மாவட்ட செய்திகள்

அரியலூர் மாவட்டத்தில் இளம் சிறார் காவல் பிரிவு தொடங்க வேண்டும் கலெக்டர் ரத்னா பேச்சு + "||" + Collector Ratna talks about starting a juvenile detention center in Ariyalur district

அரியலூர் மாவட்டத்தில் இளம் சிறார் காவல் பிரிவு தொடங்க வேண்டும் கலெக்டர் ரத்னா பேச்சு

அரியலூர் மாவட்டத்தில் இளம் சிறார் காவல் பிரிவு தொடங்க வேண்டும் கலெக்டர் ரத்னா பேச்சு
அரியலூர் மாவட்டத்தில் இளம் சிறார் காவல் பிரிவு தொடங்க வேண்டும் என்று மாவட்ட கலெக்டர் ரத்னா கூறினார்.
அரியலூர்,

அரியலூரில், மாவட்ட குழந்தைகள் பாதுகாப்பு அலகின் ஒருங்கிணைப்பு குழுவின் சார்பில், குழந்தைகள் பாதுகாப்புக்குழு கூட்டம் கலெக்டர் ரத்னா தலைமையில் நடந்தது. அரியலூர் மாவட்ட முதன்மை அமர்வு நீதிபதி சுமதி, மாவட்ட போலீஸ் சூப்பிரண்டு சீனிவாசன் ஆகியோர் முன்னிலை வகித்தனர். கூட்டத்தில் கலெக்டர் ரத்னா பேசுகையில், மாவட்டத்தில் பாதிக்கப்பட்ட குழந்தைகள் மற்றும் இளைஞர் நீதிக்குழுமத்திற்கு வரப்பெற்ற குழந்தைகளுக்கு வாழ்வாதாரத்தை மேம்படுத்தும் விதமாக அவர்களுக்கு இளைஞர் நீதி நிதி பெற்று தருதல், பள்ளிகளில் குழந்தைகள் பாதுகாப்பு குறித்த பதாகைகள் பார்வைக்கு வைத்தல், விழிப்புணர்வின் போது அவர்களுக்கு இண்லேன்ட் கடிதம் வழங்குதல் வேண்டும். குழந்தைகள் இல்லங்களில் ஆய்வுக்குழு, அனைத்து உறுப்பினர் களுடன் சென்று ஆய்வு செய்து குழந்தைகளுக்கு தேவையான பாதுகாப்பு மற்றும் பராமரிப்பை உறுதி செய்யவேண்டும். மேலும் பாலியல் குற்றங்களினால் பாதிக்கப்பட்ட குழந்தை களுக்கு அரசு நிவாரண உதவித்தொகை பெற்றுத்தர வேண்டும்.


சிறப்பு காவல் பிரிவு

மாவட்டத்தில் இளம் சிறார் சிறப்பு காவல் பிரிவு தொடங்கப்பட்டு, அனைத்து போலீஸ் நிலையங்களிலும் குழந்தைகள் நல அலுவலர்கள் நியமனம் செய்திட வேண்டும் என்றார்.மேலும் கூட்டத்தில், குழந்தைகள் பாதுகாப்பு அலகின் நடவடிக்கைகள் குறித்தும் 5 மாத பணிகளின் நடவடிக்கைகளையும், இனிமேற்கொள்ள வேண்டிய பணிகள் குறித்தும் அறிவுறுத்தப்பட்டது. கூட்டத்தில் குற்றவியல் நீதித்துறை நடுவரும், இளைஞர் நீதிக்குழுமத்தின் தலைவருமான சந்திரசேகர், இணை இயக்குனர் (குடும்ப நலம்) இளவரசன், மாவட்ட சமூக நல அலுவலர் அன்புகுளோரியா, மாவட்ட குழந்தைகள் பாதுகாப்பு அலுவலர் வசந்தகுமார், குழந்தைகள் நலக்குழு தலைவர் துரைராசன், நன்னடத்தை அலுவலர் அருள்தாஸ், சுகாதாரத்துறை, சைல்டு லைன் ஒருங்கிணைப்பாளர் மற்றும் தத்துவள மைய பணியாளர்கள் ஆகியோர் கலந்து கொண்டனர்.

தொடர்புடைய செய்திகள்

1. வெளிநாடுகளில் இருந்து வந்து தனிமைப்படுத்தப்பட்டவர்கள் வீட்டை விட்டு வெளியேறினால் நடவடிக்கை கலெக்டர் எச்சரிக்கை
வெளிநாட்டில் இருந்து வந்து, தனிமைப்படுத்தப்பட்டு உள்ளவர்கள் வீட்டை விட்டு வெளியே வந்தால், சட்டப்படி கடும் நடவடிக்கை எடுக்கப்படும் என கலெக்டர் உமா மகேஸ்வரி எச்சரிக்கை விடுத்து உள்ளார்.
2. வெளிநாடு- மற்ற மாநிலங்களில் இருந்து கரூர் மாவட்டத்திற்கு வருபவர்கள் தனிமைப்படுத்தப்பட்டு தீவிர கண்காணிப்பு
வெளிநாடு மற்றும் வெளி மாநிலங்களில் இருந்து கரூர் மாவட்டத்திற்கு வருபவர்கள் தனிமைப்படுத்தப்பட்டு, தீவிர கண்காணிப்பில் வைக்கப்படுவார்கள் என்று கலெக்டர் அன்பழகன் கூறினார்.
3. வெளிநாடுகளில் இருந்து அரியலூர் மாவட்டத்திற்கு வந்த 32 பேர் தொடர் கண்காணிப்பு கலெக்டர் தகவல்
வெளிநாடுகளில் இருந்து அரியலூர் மாவட்டத்திற்கு வந்த 32 பேர் தொடர் கண்காணிப்பில் உள்ளதாக கலெக்டர் ரத்னா தெரிவித்துள்ளார்.
4. 11 இடங்களில் சோதனை சாவடி கலெக்டர் ரத்னா பேட்டி
அரியலூர் மாவட்டத்தில் 11 இடங்களில் சோதனை சாவடிகள் அமைக்கப்பட்டுள்ளது என்று மாவட்ட கலெக்டர் ரத்னா தெரிவித்துள்ளார்.
5. கொரோனா தடுப்பு நடவடிக்கைகள்: பொது இடத்தில் கூட்டமாக நிற்பதை பொதுமக்கள் தவிர்க்க வேண்டும் கலெக்டர் அறிவுரை
சின்னாளப்பட்டி, அம்மையநாயக்கனூர் பகுதிகளில் மேற்கொள்ளப்பட்டு வரும் கொரோனா வைரஸ் தடுப்பு நடவடிக்கைகளை பார்வையிட்ட கலெக்டர் விஜயலட்சுமி, பொது இடத்தில் கூட்டமாக நிற்பதை தவிர்க்க வேண்டும் என்று பொதுமக்களுக்கு அறிவுரை வழங்கினார்.