மாவட்ட செய்திகள்

ஆலங்குடி அருகே சோக சம்பவம்: சாவிலும் இணைபிரியாத நூறு வயதை கடந்த தம்பதி கிராம மக்கள் அஞ்சலி + "||" + Tragic incident near Alangudi: Tributes paid to villagers over 100 years old

ஆலங்குடி அருகே சோக சம்பவம்: சாவிலும் இணைபிரியாத நூறு வயதை கடந்த தம்பதி கிராம மக்கள் அஞ்சலி

ஆலங்குடி அருகே சோக சம்பவம்: சாவிலும் இணைபிரியாத நூறு வயதை கடந்த தம்பதி கிராம மக்கள் அஞ்சலி
ஆலங்குடி அருகே சாவிலும் இணைபிரியாத நூறு வயதை கடந்த தம்பதிக்கு கிராம மக்கள் திரண்டு வந்து அஞ்சலி செலுத்தினர்.
ஆலங்குடி,

புதுக்கோட்டை மாவட்டம், ஆலங்குடி அருகே உள்ள குப்பகுடி கிராமத்தில் ஆதிதிராவிடர் காலனியை சேர்ந்தவர் வெற்றிவேல் (வயது 104). இவருடைய மனைவி பிச்சாயி (100). இவர்களுக்கு 5 மகன்கள், ஒரு மகள். இவர்கள் அனைவருக்கும் திருமணம் நடந்து அவர்களுக்கு மகன்கள், மகள்கள், பேரன்-பேத்திகள் என 23 பேர் உள்ளனர். கடந்த சில நாட்களாக வயது முதிர்வின் காரணமாக வெற்றிவேல் உடல்நலம் பாதிக்கப்பட்டிருந்தார். அவரை அவரது மகன்கள் கவனித்து வந்தனர்.


இந்நிலையில் வெற்றிவேல் நேற்று அதிகாலை 2 மணிக்கு உயிரிழந்தார். அப்போது அவரது மனைவி பிச்சாயியும் உடனிருந்தார். அவர் கணவர் இறந்த துக்கம் தாங்காமல் அழுது கொண்டே இருந்தார். அவரிடம் உறவினர்கள் ஆறுதல் கூறிக்கொண்டி ருந்தனர். இருப்பினும் அவர் தொடர்ந்து அழுது கொண்டே இருந்ததால் காலை 5 மணிக்கு மயக்கம் அடைந்தார். இதைப்பார்த்து அதிர்ச்சியடைந்த உறவினர்கள் அவரை எழுப்ப முயன்ற போது, அவரும் இறந்தது தெரியவந்தது.

கிராம மக்கள் அஞ்சலி

வயதான தம்பதி இருவரும் இறந்த சம்பவம் அறிந்து குப்பகுடி மட்டுமல்லாது சுற்றுவட்டார கிராம மக்களும் அங்கு திரண்டு வந்து, வெற்றிவேல்-பிச்சாயி தம்பதியின் உடல்களுக்கு அஞ்சலி செலுத்தினர். இதையடுத்து அவர்களது உடல்கள் ஊர்வலமாக கொண்டு செல்லப்பட்டு, அப்பகுதியில் உள்ள சுடுகாட்டில் தகனம் செய்யப்பட்டது.

கணவர் இறந்த 3 மணி நேரத்தில் மனைவியும் இறந்த சம்பவம் அப்பகுதியில் சோகத்தை ஏற்படுத்தியது. இறந்த வெற்றிவேல், பிச்சாயி தம்பதியை விட சுற்றுவட்டார கிராமங்களில் வயதில் மூத்த தம்பதி எவரும் இல்லையென அஞ்சலி செலுத்தி வந்தவர்கள் கூறினர்.

தொடர்புடைய செய்திகள்

1. அடிப்படை வசதிகள் கேட்டு கிராம மக்கள் ஆர்ப்பாட்டம்
முசிறி ஊராட்சி ஒன்றிய அலுவலகம் முன்பு அகில இந்திய விவசாய தொழிலாளர்கள் சங்கத்தின் சார்பில் நேற்று கண்டன ஆர்ப்பாட்டம் நடைபெற்றது.
2. மோட்டார் சைக்கிள் மோதி ஊழியர் சாவு: விபத்தை ஏற்படுத்தியவர் மீது நடவடிக்கை கோரி போலீஸ் நிலையத்தை கிராம மக்கள் முற்றுகை
மோட்டார் சைக்கிள் மோதியதில் கடை ஊழியர் உயிரிழந்த சம்பவத்தை தொடர்ந்து, விபத்தை ஏற்படுத்தியவர் மீது நடவடிக்கை எடுக்க கோரி பெரம்பலூர் போலீஸ் நிலையத்தை கிராம மக்கள் முற்றுகையிட்டனர்.
3. சாலை அகலப்படுத்தும் பணிக்காக வெட்டப்பட்ட புளியமரத்திற்கு அஞ்சலி செலுத்திய இளைஞர்கள்
சாலை அகலப்படுத்தும் பணிக்காக வெட்டப்பட்ட புளியமரத்திற்கு அஞ்சலி செலுத்திய இளைஞர்கள்.
4. அரசு ஆஸ்பத்திரியில் இருதய சிகிச்சை பிரிவில் கூடுதல் டாக்டர்களை நியமிக்க வேண்டும் மக்கள் குறைதீர்க்கும் முகாமில் மனு
ஆசாரிபள்ளம் அரசு மருத்துவக்கல்லூரி ஆஸ்பத்திரியில் இருதய சிகிச்சை பிரிவில் கூடுதல் டாக்டர்களை நியமிக்க வேண்டும் என்பதை வலியுறுத்தி கலெக்டர் பிரசாந்த் வடநேரேவிடம் ஆதிதிராவிடர் முன்னேற்ற இயக்கத்தினர் மனு அளித்தனர்.
5. குழுமூர் சாலையோரத்தில் மரக்கன்றுகளை நட்டு பராமரிக்கும் இளைஞர்களுக்கு கிராம மக்கள் பாராட்டு
குழுமூர் சாலையோரத்தில் மரக்கன்றுகளை நட்டு பராமரிக்கும் இளைஞர்களுக்கு கிராம மக்கள் பாராட்டு தெரிவித்து வருகின்றனர்.