மாவட்ட செய்திகள்

வாசுதேவநல்லூர் அருகே, மோட்டார் சைக்கிள் விபத்தில் செல்போன் கடை மேலாளர் சாவு + "||" + Near Vasudevanallur In a motorcycle accident The cell store manager dies

வாசுதேவநல்லூர் அருகே, மோட்டார் சைக்கிள் விபத்தில் செல்போன் கடை மேலாளர் சாவு

வாசுதேவநல்லூர் அருகே, மோட்டார் சைக்கிள் விபத்தில் செல்போன் கடை மேலாளர் சாவு
வாசுதேவநல்லூர் அருகே மோட்டார் சைக்கிள் விபத்தில் செல்போன் கடை மேலாளர் பரிதாபமாக இறந்தார். திருமணமான 6 மாதத்தில் அவர் இறந்தது அந்த பகுதியில் சோகத்தை ஏற்படுத்தியுள்ளது.
வாசுதேவநல்லூர், 

நெல்லை மாவட்டம் புளியங்குடி பரமானந்தா பள்ளிக்கூட தெருவை சேர்ந்த வெள்ளத்துரை மகன் முத்துக்குமார்(வயது29). இவருக்கு திருமணமாகி 6 மாதங்கள் ஆகிறது. இவர், புளியங்குடி பஸ் நிலையம் அருகிலுள்ள பிரபல செல்போன் கடையில் மேலாளராக பணியாற்றி வந்தார்.

நேற்று காலையில் இவர் தேவிபட்டினத்தில் நடைபெற்ற உறவினர் ஒருவரின் திருமணத்துக்கு மோட்டார் சைக்கிளில் சென்றார். அந்த திருமணத்தில் கலந்து கொண்டு விட்டு மாலை 3 மணியளவில் புளியங்குடிக்கு அவர் மோட்டார் சைக்கிளில் திரும்பி வந்து கொண்டிருந்தார்.

வாசுதேவநல்லூர் அம்பேத்கர் சிலை அருகே சென்றபோது, சைக்கிளில் ஒருவர் திடீரென்று குறுக்கே வந்துள்ளார். அவர் மீது மோதாமல் இருக்க மோட்டார் சைக்கிளை நிறுத்த முத்துக்குமார் முயற்சித்துள்ளார். இதில் நிலைதடுமாறிய மோட்டார் சைக்கிளுடன் சாலையில் விழுந்த அவர் படுகாயம் அடைந்தார். தலையில் பலத்த காயங்களுடன் ரத்த வெள்ளத்தில் கிடந்த அவரை அக்கம் பக்கத்தினர் மீட்டு, அரசு ஆஸ்பத்திரிக்கு தூக்கி சென்றனர். ஆனால் ஆஸ்பத்திரிக்கு செல்லும் வழியிலேயே அவர் பரிதாபமாக இறந்து போனார்.

இதுகுறித்து தகவல் அறிந்த வாசுதேவநல்லூர் போலீஸ் இன்ஸ்பெக்டர் அந்தோணி தலைமையில் போலீசார் சம்பவ இடத்துக்கு சென்று விசாரணை நடத்தினர். பின்னர் முத்துக்குமார் உடலை பரிசோதனைக்காக சிவகிரி அரசு ஆஸ்பத்திரிக்கு அனுப்பி வைத்தனர்.

இவரது உடலை பார்த்து மனைவி மற்றும் குடும்பத்தினர் கதறி அழுதது பரிதாபமாக இருந்தது. திருமணமான 6 மாதத்தில் விபத்தில் முத்துக்குமார் இறந்த சம்பவம் புளியங்குடி பகுதியில் சோகத்தை ஏற்படுத்தியுள்ளது.

தொடர்புடைய செய்திகள்

1. மரத்தில் மோதி விபத்து: மோட்டார் சைக்கிளில் சென்ற கல்லூரி மாணவர் பலி
சோழவந்தான் அருகே மோட்டார் சைக்கிளில் சென்ற கல்லூரி மாணவர் மரத்தில் மோதியதால் பரிதாபமாக இறந்தார்.
2. திண்டிவனம் அருகே, தடுப்புச்சுவரில் மோட்டார் சைக்கிள் மோதல்; தனியார் நிறுவன ஊழியர் பலி
திண்டிவனம் அருகே சாலையோர தடுப்புச்சுவரில் மோட்டார் சைக்கிள் மோதிய விபத்தில் தனியார் நிறுவன ஊழியர் பரிதாபமாக உயிரிழந்தார்.
3. மரக்காணம் அருகே பரிதாபம், பாலத்தின் தடுப்புச்சுவரில் மோட்டார் சைக்கிள் மோதல்: தந்தை-மகன் சாவு
மரக்காணம் அருகே பாலத்தின் தடுப்புச்சுவரில் மோட்டார் சைக்கிள் மோதிய விபத்தில் தந்தை- மகன் உயிரிழந்தனர். இந்த பரிதாப சம்பவம் பற்றிய விவரம் வருமாறு:-
4. திண்டுக்கல், மோட்டார் சைக்கிளில் இருந்து தவறி விழுந்த டிரைவர் பலி - நண்பர் படுகாயம்
திண்டுக்கல், சத்திரப்பட்டி அருகே மோட்டார் சைக்கிளில் இருந்து தவறி விழுந்த டிரைவர் பலியானார். மேலும் உடன் சென்ற நண்பரும் படுகாயமடைந்தார்.
5. கருங்கல் அருகே பரிதாபம்; மோட்டார் சைக்கிள் விபத்தில் கொத்தனார் சாவு
கருங்கல் அருகே மோட்டார் சைக்கிள் விபத்தில் கொத்தனார் பரிதாபமாக இறந்தார்.