மாவட்ட செய்திகள்

தூத்துக்குடியில் மழை வெள்ளம் பாதித்த பகுதிகளை கனிமொழி எம்.பி. பார்வையிட்டார் + "||" + Flood affected areas in Thoothukudi MP Kanimozhi Viewed

தூத்துக்குடியில் மழை வெள்ளம் பாதித்த பகுதிகளை கனிமொழி எம்.பி. பார்வையிட்டார்

தூத்துக்குடியில் மழை வெள்ளம் பாதித்த பகுதிகளை கனிமொழி எம்.பி. பார்வையிட்டார்
தூத்துக்குடியில் மழை வெள்ளம் பாதித்த பகுதிகளை கனிமொழி எம்.பி. பார்வையிட்டார்.
தூத்துக்குடி, 

தூத்துக்குடியில் நேற்று பெய்த மழை காரணமாக பல்வேறு இடங்களில் தண்ணீர் தேங்கி உள்ளது. தூத்துக்குடி பழைய பஸ்நிலையத்தில் தண்ணீர் தேங்காத வகையில் மண் நிரப்பப்பட்டு இருந்தது. ஆனாலும் அங்கு தண்ணீர் தேங்கி கிடந்தது. இதைத் தொடர்ந்து தூத்துக்குடி பாராளுமன்ற உறுப்பினர் கனிமொழி நேற்று மதியம் பழைய பஸ் நிலையத்துக்கு சென்று பார்வையிட்டார். மக்களுக்கு பாதிப்பு இல்லாத வகையில் தண்ணீரை அகற்றுவதற்கு நடவடிக்கை எடுக்க அறிவுறுத்தினார். தொடர்ந்து வெற்றிவேல்நகர் உள்ளிட்ட மழைநீர் தேங்கிய பகுதிகளுக்கு சென்று பார்வையிட்டார். அங்கு மழைநீர் அப்புறப்படுத்தும் பணிகளை பார்வையிட்டு, பணிகளை விரைவுபடுத்த வலியுறுத்தினார்.

அப்போது வடக்கு மாவட்ட தி.மு.க. பொறுப்பாளர் கீதாஜீவன் எம்.எல்.ஏ, பொதுக்குழு உறுப்பினர் ஜெகன் மற்றும் நிர்வாகிகள் உடன் இருந்தனர்.

முன்னதாக அவர் நிருபர்களிடம் கூறியதாவது:-

என்னுடைய தொகுதியில் முத்துராமலிங்க தேவர் சிலைக்கு மாலை போடும் வாய்ப்பு கிடைத்தமைக்கு பெருமைப்படுகிறேன். நாடு முழுவதும் சிறுவன் சுஜித் காப்பாற்றப்பட வேண்டும் என்ற எண்ணம்தான் இருந்தது. மீட்பு பணியில் இருந்தவர்களும், குழந்தையை மீட்க போராடினார்கள். நீதிபதிகள் ஒவ்வொரு முறையும் ஒரு மரணம் தான், நம் கடமையை செய்வதற்கு விழிப்புணர்வாக இருக்க வேண்டுமா என்று கேட்டு உள்ளனர். அதனை புரிந்து கொண்டு நாம் விழிப்புணர்வுடன் செயல்பட வேண்டும்.

ஆகையால் அதிகாரிகள் வந்து சொல்வதற்கு முன்னர் நாமே முன்வந்து ஆழ்துளை கிணறுகளை மூடி வைக்க வேண்டும். இது போன்று உயிரோடு விளையாடாமல் முன்னெச்சரிக்கையாக பாதுகாப்பாக வைத்திட வேண்டும். இனி இப்படிப்பட்ட சம்பவங்கள் நிகழாமல் பார்த்துக்கொள்ள வேண்டும். ஆழ்துளை கிணறுகளை மழைநீர் சேகரிக்கும் அமைப்பாக மாற்ற உள்ளதாக அரசு அறிவித்து உள்ளது. அதனை அறிவிப்போடு நிறுத்தி கொள்ளாமல் உடனடியாக செயல்படுத்த வேண்டும்.

இவ்வாறு அவர் கூறினார்.

தொடர்புடைய செய்திகள்

1. இலங்கை தமிழர்களுக்கு இரட்டை குடியுரிமை: “தமிழகத்தில் மக்களை ஏமாற்றும் ஆட்சி நடக்கிறது” - கனிமொழி எம்.பி. கடும் தாக்கு
“இலங்கை தமிழர்களுக்கு இரட்டை குடியுரிமை பெற்றுத்தருவதாக கூறி மக்களை ஏமாற்றும் ஆட்சி தமிழகத்தில் நடந்து கொண்டு இருக்கிறது“ என்று கனிமொழி எம்.பி. கடுமையாக தாக்கி பேசினார்.
2. ஓட்டப்பிடாரம் அருகே, ரூ.30 லட்சம் செலவில் சமுதாய நலக்கூடம் - கனிமொழி எம்.பி. அடிக்கல் நாட்டினார்
ஓட்டப்பிடாரம் அருகே ரூ.30 லட்சம் செலவில் சமுதாய நலக்கூடம் அமைப்பதற்கு கனிமொழி எம்.பி. அடிக்கல் நாட்டினார்.
3. “தி.மு.க. ஆட்சிக்கு வரும்போது அனைத்து கோரிக்கைகளும் நிறைவேற்றப்படும்” - கனிமொழி எம்.பி. பேச்சு
ஆத்தூர் அருகே நடந்த கிராம சபை கூட்டத்தில் பங்கேற்ற கனிமொழி எம்.பி., தி.மு.க. ஆட்சிக்கு வரும்போது அனைத்து கோரிக்கைகளும் நிறைவேற்றப்படும் என்று கூறினார்.
4. ஹைட்ரோ கார்பன் திட்டத்தை செயல்படுத்துவது தமிழகத்துக்கு எதிரான நடவடிக்கை - கனிமொழி எம்.பி. பேட்டி
“ஹைட்ரோ கார்பன் திட்டத்தை செயல்படுத்துவது தமிழகத்துக்கு எதிரான நடவடிக்கை“ என்று கனிமொழி எம்.பி கூறினார்.
5. மீனவர்களின் பிரச்சினைகளுக்கு நாடாளுமன்றத்தில் குரல் கொடுப்பேன் - கனிமொழி எம்.பி. பேச்சு
மீனவர்களின் பிரச்சினைகளுக்கு நாடாளுமன்றத்தில் குரல் கொடுப்பேன் என்று கனிமொழி எம்.பி. பேசினார்.