மாவட்ட செய்திகள்

ஸ்ரீரங்கம் கோர்ட்டில் ஆஜர்படுத்தப்பட்ட கணேசனிடம் மீண்டும் 6 நாள் விசாரிக்க போலீசாருக்கு அனுமதி + "||" + Appeared in Srirangam Court Ganeshan allowed police to investigate again for 6 days

ஸ்ரீரங்கம் கோர்ட்டில் ஆஜர்படுத்தப்பட்ட கணேசனிடம் மீண்டும் 6 நாள் விசாரிக்க போலீசாருக்கு அனுமதி

ஸ்ரீரங்கம் கோர்ட்டில் ஆஜர்படுத்தப்பட்ட கணேசனிடம் மீண்டும் 6 நாள் விசாரிக்க போலீசாருக்கு அனுமதி
ஸ்ரீரங்கம் கோர்ட்டில் ஆஜர்படுத்தப்பட்ட கணேசனிடம் மீண்டும் 6 நாள் விசாரிக்க போலீசாருக்கு கோர்ட்டு அனுமதி வழங்கி உள்ளது. மேலும், 3 கிலோ தங்க நகைகளும் பறிமுதல் செய்யப்பட்டது.
சமயபுரம்,

திருச்சி லலிதா ஜூவல்லரி நகைக்கடையில் கடந்த 2-ந் தேதி அதிகாலை ரூ.12 கோடியே 31 லட்சம் மதிப்புள்ள 28½ கிலோ தங்க நகைகள் கொள்ளையடிக்கப்பட்டன. இந்த கொள்ளை சம்பவத்தில் திருவாரூரை சேர்ந்த பிரபல கொள்ளையன் முருகன், சுரேஷ், மதுரையை சேர்ந்த கணேசன் உள்ளிட்டோர் ஈடுபட்டது தெரியவந்தது. போலீசார் அவர்களை தேடி வந்த நிலையில், முருகன் பெங்களூரு கோர்ட்டிலும், சுரேஷ் செங்கம் கோர்ட்டிலும் சரண் அடைந்தனர். முருகனை பெங்களூரு போலீசார் காவலில் எடுத்து விசாரணை நடத்தி வருகிறார்கள்.


இதையடுத்து திருச்சி தனிப்படை போலீசார் கோர்ட்டு உத்தரவை பெற்று, சுரேசை திருச்சிக்கு அழைத்து வந்து மத்திய சிறையில் அடைத்தனர். மேலும், இந்த கொள்ளை வழக்கில் மதுரை மாவட்டம் வாடிப்பட்டியை சேர்ந்த கணேசனுக்கு தொடர்பு இருந்தது தெரியவந்தது. கணேசனை கடந்த 13-ந் தேதி போலீசார் கைது செய்தனர். அப்போது அவரது வீட்டின் அருகே பதுக்கி வைத்து இருந்த 6 கிலோ 100 கிராம் எடை கொண்ட தங்க நகைகளை பறிமுதல் செய்தனர். இந்த நகைகள் அனைத்தும் லலிதா ஜூவல்லரியில் கொள்ளையடிக்கப்பட்டது என தெரியவந்தது.

3 கிலோ நகைகள் பறிமுதல்

தொடர் விசாரணையில் திருச்சி நெ.1 டோல்கேட் அருகே பஞ்சாப் நேஷனல் வங்கியில் கடந்த ஜனவரி மாதம் 470 பவுன் தங்க நகைகள் மற்றும் ரூ.19 லட்சம் கொள்ளை போன வழக்கிலும் திருவாரூர் முருகன் தலைமையிலான கொள்ளை கும்பலுக்கு தொடர்பு இருந்தது தெரியவந்தது. இதையடுத்து சமயபுரம் போலீசார் பஞ்சாப் நேஷனல் வங்கி கொள்ளை தொடர்பாக கணேசனை கடந்த 18-ந் தேதி முதல் 7 நாள் போலீஸ் காவலில் எடுத்து விசாரித்தனர். விசாரணையில் கணேசன், மதுரை மாவட்டம் வாடிப்பட்டி அருகேயுள்ள மேட்டுப்பட்டி மலையடிவாரத்தில் 3 கிலோ தங்க நகைகளை மண்ணில் புதைத்து வைத்து இருந்தது தெரியவந்தது. அந்த நகைகளை போலீசார் பறிமுதல் செய்தனர்.

