மாவட்ட செய்திகள்

கும்பகோணம் அருகே, மர்ம காய்ச்சலுக்கு குழந்தை பலி + "||" + Near Kumbakonam, baby dies of mysterious fever

கும்பகோணம் அருகே, மர்ம காய்ச்சலுக்கு குழந்தை பலி

கும்பகோணம் அருகே, மர்ம காய்ச்சலுக்கு குழந்தை பலி
கும்பகோணம் அருகே மர்ம காய்ச்சலுக்கு குழந்தை பலியானது.
கும்பகோணம், 

தஞ்சை மாவட்டம் கும்பகோணம் காசிராமன் தெருவை சேர்ந்தவர் வினோத்(வயது35). இவர் ஒரு தனியார் வங்கியின் சென்னை கிளையில் மேலாளராக பணியாற்றி வருகிறார். இவருடைய மனைவி பூர்ணா(29). இவர்களது மகள் கிருத்தன்யா(வயது2). கடந்த 4-ந் தேதி கிருத்தன்யாவுக்கு உடல்நலக்குறைவு ஏற்பட்டது. இதனால் அவளை கும்பகோணத்தில் உள்ள ஒரு தனியார் மருத்துவமனையில் சிகிச்சைக்காக சேர்த்தனர். பின்னர் கிருத்தன்யாவை தஞ்சையில் உள்ள ஒரு தனியார் மருத்துவமனையில் சிகிச்சைக்காக சேர்த்தனர். அங்கு அவளுக்கு சிகிச்சை அளிக்கப்பட்டு வந்தது. இந்தநிலையில் சிகிச்சை பலனின்றி கிருத்தன்யா இறந்தாள். கிருத்தன்யா டெங்கு காய்ச்சல் பாதிப்பு காரணமாக இறந்திருக்கலாம் என்ற சந்தேகத்தின் பேரில் கும்பகோணம் நகராட்சி நகர்நல அலுவலர் பிரேமா, குழந்தையின் பெற்றோரிடம் குழந்தைக்கு ஏற்பட்ட நோய் மற்றும் அளிக்கப்பட்ட மருத்துவ சிகிச்சைகள் குறித்து கேட்டறிந்தார்.

இது குறித்து கும்பகோணம் நகராட்சி நகர்நல அலுவலர் பிரேமா நிருபர்களிடம் கூறியதாவது:-

குழந்தை கிருத்தன்யாவுக்கு டாக்டர்கள் குழந்தைக்கு தீவிர சிகிச்சை அளித்துள்ளனர். குழந்தைக்கு டெங்கு மற்றும் பன்றி காய்ச்சலுக்கான அறிகுறி எதுவும் இல்லை என மருத்துவ அறிக்கையில் கூறப்பட்டுள்ளது. குழந்தையின் முதுகு தண்டுவடத்தில் சோதனை செய்ததில் வைரஸ் தொற்று இருந்தது கண்டறியப்பட்டு உள்ளது. எனவே மூளை காய்ச்சலுடன் அதிக வலிப்பு நோய் இருந்ததால் தான் குழந்தை இறந்துள்ளது.

இவ்வாறு அவர் தெரிவித்தார்.

தொடர்புடைய செய்திகள்

1. பல்லடம் அருகே, தண்ணீர் வாளியில் மூழ்கி குழந்தை சாவு
பல்லடத்தில் அருகே தண்ணீர் வாளியில் குழந்தை பலியான சம்பவம் சோகத்தை ஏற்படுத்தி உள்ளது.
2. திருமங்கலம் அருகே, மர்ம காய்ச்சலுக்கு 3-ம் வகுப்பு மாணவன் சாவு - கிராம மக்கள் மறியல்
மர்ம காய்ச்சலுக்கு 3-ம் வகுப்பு மாணவன் பலியானான். காய்ச்சல் தடுப்பு நடவடிக்கை எடுக்காததை கண்டித்து கிராம மக்கள் சாலை மறியலில் ஈடுபட்டனர்.
3. கிரு‌‌ஷ்ணகிரியில் மர்ம காய்ச்சலுக்கு சிறுமி பலி
கிரு‌‌ஷ்ணகிரியில் மர்ம காய்ச்சலுக்கு 4 வயது சிறுமி பரிதாபமாக இறந்தாள்.
4. மர்ம காய்ச்சலால் 100-க்கும் மேற்பட்டவர்கள் அவதி - உடலில் கொப்பளங்கள் ஏற்படுவதால் மக்கள் பீதி
பல்லடம் அருகே மர்ம காய்ச்சலால் 100-க்கும் மேற்பட்டவர்கள் அவதிப்பட்டு வருகின்றனர். உடலில் கொப்பளங்கள் ஏற்படுவதால் மக்கள் பீதி அடைந்து உள்ளனர்.
5. சின்னசேலம் அருகே, மர்ம காய்ச்சல் பரவுவதால் பொதுமக்கள் அச்சம் - சுகாதாரத்துறை அதிகாரிகள் நடவடிக்கை எடுப்பார்களா?
சின்னசேலம் அருகே மர்ம காய்ச்சல் பரவுவதால் பொதுமக்கள் அச்சத்தில் உள்ளனர். எனவே மர்ம காய்ச்சல் பரவுவதை கட்டுப்படுத்த சுகாதாரத்துறை அதிகாரிகள் நடவடிக்கை எடுக்க வேண்டும் என்று பொதுமக்கள் எதிர்பார்க்கிறார்கள்.

அதிகம் வாசிக்கப்பட்டவை