மாவட்ட செய்திகள்

மாயமான கொத்தனார் கொள்ளிடம் ஆற்றில் பிணமாக மீட்பு கொலை செய்யப்பட்டாரா? போலீசார் விசாரணை + "||" + Was the coroner rescued in the mysterious Kotanar river? Police are investigating

மாயமான கொத்தனார் கொள்ளிடம் ஆற்றில் பிணமாக மீட்பு கொலை செய்யப்பட்டாரா? போலீசார் விசாரணை

மாயமான கொத்தனார் கொள்ளிடம் ஆற்றில் பிணமாக மீட்பு கொலை செய்யப்பட்டாரா? போலீசார் விசாரணை
மண்ணச்சநல்லூர் அருகே மாயமான கொத்தனார் 3 நாட்களுக்கு பிறகு கொள்ளிடம் ஆற்றில் பிணமாக மீட்கப்பட்டார். அவர் கொலை செய்யப்பட்டு ஆற்றில் வீசப்பட்டாரா? என்று போலீசார் விசாரணை நடத்தி வருகின்றனர்.
கொள்ளிடம் டோல்கேட்,

திருச்சி மாவட்டம், மண்ணச்சநல்லூர் அருகே உள்ள சிலையாத்தி குடித்தெருவை சேர்ந்தவர் பழனியப்பன். இவரது மகன் ஹரிஹரன் (வயது 22). கொத்தனாரான இவர் கடந்த 28-ந் தேதி மதியம் வீட்டில் இருந்து வெளியே சென்றார். அன்று இரவு நீண்ட நேரமாகியும் அவர் வீடு திரும்பவில்லை.


இதனால், அதிர்ச்சியடைந்த அவரது தாய் செல்வி, உறவினர்கள் மற்றும் நண்பர்கள் வீடுகளுக்கு சென்று ஹரிஹரனை தேடினார். ஆனால், அவர் அங்கு செல்லவில்லை. 3 நாட்கள் வரை ஹரிஹரன் வீடு திரும்பாததால் தனது மகனை கண்டுபிடித்து தருமாறு நேற்று வாத்தலை போலீசில் செல்வி புகார் அளித்தார். அதன்பேரில், ஹரிஹரனை போலீசார் தேடி வந்தனர்.

ஆற்றில் பிணமாக மீட்பு

இந்நிலையில் துடையூர் அருகே கொள்ளிடம் ஆற்றில் பழைய மணல் குவாரி அருகே ஆண் ஒருவரது பிணம் தண்ணீரில் மிதப்பதாக வாத்தலை போலீசாருக்கு தகவல் கிடைத்தது. அதன்பேரில், போலீசார் சம்பவ இடத்திற்கு சென்று பிணத்தை மீட்டு பிரேத பரிசோதனைக்காக ஸ்ரீரங்கம் அரசு மருத்துவமனைக்கு அனுப்பி வைத்தனர்.

இதுகுறித்து போலீசார் விசாரணை நடத்தியதில் பிணமாக கிடந்தவர், மாயமான கொத்தனார் ஹரிஹரன் என்பது தெரிய வந்தது. இதுகுறித்து அவரது உறவினர்களுக்கு தகவல் கொடுக்கப்பட்டது. தொழில் போட்டி காரணமாக அவரை யாரேனும் கொலை செய்து ஆற்றில் வீசினரா? அல்லது குளிக்க சென்றபோது தண்ணீரில் தவறி விழுந்து இறந்தாரா? என்பன உள்பட பல்வேறு கோணங்களில் போலீசார் விசாரணை நடத்தி வருகின்றனர்.

தொடர்புடைய செய்திகள்

1. காதல் திருமணம் செய்த மனைவியை கத்தரிக்கோலால் குத்திக்கொன்ற தொழிலாளி போலீசார் வலைவீச்சு
ஒரத்தநாடு அருகே குடும்ப தகராறு காரணமாக காதல் திருமணம் செய்த மனைவியை கத்தரிக்கோலால் குத்திக்கொன்ற தொழிலாளியை போலீசார் வலைவீசி தேடி வருகிறார்கள்.
2. திருச்சியில் குழந்தைகள் விற்பனை சம்பவத்தில் புரோக்கர்கள் சிக்கினர் போலீசார் தீவிர விசாரணை
திருச்சியில் குழந்தைகள் விற்பனை சம்பவத்தில் புரோக்கர்கள் சிக்கினர். அவர்களிடம் போலீசார் தீவிர விசாரணை நடத்தி வருகின்றனர்.
3. புதுக்கோட்டை மாவட்ட சிறையில் போலீசார் சோதனை
புதுக்கோட்டையில் உள்ள மாவட்ட சிறைச்சாலையில் போலீசார் நேற்று சோதனை நடத்தினார்கள்.
4. திருச்சியில் 2 குழந்தைகள் விற்பனை? அதிகாரிகள், போலீசார் விசாரணை
திருச்சியில் 2 குழந்தைகள் விற்பனையா? என அதிகாரிகள் மற்றும் போலீசார் விசாரணை நடத்தி வருகின்றனர்.
5. தலையில் கல்லை போட்டு பழ வியாபாரி படுகொலை கொலையாளி சைக்கோவா? போலீசார் விசாரணை
சேலம் பழைய பஸ்நிலைய வணிக வளாகத்தில் தலையில் கல்லை போட்டு பழ வியாபாரி படுகொலை செய்யப்பட்டார். கொலையாளி சைக்கோவா? என்பது குறித்து போலீசார் விசாரணை நடத்தி வருகிறார்கள்.