வானவில் : உலகின் விலை உயர்ந்த சொகுசு லிமோசின் கார்கள்

சொகுசு, பாதுகாப்பு தன்மைக்கேற்ப தயாரிக்கப்படும் லிமோசின் கார்களில் உலகிலேயே அதிக விலை உயர்ந்த, பல்வேறு சவுகரியங்கள் கொண்ட கார்களை பற்றிய கண்ணோட்டம்:

அமெரிக்க அதிபர் மட்டுமே பயன்படுத்தும் கார் இது. பாதுகாப்பான ஆடம்பரமான காராகும். முன்னர் அமெரிக்க அதிபர்கள் பயன்படுத்திய பீஸ்ட் எனப்படும் மாடலுக்குப் பதிலாக இப்போது இந்தக் கார்கள்தான் பயன்படுத்தப்படுகின்றன. மிகவும் பாதுகாப்பான, அதிநவீன கருவிகளை உள்ளடக்கியது. இதில் உள்ள வசதிகள் பாதுகாப்பு கருதி வெளியிடப்படுவதில்லை. இது 5 லிட்டர் டீசல் என்ஜினைக் கொண்டது. இதன் சக்கரங்கள் காற்று இறங்கினாலும் ஓடும் தன்மை கொண்டது. இதன் எடை 9 டன். இதன் உத்தேச விலை 15 லட்சம் டாலர் ஆகும். சுமார் ரூ. 10 கோடிக்கு மேல்.

1980-ம் ஆண்டுகளின் பிற்பாதியில் கார் பிரியர் ஜே ஓஹர்பெர்க் என்பவர் மிகவும் நீளமான இந்தக் காரை உருவாக்கினார். இதன் நீளம் 100 அடியாகும். இதில் உள்ள வசதிகள் கற்பனை செய்து பார்க்க முடியாதவை. 1970-ம் ஆண்டு தயாரிக்கப்பட்ட கெடிலாக் எல்டோராடோ மாடலைப் போன்றது. இதில் மொத்தம் 26 சக்கரங்கள் உள்ளன. நீச்சல் குளம் மட்டுமின்றி, இதில் ஹெலிகாப்டர் இறங்கு தளமும் உள்ளது. இதன் விலை 40 லட்சம் டாலராகும். இது நீண்ட காலமாக பயன்படுத்தப்படவில்லை. இதனால் இது தற்போது புதுப்பிக்கப்பட வேண்டிய கட்டாயத்தில் நியூ ஜெர்சி மாகாணத்தில் உள்ளது.

இந்நிறுவனம் தயாரித்த உறுதியான, எடை அதிகம் கொண்ட லிமோசின் காராகத்தான் இருக்கும். இது 416 அடி நீளம் கொண்டது. பன்முக தங்கும் வசதி கொண்டது. 3 லவுஞ்சுகள் உள்ளன. இது 435 குதிரைத் திறன் கொண்டது. இதன் விலை 25 லட்சம் டாலராகும்.

2009-ம் ஆண்டு லிமோசின் நிறுவனம் உருவாக்கிய கான்செப்ட் மாடல். 1920-ம் ஆண்டு இந்நிறுவனம் உருவாக்கிய லாண்டவுலெட் மாடலை அடிப்படையாகக் கொண்டு உருவாக்கப்பட்டது. டிரைவருக்கும், பின்னிருக்கை பயணிக்கும் தொடர்பு முற்றிலுமாக இல்லாத வகையில் வடிவமைக்கப்பட்டது. பயணிகள் மேற்கூரை திறந்து மூடும் வகையிலானது. இதன் பயணிகள் இருக்கை மிகவும் சொகுசான தன்மை கொண்டது. இதில் 612 குதிரைத் திறன் கொண்ட வி12 என்ஜின் உள்ளது. இது சுமார் 3 டன் எடை கொண்டது. இருந்தாலும் 5 விநாடி நேரத்தில் 100 கி.மீ. வேகத்தைத் தொட்டுவிடுமாம். இதன் விலை 13 லட்சம் டாலராகும்.