மாவட்ட செய்திகள்

மழைநீர் சேகரிப்பு தொட்டிக்குள் விழுந்த 3 வயது குழந்தை பலி + "||" + A 3-year-old baby falls into a rainwater harvesting tank and dead

மழைநீர் சேகரிப்பு தொட்டிக்குள் விழுந்த 3 வயது குழந்தை பலி

மழைநீர் சேகரிப்பு தொட்டிக்குள் விழுந்த 3 வயது குழந்தை பலி
விருதுநகர் அருகே மழை நீர் சேகரிப்பு தொட்டிக்குள் விழுந்த 3 வயது குழந்தை உயிரிழந்த சம்பவம் பரிதாபத்தை ஏற்படுத்தியது.
விருதுநகர்,

விருதுநகர் அருகே உள்ள ஓ.கோவில்பட்டி கிராமத்தை சேர்ந்தவர் மூர்த்தி. அவருடைய மனைவி நேத்ராதேவி, இவர்களது 3 வயது மகன் ருத்ரன். இவன் ஓ.கோவில்பட்டி அருகே உள்ள ஒண்டிப்புலிநாயக்கனூரில் உள்ள அவனது தாத்தா மணிகண்டன் என்பவரது வீட்டிற்கு வந்திருந்தான். நேற்று காலை அவன் தாத்தா வீட்டின் முன்பு விளையாடிக் கொண்டிருந்தான்.


அப்போது மணிகண்டனின் வீட்டின் அருகே இருந்த மழை நீர் சேகரிப்பு தொட்டியில் நீர் நிரம்பி இருந்தது. குழந்தை ருத்ரன் அந்த தொட்டிக்குள் தவறி விழுந்தான். விளையாடிக்கொண்டிருந்த குழந்தையை காணவில்லை என தேடிய போது, அவன் மழை நீர் சேகரிப்பு தொட்டிக்குள் விழுந்தது தெரியவந்தது. உடனடியாக அவனை மீட்டு கன்னிச்சேரி அரசு ஆரம்ப சுகாதார நிலையத்துக்கு கொண்டு சென்றனர்.

அவனை பரிசோதித்த டாக்டர்கள், குழந்தை ருத்ரன் நீரில் மூழ்கியதில் உயிரிழந்ததாக தெரிவித்தனர். இதனால் அந்த கிராமமே சோகத்தில் மூழ்கியது. இந்த சம்பவம் தொடர்பாக ஆமத்தூர் போலீசார் வழக்கு பதிவு செய்து விசாரனை மேற்கொண்டுள்ளனர்.

திருச்சி மாவட்டம் நடுக்காட்டுப்பட்டியில் ஆழ்துளை கிணற்றுக்குள் குழந்தை சுஜித் தவறி விழுந்து இறந்த சம்பவம் ஏற்படுத்திய சோகம் மறையும் முன்பு விருதுநகர் அருகே 3 வயது குழந்தை ருத்ரன் உயிரிழந்த சம்பவம் நடந்துள்ளது. மாவட்ட நிர்வாகம் பயன்பாட்டில் இல்லாத ஆழ்துளை கிணறுகளை மூடுவதற்கு ஏற்பாடு செய்வதுடன் மழை நீர் சேகரிப்பு தொட்டிகளையும் பாதுகாப்பான முறையில் அமைக்க உரிய அறிவுறுத்தல் வழங்க வேண்டும் என பொதுமக்கள் கோரிக்கைவிடுத்துள்ளனர்.

தொடர்புடைய செய்திகள்

1. வேளாங்கண்ணி அருகே, மோட்டார்சைக்கிள் மீது கார் மோதல்; 2 வயது குழந்தை பலி போலீசார் விசாரணை
வேளாங்கண்ணி அருகே மோட்டார்சைக்கிள் மீது கார் மோதியதில் 2 வயது குழந்தை பரிதாபமாக இறந்தது. இதுகுறித்து போலீசார் விசாரணை நடத்தி வருகின்றனர்.
2. கும்பகோணம் அருகே, மர்ம காய்ச்சலுக்கு குழந்தை பலி
கும்பகோணம் அருகே மர்ம காய்ச்சலுக்கு குழந்தை பலியானது.
3. மழைநீர் தொட்டியில் விழுந்து சிறுவன் மரணம்: மெத்தனமாக செயல்பட்ட அதிகாரிகள் மீது நடவடிக்கை தேவை - கலெக்டரிடம் மனு
விருதுநகர் அருகே அதிகாரிகள் தோண்டிய மழைநீர் சேகரிப்பு தொட்டியில் விழுந்து சிறுவன் மரணம் அடைந்த நிலையில் மெத்தமான செயல்பட்ட அதிகாரிகள் மீது நடவடிக்கை எடுக்கக்கோரியும், சிறுவனின் பெற்றோருக்கு நிவாரணம் வழங்க கோரியும் கலெக்டரிடம் மனு கொடுக்கப்பட்டது.
4. போச்சம்பள்ளி அருகே, தண்ணீர் தொட்டியில் தவறி விழுந்து குழந்தை பலி
போச்சம்பள்ளி அருகே தண்ணீர் தொட்டியில் தவறி விழுந்து 10 மாத குழந்தை பலியானது.
5. சின்னசேலம் அருகே, பள்ளி பஸ் சக்கரத்தில் சிக்கி குழந்தை பலி
சின்னசேலம் அருகே பள்ளி பஸ் சக்கரத்தில் சிக்கி குழந்தை பரிதாபமாக உயிரிழந்தது.