மாவட்ட செய்திகள்

அயோத்தி தீர்ப்புக்கு சரத்பவார் வரவேற்பு ‘மராட்டிய அரசியலில் தாக்கத்தை ஏற்படுத்தாது' என பேட்டி + "||" + Sarat Pawar welcomes Ayodhya verdict; Maratha political is not impact

அயோத்தி தீர்ப்புக்கு சரத்பவார் வரவேற்பு ‘மராட்டிய அரசியலில் தாக்கத்தை ஏற்படுத்தாது' என பேட்டி

அயோத்தி தீர்ப்புக்கு சரத்பவார் வரவேற்பு ‘மராட்டிய அரசியலில் தாக்கத்தை ஏற்படுத்தாது' என பேட்டி
அயோத்தி தீர்ப்பை வரவேற்று உள்ள தேசியவாத காங்கிரஸ் தலைவர் சரத்பவார் இந்த தீர்ப்பு மராட்டிய அரசியலில் தாக்கத்தை ஏற்படுத்தாது என்று கூறினார்.
மும்பை,

அயோத்தி வழக்கில் சர்ச்சைக்குரிய 2.77 ஏக்கர் நிலம் இந்து அமைப்புக்கு சொந்தமானது என்றும், அங்கு ராமர் கோவில் கட்ட அனுமதி அளித்தும் சுப்ரீம் கோர்ட்டு தீர்ப்பு கூறியது. இந்த தீர்ப்பை தேசியவாத காங்கிரஸ் தலைவர் சரத்பவார் வரவேற்று இருக்கிறார்.

இது தொடர்பாக அவர் அளித்த பேட்டியில் கூறியதாவது:- அயோத்தி வழக்கில் சுப்ரீம் கோர்ட்டு ஒருமனதாக வழங்கி உள்ள தீர்ப்பு நாட்டின் தீவிரமான பிரச்சினைகளை தீர்க்க உதவி செய்யும். நீதித்துறை சமூகத்தின் அனைத்து தரப்பினரின் நலன்களை பாதுகாப்பது பற்றி பேசியுள்ளது. இது ஒரு நல்ல விஷயம். சமூகத்தின் அனைத்து தரப்பினரும் இந்த தீர்ப்பை வரவேற்று மதிக்க வேண்டும்.

அயோத்தி தீர்ப்பு மராட்டிய அரசியலில் எந்த தாக்கத்தையும் ஏற்படுத்தாது. அடுத்த இரண்டு, மூன்று நாட்களில் மக்கள் இதை மறந்து விடுவார்கள். மக்களுக்கு இது ஒரு முக்கியமான விஷயமாக இருக்காது. இது ஒரு அரசியல் பிரச்சினை இல்லை என்பதால் அதுபற்றி எந்த கருத்தும் தெரிவிக்க தேவையில்லை.

இவ்வாறு அவர் கூறினார்.

அயோத்தி தீர்ப்புக்கு பிறகு சில பாரதீய ஜனதா தலைவர்கள் கோவிலுக்கு சென்றது குறித்து கேள்வி எழுப்பியதற்கு பதிலளித்த சரத்பவார், “கோவிலுக்கு செல்ல வேண்டுமா அல்லது மசூதிக்கு செல்ல வேண்டுமா என்பது அவரவர் விருப்பம்” என்றார்.

தொடர்புடைய செய்திகள்

1. சிவசேனாவுக்கு ஆதரவு இல்லை என்று சரத்பவார் அறிவிப்பு; ஆட்சி அமைக்க பா.ஜனதா தீவிரம்
சிவசேனாவுக்கு ஆதரவு இல்லை என்று சரத்பவார் அறிவித்ததன் மூலம் மராட்டியத்தில் ஆட்சி அமைப்பது தொடர்பாக ஏற்பட்ட இழுபறி முடிவுக்கு வருகிறது. இதைத்தொடர்ந்து ஆட்சி அமைக்க தீவிரம் காட்டியுள்ள பா.ஜனதாவினர் கவர்னரை இன்று சந்திக்கின்றனர்.
2. ‘காங்கிரஸ் பலவீனம் அடையவில்லை, ஆக்ரோஷமாக செயல்படுகிறது’ பா.ஜனதாவுக்கு சரத்பவார் பதிலடி
“காங்கிரஸ் பலவீனம் அடையவில்லை, ஆக்ரோஷமாக செயல்படுகிறது” என பா.ஜனதாவின் குற்றச்சாட்டுகளுக்கு சரத்பவார் பதிலடி கொடுத்தார்.
3. ‘சரத்பவார் மீது அமலாக்கத்துறை வழக்கால் வேதனை அடைந்தேன்’ எம்.எல்.ஏ. பதவி ராஜினாமா குறித்து அஜித்பவார் உருக்கம்
‘‘சரத்பவார் மீது அமலாக்கத்துறை வழக்குப்பதிவு செய்ததால் வேதனை அடைந்து எம்.எல்.ஏ. பதவியை ராஜினாமா செய்தேன்’’ என அஜித்பவார் உருக்கமாக கூறினார்.
4. சரத்பவார் அமலாக்கத்துறை அலுவலகத்தில் ஆஜராகும் முடிவை கைவிட்டார்
மும்பை போலீஸ் கமிஷனரின் கோரிக்கையை ஏற்று சரத்பவார் நேற்று அமலாக்கத்துறை அலுவலகத்துக்கு செல்லவில்லை. முன்னெச்சரிக்கை நடவடிக்கையாக மும்பையில் 144 தடை உத்தரவு பிறப்பிக்கப்பட்டதால் பரபரப்பு ஏற்பட்டது.
5. 'இப்போதைக்கு வரத் தேவையில்லை' -சரத்பவாருக்கு அமலாக்கத்துறை தகவல்
'இப்போதைக்கு வரத் தேவையில்லை' என சரத்பவாருக்கு அமலாக்கத்துறை மின்னஞ்சல் மூலம் தகவல் தெரிவித்து உள்ளது.