பறிமுதல் செய்யப்பட்ட நகைகளை சோதித்து பார்த்தபோது, அதில் 1½ கிலோ தங்க நகைகள் லலிதா ஜூவல்லரியில் கொள்ளையடிக்கப்பட்டது என்பதும், மேலும் 1½ கிலோ நகைகள் பஞ்சாப் நேஷனல் வங்கியில் கொள்ளையடிக்கப்பட்டது என்பதும் தெரியவந்தது. இதையடுத்து 3 கிலோ தங்க நகைகளையும் போலீசார் மீட்டு வந்து கோர்ட்டில் ஒப்படைத்தனர். இதற்கிடையே கணேசனுக்கு நேற்றுடன் 7 நாள் போலீஸ் காவலில் விசாரணை முடிந்தது. இதையடுத்து அவரை நேற்று காலை சமயபுரம் போலீசார் ஸ்ரீரங்கம் கோர்ட்டில் ஆஜர்படுத்தினர்.

மீண்டும் 6 நாள் போலீஸ் காவல்

அப்போது கணேசனிடம் மீண்டும் 7 நாட்கள் போலீஸ் காவலில் விசாரிக்க அனுமதி கோரி கோர்ட்டில் சமயபுரம் போலீசார் மனுத்தாக்கல் செய்தனர். மனுவை விசாரித்த மாஜிஸ்திரேட்டு சிவகாம சுந்தரி, 6 நாள் விசாரணை நடத்த அனுமதி வழங்கினார். இதையடுத்து கணேசனை ரகசிய இடத்துக்கு அழைத்து சென்று மீண்டும் போலீசார் விசாரணை நடத்தி வருகிறார்கள். இதற்கிடையே பஞ்சாப் நேஷனல் வங்கி கொள்ளை சம்பவம் தொடர்பாக மற்றொரு குற்றவாளியான முருகனின் அக்காள் மகன் சுரேசையும் 7 நாட்கள் போலீஸ் காவலில் எடுத்து சமயபுரம் போலீசார் விசாரணை நடத்தி வருகிறார்கள். சுரேசிடம் விசாரணை நடத்தப்படும் பட்சத்தில் பஞ்சாப் நேஷனல் வங்கி கொள்ளையில் மேலும் பல்வேறு தகவல்கள் தெரியவரும் என போலீசார் தெரிவித்தனர்.

தொடர்புடைய செய்திகள்

1. மதுரையில் வங்கி உதவி மேலாளர் வீட்டில் துணிகரம்: 97 பவுன் நகை-ரூ.1½ லட்சம் கொள்ளை
மதுரையில் வங்கி உதவி மேலாளர் வீட்டில் 97 பவுன் தங்க நகைகள், ரூ.1½ லட்சம் கொள்ளை போனது. அந்த வீட்டில் ஆள் இல்லாததை நோட்டமிட்டு கைவரிசை காட்டிய மர்ம மனிதர்களை போலீசார் தீவிரமாக தேடிவருகிறார்கள்.
2. திக்குறிச்சி மகாதேவர் கோவிலில் கொள்ளை போன ஐம்பொன் சிலை மீட்பு கணவன், மனைவி உள்பட 4 பேர் கைது
திக்குறிச்சி மகாதேவர் கோவிலில் கொள்ளை போன ஐம்பொன் சிலை மீட்கப்பட்டது. இதுதொடர்பாக கணவன், மனைவி உள்பட 4 பேரை போலீசார் கைது செய்தனர்.
3. பெரம்பலூர் அருகே தலைமை ஆசிரியர் வீட்டில் 70 பவுன் நகைகள் கொள்ளை
பெரம்பலூர் அருகே தலைமை ஆசிரியர் வீட்டின் பூட்டை உடைத்து 70 பவுன் தங்க நகைகள் மற்றும் ரூ.80 ஆயிரத்தை மர்மநபர்கள் கொள்ளையடித்து சென்றனர்.
4. தக்கலை அருகே துணிகரம் வீட்டுக்குள் புதைக்கப்பட்ட 112½ பவுன் நகைகள் கொள்ளை
தக்கலை அருகே குழிதோண்டி புதைக்கப்பட்ட 112½ பவுன் நகை கொள்ளையடிக்கப்பட்டது. மருமகளை தாக்கி மர்மநபர்கள் கைவரிசை காட்டியதாக மாமனார் புகார் தெரிவித்துள்ளார்.
5. திருச்சி நகைக்கடையில் கொள்ளையடிக்கப்பட்டதில் ஒரு கிலோ நகையை போலீசார் எடுத்துக்கொண்டனர் கொள்ளையன் சுரேஷ் குற்றச்சாட்டு
திருச்சி நகைக்கடையில் கொள்ளையடிக்கப்பட்டதில் ஒரு கிலோ நகையை போலீசார் எடுத்துக்கொண்டனர் என்று கோர்ட்டு வளாகத்தில் கொள்ளையன் சுரேஷ் பரபரப்பாக குற்றம்சாட்டி பேட்டி அளித்தார்.