மாவட்ட செய்திகள்

பாதையை சீரமைக்கக்கோரி மாணவர்கள் வகுப்பை புறக்கணித்து போராட்டம் + "||" + Ciramaikkakkori path Students struggle to ignore class

பாதையை சீரமைக்கக்கோரி மாணவர்கள் வகுப்பை புறக்கணித்து போராட்டம்

பாதையை சீரமைக்கக்கோரி மாணவர்கள் வகுப்பை புறக்கணித்து போராட்டம்
பள்ளி முன்பு உள்ள பாதையை சீரமைக்க வலியுறுத்தி திருப்பத்தூரில் அரசு பள்ளி மாணவர்கள் வகுப்பை புறக்கணித்து போராட்டத்தில் ஈடுபட்டனர்.
திருப்பத்தூர்,

திருப்பத்தூர்-மதுரை சாலையில் ஆறுமுகம் பிள்ளை அரசு ஆண்கள் மேல்நிலைப்பள்ளி இயங்கி வருகிறது. இந்த பள்ளியில் சுமார் 400 மாணவர்கள் படித்து வருகின்றனர். இந்நிலையில் கடந்த சில நாட்களாக இந்த பகுதியில் பலத்த மழை பெய்து வருவதால் இந்த பள்ளியின் அருகில் உள்ள அரசு மருத்துவமனை முன்பு மழைநீர் குளம்போல் தேங்கி நின்றது. இந்த மழைநீரை வெளியேற்றுவதற்காக திருப்பத்தூர் பேரூராட்சி நிர்வாகத் தினர் இந்த பள்ளி நுழைவு வாயில் முன்பு பாதையில் வாய்க்கால் போன்று அமைத்து அந்த தண்ணீரை வெளியேற்றி வருகின்றனர். அதன் பின்னர் கடந்த 2 நாட்களாக அந்த வாய்க்காலை மூடாமல் பேரூராட்சி நிர்வாகத்தினர் சென்றதால் பள்ளிக்கு வரும் மாணவர்கள் உள்ளே செல்ல முடியாமல் அவதிஅடைந்து வந்தனர்.

இன்னும் சில மாணவர்கள் சைக்கிளில் வந்து அதை உள்ளே கொண்டு செல்ல முடியாமல் அவதியடைந்தும், சில மாணவர்கள் அந்த வாய்க்காலில் தவறி விழுந்தும் சென்றனர். இதையடுத்து பள்ளி முன்பு தோண்டப்பட்ட இந்த வாய்க்காலை சீரமைக்க வேண்டும் என்று நேற்று காலை பள்ளி வகுப்பறையில் இருந்த 100-க்கும் மேற்பட்ட மாணவர்கள் வகுப்பை புறக்கணித்து பள்ளி முன்பு போராட்டத்தில் ஈடுபட்டனர். இது குறித்து தகவல் அறிந்த திருப்பத்தூர் மாவட்ட கல்வி அலுவலர் பரமதயாளன், தாசில்தார் விஜயலெட்சுமி மற்றும் போலீஸ் சப்-இன்ஸ்பெக்டர் கோடீஸ்வரன் ஆகியோர் போராட்டத்தில் ஈடுபட்ட மாணவர்களிடம் பேச்சுவார்த்தை நடத்தி அந்த வாய்க்காலை சீரமைக்க நடவடிக்கை எடுக்கப்படும் என்று உறுதி அளித்தனர். இதையடுத்து மாணவர்கள் போராட்டத்தை கைவிட்டு கலைந்து சென்றனர். மேலும் சம்பந்தப்பட்ட பேரூராட்சி பணியாளர்கள் மூலம் தற்காலிகமாக அந்த பாதை சரி செய்யப்பட்டது.

தொடர்புடைய செய்திகள்

1. சட்டசபையை முற்றுகையிட்டு முஸ்லிம் அமைப்புகள் போராட்டம் நடத்த தடை கேட்டு வழக்கு - ஐகோர்ட்டில் விரைவில் விசாரணை
தமிழக சட்டசபையை வருகிற 19-ந்தேதி முஸ்லிம் அமைப்புகள் முற்றுகையிட்டு போராட்டம் நடத்த தடை கேட்டு தொடரப்பட்ட வழக்கு விரைவில் விசாரணைக்கு வர உள்ளது.
2. தமிழகத்தில் குடியுரிமை திருத்த சட்டத்துக்கு எதிரான போராட்டத்தை கண்காணிக்க 12 சிறப்பு அதிகாரிகள் நியமனம் - முதலமைச்சரை சந்தித்து டி.ஜி.பி. ஆலோசனை
முதல்-அமைச்சர் எடப்பாடி பழனிசாமியை போலீஸ் டி.ஜி.பி. ஜே.கே.திரிபாதி சந்தித்து ஆலோசனை நடத்தினார். தமிழகத்தில், குடியுரிமை திருத்த சட்டத்துக்கு எதிராக நடைபெற்று வரும் போராட்டங்களை கண்காணிக்கவும், சட்டம்-ஒழுங்கை பராமரிக்கவும் 12 சிறப்பு அதிகாரிகள் நியமிக்கப்பட்டு உள்ளனர்.
3. சென்னையில் போராட்டம் நடத்தியதாக கைது செய்யப்பட்ட 120 இஸ்லாமியர்கள் விடுதலை
சென்னையில் போராட்டம் நடத்தியதாக கைது செய்யப்பட்ட 120 இஸ்லாமியர்கள் பேச்சுவார்த்தைக்கு பின்னர் விடுதலை செய்யப்பட்டனர்.
4. அ.தி.மு.க. நிர்வாகிகள் ஆலோசனை கூட்டம்; தலைமை அலுவலகம் முன் தொண்டர்கள் போராட்டம்
சென்னையில் இன்று 2வது நாளாக நடந்த அ.தி.மு.க. நிர்வாகிகள் ஆலோசனை கூட்டம் தொடங்கும் முன் தொண்டர்கள் போராட்டத்தில் ஈடுபட்டது பரபரப்பு ஏற்படுத்தியது.
5. அடிப்படை வசதிகளை செய்து தரக்கோரி வகுப்புகளை புறக்கணித்து கல்லூரி மாணவர்கள் உள்ளிருப்பு போராட்டம்
அடிப்படை வசதிகளை செய்து தரக்கோரி வகுப்புகளை புறக்கணித்து கல்லூரி மாணவர்கள் உள்ளிருப்பு போராட்டத்தில் ஈடுபட்டனர்.