மாவட்ட செய்திகள்

ராசிபுரத்தில் வக்கீல்கள் உண்ணாவிரதம் + "||" + In racipuram Advocates The fasting

ராசிபுரத்தில் வக்கீல்கள் உண்ணாவிரதம்

ராசிபுரத்தில் வக்கீல்கள் உண்ணாவிரதம்
ராசிபுரத்தில் வக்கீல்கள் உண்ணாவிரத போராட்டத்தில் ஈடுபட்டனர்.
ராசிபுரம், 

ராசிபுரம் பழைய பஸ் நிலையம் அருகில் வக்கீல்கள் உண்ணா விரதம் போராட்டம் நடைபெற்றது.

இந்த உண்ணாவிரத போராட்டத்திற்கு ராசிபுரம் குற்றவியல் வக்கீல் சங்கத் தலைவர் வக்கீல் காமராஜ் தலைமை தாங்கினார். பார் கவுன்சில் உறுப்பினர் அய்யாவு, ராசிபுரம் குற்றவியல் வக்கீல் சங்க துணைத் தலைவர் வாசுதேவன், செயலாளர் செல்வகுமார், துணை செயலாளர் வேலுசாமி, பொருளாளர் ரவிக்குமார், சிவில் பார் அசோசியேசன் தலைவர் ரத்தினம், சிவில் பார் தலைவர் நல்லதம்பி ஆகியோர் முன்னிலை வகித்தனர். மூத்த வக்கீல் பாச்சல் சீனிவாசன் வரவேற்றார்.

சமீப காலமாக போலீசார், வக்கீல்கள் இடையே அடிக்கடி மோதல் போக்கு இருந்து வருகிறது. இதை தவிர்க்க போலீசார்-வக்கீல்கள் இடையே சுமுக உறவு குழுவை போர்க்கால அடிப்படையில் உடனடியாக கூட்ட வேண்டும் என்றும், அரசாணை 744-ஐ அமல்படுத்தும்படியும் நாமக்கல் மாவட்ட கலெக்டர், மாவட்ட முதன்மை அமர்வு நீதிபதி, மாவட்ட போலீஸ் சூப்பிரண்டு ஆகியோரை வலியுறுத்தியும் இந்த உண்ணாவிரத போராட்டம் நடைபெற்றது.

இதில் வக்கீல்கள் நல்வினை விஸ்வராஜ், கங்காதரன், உள்பட பலர் கோரிக்கைகள் குறித்து பேசினர். உண்ணாவிரத்தில் மூத்த வக்கீல்கள் தங்கவேலு, சீனிவாசன், சுந்தரம், எஸ்.பி.சிவக்குமார், முன்னாள் அரசு வக்கீல் நடராஜன், வக்கீல்கள் பிரபு, குமார் உள்பட 100-க்கும் மேற்பட்டோர் கலந்து கொண்டனர். முடிவில் குற்றவியல் வக்கீல்கள் சங்க செயலாளர் செல்வகுமார் நன்றி கூறினார்.

தொடர்புடைய செய்திகள்

1. 2-வது நாளாக முருகன் உண்ணாவிரதம்: வேலூர் ஜெயிலில் உயிருக்கு ஆபத்து உள்ளதால் புழலுக்கு மாற்ற கோரிக்கை
வேலூர் ஜெயிலில் உயிருக்கு ஆபத்து உள்ளதால் புழல் ஜெயிலுக்கு மாற்றக்கோரி 2-வது நாளாக முருகன் உண்ணாவிரதத்தில் ஈடுபட்டுள்ளார் என்று அவருடைய வக்கீல் புகழேந்தி தெரிவித்தார்.
2. கிஷான் திட்டத்தில் பாரபட்சமின்றி விவசாயிகளை சேர்க்கக்கோரி இந்திய கம்யூனிஸ்டு கட்சியினர் உண்ணாவிரதம்
கிஷான் திட்டத்தில் பாரபட்சமின்றி விவசாயிகளை சேர்க்கக்கோரி வாய்மேடு அருகே இந்திய கம்யூனிஸ்டு கட்சியினர் உண்ணாவிரத போராட்டத்தில் ஈடுபட்டனர்.
3. ஜவுளி பூங்கா திட்டத்திற்கு ஆயத்த பணிகள் மேற்கொள்ளாத மாவட்ட நிர்வாகத்தை கண்டித்து பொதுமக்கள் உண்ணாவிரதம்
பெரம்பலூர் மாவட்ட ஜவுளி பூங்கா திட்டத்திற்கு ஆயத்த பணிகள் மேற்கொள்ளாத மாவட்ட நிர்வாகத்தை கண்டித்து பொதுமக்கள் உண்ணாவிரதத்தில் ஈடுபட்டனர்.
4. வக்கீல்கள் நாட்டின் நலனுக்கு விரோதமாக செயல்பட கூடாது பொறுப்பு தலைமை நீதிபதி அறிவுரை
நாட்டின் நலனுக்கு விரோதமாக செயல்பட கூடாது என்று புதிய வக்கீல்களுக்கு சென்னை ஐகோர்ட்டு பொறுப்பு தலைமை நீதிபதி அறிவுரை வழங்கினார்.
5. தீபாவளி போனஸ் வழங்கக்கோரி சி.ஐ.டி.யூ. தொழிற்சங்கத்தினர் 2-வதுநாளாக உண்ணாவிரதம்
நாகூர் அருகே தனியார் மின் உற்பத்தி நிலைய ஊழியர்களுக்கு தீபாவளி போனஸ் வழங்கக்கோரி சி.ஐ.டி.யூ. தொழிற்சங்கத்தினர் 2-வதுநாளாக உண்ணாவிரத போராட்டத்தில் ஈடுபட்டனர்.