மாவட்ட செய்திகள்

தொடர் உண்ணாவிரதத்தால் மோசமான உடல்நிலை: நளினி-முருகனுக்கு குளுக்கோஸ் ஏற்ற முடிவு + "||" + Continuous hunger and poor health: Nalini- decision to load glucose for Murugan

தொடர் உண்ணாவிரதத்தால் மோசமான உடல்நிலை: நளினி-முருகனுக்கு குளுக்கோஸ் ஏற்ற முடிவு

தொடர் உண்ணாவிரதத்தால் மோசமான உடல்நிலை: நளினி-முருகனுக்கு குளுக்கோஸ் ஏற்ற முடிவு
தொடர் உண்ணாவிரதம் காரணமாக உடல்நிலை பாதிக்கப்பட்டுள்ளதால் நளினி, முருகனுக்கு குளுக்கோஸ் ஏற்ற முடிவு செய்யப்பட்டுள்ளது.
வேலூர், 

முன்னாள் பிரதமர் ராஜீவ்காந்தி கொலை வழக்கில் தண்டனைபெற்ற முருகன் வேலூர் ஆண்கள் ஜெயிலிலும், அவரது மனைவி நளினி பெண்கள் ஜெயிலிலும் அடைக்கப்பட்டுள்ளனர். இருவரும் தங்களை விடுதலை செய்யக்கோரி போராட்டம் நடத்தி வருகின்றனர். இந்த நிலையில் கடந்தசில நாட்களுக்கு முன்பு முருகன் அறையில் செல்போன் கைப்பற்றப்பட்டதை அடுத்து அவர் தனி அறைக்கு மாற்றம் செய்யப்பட்டார். சிறை விதிகளை மீறியதாக அவருக்கான சிறைச் சலுகைகளும் ரத்து செய்யப்பட்டது.

தன்னை தனி அறையில் அடைத்து சிறைத்துறை அதிகாரிகள் சித்ரவதை செய்வதாக முருகன் குற்றம்சாட்டி உள்ளார். அறையை விட்டு வெளியே விடாமல் 24 மணி நேரமும் அவரை அடைத்து வைத்துள்ளதாக கூறப்படுகிறது. இதனால் முருகன் தன்னை தனி அறையில் இருந்து விடுவிக்கக்கோரி உண்ணாவிரத போராட்டத்தை தொடர்ந்தார். நேற்று முன் தினம் அவரை அவரது வக்கீல் புகழேந்தி சந்தித்து பேசினார். அப்போது ஜெயிலுக்குள் நடக்கும் சிறைத்துறை அலுவலர்களின் ஊழலை உயர் அதிகாரிகளுக்கு தெரிவித்ததன் காரணமாகவே தன் மீது பொய் வழக்கு போட்டுள்ளனர் என முருகன் வக்கீலிடம் தெரிவித்தார். அவருக்கு ஆதரவாக நளினியும் தொடர் உண்ணாவிரதத்தை மேற்கொண்டு வருகின்றார்.

முருகன் நேற்று 17-வது நாளாகவும், நளினி 9-வது நாளாகவும் உண்ணாவிரதம் இருந்தனர். தொடர் உண்ணாவிரதத்தால் இருவருக்கும் உடல்நிலையில் மிகவும் பாதிப்பு ஏற்பட்டுள்ளது. குறிப்பாக முருகன் நேற்று முன்தினம் மயக்கம் போட்டு விழுந்தார். நளினியும் மிகவும் சோர்வாக காணப்படுகிறார்.

அவர்களை டாக்டர்கள் தீவிரமாக கண்காணித்து வருகின்றனர். நேற்று காலையும் டாக்டர்கள் இருவரின் உடல்நிலை குறித்து பரிசோதனை செய்ததாக கூறப்படுகிறது. இருவருக்கும் குளுக்கோஸ் ஏற்ற முடிவு செய்யப்பட்டுள்ளதாக சிறைத்துறை அதிகாரிகள் தெரிவித்தனர்.

தொடர்புடைய செய்திகள்

1. நளினி உள்பட 7 பேர் விடுதலை தொடர்பாக தமிழக அமைச்சரவை இயற்றிய தீர்மானம் பூஜ்ஜியத்துக்கு சமம் - ஐகோர்ட்டில், மத்திய அரசு வாதம்
நளினி உள்பட 7 பேரை விடுதலை செய்வது தொடர்பாக தமிழக அமைச்சரவையில் இயற்றிய தீர்மானம் பூஜ்ஜியத்திற்கு சமமானது என்று சென்னை ஐகோர்ட்டில் மத்திய அரசு தரப்பில் கூறப்பட்டுள்ளது.
2. பேரறிவாளன் உள்ளிட்ட 7 பேர் விடுதலை தொடர்பாக கவர்னர் சுதந்திரமாக முடிவெடுக்கலாம் - மத்திய அரசு
பேரறிவாளன் உள்ளிட்ட 7 பேர் விடுதலை தொடர்பாக கவர்னர் சுதந்திரமாக முடிவெடுக்கலாம் என மத்திய அரசு சென்னை ஐகோர்ட்டில் தெரிவித்து உள்ளது.
3. தனிப்படை தேடிய தமிழக இளம்பெண், போலீஸ் நிலையத்தில் ஆஜரானார்; தன் மீதான குற்றச்சாட்டுக்கு விளக்கம் அளித்தார்
‘சுதந்திர காஷ்மீர்’ என்ற பதாகையை கையில் ஏந்தி இருந்ததால் சர்ச்சையில் சிக்கிய தமிழக இளம்பெண்ணை தனிப்படை போலீசார் தேடிய நிலையில் நேற்று அவர் மைசூரு ஜெயலட்சுமி போலீஸ் நிலையத்தில் ஆஜரானார். அப்போது அவர் தன் மீதான குற்றச்சாட்டுக்கு விளக்கம் அளித்தார்.
4. ‘‘சுதந்திர காஷ்மீர்’’ என்ற பதாகையுடன் மாணவர் போராட்டத்தில் பங்கேற்ற தமிழக இளம்பெண்ணுக்கு வலைவீச்சு
‘‘சுதந்திர காஷ்மீர்’’ என்ற பதாகையுடன் மாணவர் போராட்டத்தில் பங்கேற்ற தமிழக இளம்பெண்ணை மைசூரு போலீசார் வலைவீசி தேடிவருகிறார்கள்.
5. திருச்சி வங்கி கொள்ளை வழக்கில் முருகனை 6 நாள் போலீஸ் காவலில் விசாரிக்க கோர்ட்டு அனுமதி
வங்கி கொள்ளை வழக்கில் முருகனை 6 நாள் போலீஸ் காவலில் விசாரிக்க ஸ்ரீரங்கம் கோர்ட்டு அனுமதி வழங்கி உள்ளது.