மாவட்ட செய்திகள்

கனகபுராவில் மருத்துவ கல்லூரி தொடங்கப்படும்; முதல்-மந்திரி எடியூரப்பா அறிவிப்பு + "||" + Medical College will be opened in Kanakapura; First-Minister Yeddyurappa Announced

கனகபுராவில் மருத்துவ கல்லூரி தொடங்கப்படும்; முதல்-மந்திரி எடியூரப்பா அறிவிப்பு

கனகபுராவில் மருத்துவ கல்லூரி தொடங்கப்படும்; முதல்-மந்திரி எடியூரப்பா அறிவிப்பு
கனகபுராவில் மருத்துவ கல்லூரி தொடங்கப்படும் என்று முதல்-மந்திரி எடியூரப்பா அறிவித்துள்ளார்.
பெங்களூரு,

துமகூரு சித்தகங்கா மடாதிபதியான 111 வயது சிவக்குமாரசாமி கடந்த 2018-ம் ஆண்டு மரணமடைந்தார். இந்த நிலையில் சிவக்குமார சுவாமியின் சொந்த ஊரான மாகடி தாலுகாவில் உள்ள வீராப்புராவில் அவரது சிலை அமைக்கும் பணிக்கு அடிக்கல் நாட்டு விழா மற்றும் பல்வேறு வளர்ச்சி பணிகள் தொடக்க விழா நேற்று நடைபெற்றது. இதில் முதல்-மந்திரி எடியூரப்பா கலந்து கொண்டு, 111 அடி உயர சிவக்குமார சுவாமி சிலை அமைக்கும் பணிக்கு அடிக்கல் நாட்டி பேசினார்.

அப்போது எடியூரப்பா பேசியதாவது:-

பசி என்று வந்தவர்களுக்கு உணவு கொடுத்தவர் சிவக்குமார சுவாமி. அவர் பிறந்த ஊரில் நீங்கள் பிறந்தது உங்களுக்கு கிடைத்த புண்ணியம். நாட்டுக்கே முன்மாதிரியாக திகழ்ந்தவர். இன்னும் 2 ஆண்டுகளில் இந்த சிலை அமைக்கும் பணிகள் முடிவடையும். ரூ.80 கோடி செலவில் இந்த சிலை அமைக்கப்படுகிறது.

கனகபுராவில் மருத்துவ கல்லூரி தொடங்க வேண்டும் என்று டி.கே.சுரேஷ் எம்.பி. கேட்டுள்ளார். டி.கே.சிவக்குமார் எனது நண்பர். அதனால் கனகபுராவில் மருத்துவ கல்லூரி தொடங்கப்படும். அதிகாரிகளின் ஆலோசனையுடன் இதற்கான இடம் கண்டறியும் பணி மேற்கொள்ளப்படும்.

இவ்வாறு எடியூரப்பா பேசினார்.

இதில் துணை முதல்-மந்திரி அஸ்வத் நாராயண், டி.கே.சுரேஷ் எம்.பி. உள்பட பலர் கலந்து கொண்டனர்.


தொடர்புடைய செய்திகள்

1. அயோத்தி வழக்கில் இன்று தீர்ப்பு: போலீஸ் அதிகாரிகளுக்கு முதல்-மந்திரி எடியூரப்பா உத்தரவு
அயோத்தி ராமஜென்மபூமி வழக்கில் சுப்ரீம் கோர்ட்டில் இன்று (சனிக்கிழமை) தீர்ப்பு வெளியாகிறது. இதையொட்டி போலீஸ் உயர் அதிகாரிகளை செல்போனில் தொடர்பு கொண்டு முதல்-மந்திரி எடியூரப்பா ஆலோசனை நடத்தினார்.
2. கர்நாடகத்தில் மின் பற்றாக்குறை? எடியூரப்பா பேட்டி
முதல்-மந்திரி எடியூரப்பா நேற்று ஹாவேரி மாவட்டத்தில் சுற்றுப்பயணம் செய்தார். அப்போது அவர் நிருபர்களுக்கு பேட்டி அளிக்கையில் கூறியதாவது:-
3. பெங்களூருவுக்கு மேலும் 6 ஆயிரம் பஸ்கள்; முதல்-மந்திரி எடியூரப்பா அறிவிப்பு
பெங்களூரு நகரில் போக்குவரத்து வசதியை மேம்படுத்தும் நடவடிக்கையாக மேலும் 6 ஆயிரம் பஸ்கள் இயக்கப்படும் என்று முதல்-மந்திரி எடியூரப்பா அறிவித்தார்.
4. கர்நாடகத்தில் பொருளாதார கணக்கெடுப்பு பணி தொடக்கம்; முதல்-மந்திரி எடியூரப்பா தொடங்கி வைத்தார்
கர்நாடகத்தில் பொருளாதார கணக்கெடுப்பு பணி நேற்று தொடங்கியது. இதனை முதல்-மந்திரி எடியூரப்பா தொடங்கி வைத்தார்.
5. தேவேகவுடா தன்னுடன் செல்போனில் பேசினாரா? முதல்-மந்திரி எடியூரப்பா பதில்
தேவேகவுடா தன்னுடன் செல்போனில் பேசியதாக வெளியான தகவலுக்கு முதல்-மந்திரி எடியூரப்பா பதிலளித்துள்ளார். முதல்-மந்திரி எடியூரப்பா பெங்களூருவில் நேற்று நிருபர்களுக்கு பேட்டி அளிக்கையில் கூறியதாவது:-