கொரோனா தடுப்பு நடவடிக்கை: மத்திய அரசு ஆதரவு அளிக்கவில்லை - முதல்-அமைச்சர் நாராயணசாமி குற்றச்சாட்டு
புதுவையில் கொரோனா தடுப்பு நடவடிக்கைக்கு மத்திய அரசு ஆதரவு அளிக்கவில்லை என முதல்-அமைச்சர் நாராயணசாமி குற்றஞ்சாட்டினார்.
5. கொரோனாவால் பாதிக்கப்பட்டவர்களுடன் தொடர்பில் இருந்ததால் தொற்று அதிகரிப்பு, புதுச்சேரியில் சமூக பரவல் இல்லை - முதல்-அமைச்சர் நாராயணசாமி பேட்டி
புதுச்சேரியில் கொரோனாவால் பாதிக்கப்பட்டவர்களின் எண்ணிக்கை நாளுக்கு நாள் அதிகரித்து வருகிறது. ஏற்கனவே 2 பேர் உயிரிழந்த நிலையில் மேலும் ஒரு முதியவர் நேற்று பலியானார். இதன்மூலம் சாவு 3 ஆக உயர்ந்துள்ளது. இந்தநிலையில் புதுச்சேரி முதல்-அமைச்சர் நாராயணசாமி சட்டசபை வளாகத்தில் நேற்று நிருபர்களுக்கு பேட்டி அளித்தார். அவர் கூறியதாவது:-