மாவட்ட செய்திகள்

திருச்சியில் அகில இந்திய அளவிலான கராத்தே போட்டி 700 மாணவ-மாணவிகள் பங்கேற்பு + "||" + All-India Karate Competition 700 Student-Students Participation in Trichy

திருச்சியில் அகில இந்திய அளவிலான கராத்தே போட்டி 700 மாணவ-மாணவிகள் பங்கேற்பு

திருச்சியில் அகில இந்திய அளவிலான கராத்தே போட்டி 700 மாணவ-மாணவிகள் பங்கேற்பு
திருச்சியில் அகில இந்திய அளவிலான கராத்தே போட்டி நடந்தது. இதில் 700 மாணவ-மாணவிகள் பங்கேற்றனர்.
திருச்சி,

சர்வதேச தற்காப்பு கலை கழகத்தின் இந்திய பிரிவு சார்பில், திருச்சி அண்ணா விளையாட்டு அரங்கில் நேற்று அகில இந்திய அளவிலான கராத்தே போட்டி நடந்தது. இந்த போட்டிக்கு இந்திய கராத்தே சங்கத்தின் தொழில்நுட்ப ஆணைய உறுப்பினர் எஸ்.கே.இளஞ்செழியன் தலைமை தாங்கினார். போட்டிகளை திருச்சி மாவட்ட விளையாட்டு அதிகாரி பிரபு தொடங்கி வைத்தார். இந்த போட்டியில் தமிழகத்தின் அனைத்து மாவட்டங்கள் மற்றும் கேரளா, ஆந்திரா, கர்நாடகா மாநிலங்களில் இருந்து சுமார் 700 மாணவ-மாணவிகள் பங்கேற்றனர். போட்டிகள் 7 வயதுக்கு உட்பட்டவர்கள், 8-9, 10-11, 12-13, 14-15 மற்றும் 18 வயதுக்கு மேற்பட்டவர்கள் என பல பிரிவுகளாக நடந்தன.


செயல்முறை விளக்கமான கட்டா மற்றும் குவிட்டே என்ற இரு வகைகளில் நடந்த இந்த போட்டிகளில் முதல், இரண்டாவது இடம் மற்றும் 3-வது இடத்தை பிடித்தவர்களுக்கு பரிசுகள் மற்றும் சான்றிதழ்கள் வழங்கப்பட்டன. அவற்றை இந்திய கராத்தே சங்கத்தின் இயக்குனர் கராத்தே தியாகராஜன் வழங்கினார். குழு போட்டிகளில் வெற்றி பெற்ற அணிகளுக்கு சுழற்கோப்பை வழங்கப் பட்டது.

7 வயதுக்கு உட்பட்டோருக்கான ஒரு போட்டியில் திருச்சியை சேர்ந்த தனுஷ்கா என்ற மாணவி முதலிடத்தையும், கோவையை சேர்ந்த கீதா லோச்சனா இரண்டாவது இடத்தையும், அனன்யா, நிதி ஆகியோர் மூன்றாவது இடத்தையும் பிடித்தனர். இந்த போட்டிகளுக்கு சர்வதேச தற்காப்பு கலை கழகத்தின் தலைவர் சைரஸ் மதானி, முத்துராஜூ, பாபு ஆகியோர் நடுவர்களாக இருந்தனர். தொடக்கத்தில் சர்வதேச தற்காப்பு கலை கழகத்தின் இந்திய தலைவர் காளசன் இளஞ்செழியன் வரவேற்றார். முடிவில் தயாபரன் நன்றி கூறினார். 

தொடர்புடைய செய்திகள்

1. கொரோனா தடுப்பு பணிக்கு ரூ.3.82 கோடியில் உபகரணங்கள் வழங்கும் விழா 4 அமைச்சர்கள் பங்கேற்பு
குமாரபாளையத்தில் பன்னாட்டு ரோட்டரி சங்கம் சார்பில் கொரோனா தடுப்பு பணிக்கு ரூ.3 கோடியே 82 லட்சம் மதிப்பீட்டில் உபகரணங்கள், பள்ளிகளுக்கு பெஞ்ச்-டெஸ்க் வழங்கும் விழா நேற்று நடந்தது. இதில் 4 அமைச்சர்கள் கலந்துகொண்டனர்.
2. எஸ்.எஸ்.எல்.சி. தேர்வு ஜூன் 1-ந் தேதி தொடக்கம்: வெளி மாவட்ட மாணவ, மாணவிகள் கணக்கெடுக்கும் பணி தொடங்கியது
எஸ்.எஸ்.எல்.சி. தேர்வு ஜூன் மாதம் 1-ந் தேதி தொடங்க உள்ள நிலையில் இ-பாஸ் வழங்க வசதியாக வெளி மாவட்ட மாணவ, மாணவிகள் கணக்கெடுக்கும் பணி தொடங்கி உள்ளது. இதற்கிடையே வினாத்தாள் கட்டு காப்பகத்திற்கு 24 மணி நேரமும் துப்பாக்கி ஏந்திய போலீஸ் பாதுகாப்பு போடப்பட்டு உள்ளது.
3. புதிதாக உருவாக்கப்பட்ட ஏரியூர் ஊராட்சி ஒன்றிய அலுவலக திறப்பு விழா அமைச்சர் பங்கேற்பு
புதிதாக உருவாக்கப்பட்டுள்ள ஏரியூர் ஊராட்சி ஒன்றிய நிர்வாக அலுவலகத்தை அமைச்சர் கே.பி.அன்பழகன் திறந்து வைத்தார்.
4. தி.மு.க. சார்பில் நாடாளுமன்ற கூட்டத்தில் டி.ஆர். பாலு பங்கேற்பு; மு.க. ஸ்டாலின் அறிவிப்பு
தி.மு.க. சார்பில் நாடாளுமன்ற கூட்டத்தில் டி.ஆர். பாலு கலந்து கொள்வார் என அக்கட்சி தலைவர் மு.க. ஸ்டாலின் கூறியுள்ளார்.
5. 32 அணிகள் பங்கேற்கும் மாநில கபடி போட்டி: சென்னையில் இன்று தொடக்கம்
32 அணிகள் பங்கேற்கும் மாநில கபடி போட்டி, சென்னையில் இன்று தொடங்க உள்ளது.