மாவட்ட செய்திகள்

எடப்பாடி அருகே பள்ளத்தில் கார் கவிழ்ந்து செல்போன் கடை உரிமையாளர் பலி நண்பர்கள் 2 பேர் படுகாயம் + "||" + Car collides in ditch near Edappady: Cell Phone Shop owner kills 2 friends

எடப்பாடி அருகே பள்ளத்தில் கார் கவிழ்ந்து செல்போன் கடை உரிமையாளர் பலி நண்பர்கள் 2 பேர் படுகாயம்

எடப்பாடி அருகே பள்ளத்தில் கார் கவிழ்ந்து செல்போன் கடை உரிமையாளர் பலி நண்பர்கள் 2 பேர் படுகாயம்
எடப்பாடி அருகே பள்ளத்தில் கார் கவிழ்ந்து செல்போன் கடை உரிமையாளர் பலியானார். மேலும் அவரது நண்பர்கள் 2 பேர் படுகாயம் அடைந்தனர்.
எடப்பாடி,

ஈரோடு மாவட்டம் கோபிசெட்டிபாளையத்தில் ராஜஸ்தான் மாநிலத்தை சேர்ந்த லட்சுமன்சிங்கவுடா (வயது 30) என்பவர் செல்போன் கடை நடத்தி வந்தார். இவரது நண்பர்கள் குமாரபாளையத்தை சேர்ந்த கோபால்நாத் (22), சரவணன்சிங்(30). இவர்கள் 3 பேரும் நேற்று முன்தினம் இரவு சேலம் மாவட்டம் தாரமங்கலத்தில் உள்ள உறவினர் வீட்டு விஷேச நிகழ்ச்சியில் பங்கேற்க காரில் சென்றனர். காரை லட்சுமன்சிங்கவுடா ஓட்டிச்சென்றார்.


கார் கவிழ்ந்தது

எடப்பாடி அருகே கரட்டுகாடு என்ற இடத்தில் உள்ள ஒருவளைவில் சென்ற போது கார் நிலைதடுமாறி எதிர்பாராதவிதமாக சாலையோரம் இருந்த பள்ளத்தில் கவிழ்ந்தது. இந்த விபத்தில் காரில் வந்த 3 பேரும் படுகாயம் அடைந்தனர். அவர்களை அக்கம்பக்கத்தினர் மீட்டு சிகிச்சைக்காக எடப்பாடியில் உள்ள ஒரு தனியார் ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே லட்சுமன்சிங் கவுடா பரிதாபமாக உயிரிழந்தார்.

கோபால்நாத், சரவணன்சிங் ஆகியோருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து கொங்கணாபுரம் போலீஸ் இன்ஸ்பெக்டர் சண்முகசுந்தரம், சப்-இன்ஸ்பெக்டர் ஸ்ரீராமன் மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.


தொடர்புடைய செய்திகள்

1. தண்ணீர் லாரி மோதி 5 வயது சிறுவன் பலி சிறுமி உள்பட 4 பேர் படுகாயம்; டிரைவர் கைது
சென்னை பட்டினப்பாக்கத்தில் மாநகராட்சி ஒப்பந்த தண்ணீர் லாரி மோதி 5 வயது சிறுவன் உயிரிழந்தான். மேலும் சிறுமி உள்பட 4 பேர் படுகாயம் அடைந்தனர். லாரி டிரைவர் கைது செய்யப்பட்டார்.
2. ஊத்துக்கோட்டையில் பெட்டிக்கடைக்குள் புகுந்த லாரி மீது மற்றொரு லாரி மோதல் டிரைவர்கள் படுகாயம்
ஊத்துக்கோட்டையில் பெட்டிக்கடைக்குள் புகுந்த லாரி மீது மற்றொரு சரக்கு லாரி மோதி விபத்துக்குள்ளானதில் 2 டிரைவர்களும் படுகாயம் அடைந்தனர்.
3. தூத்துக்குடி அருகே மோட்டார் சைக்கிள் மீது லாரி மோதல்; இளம்பெண் பலி 2 பேர் படுகாயம்
தூத்துக்குடி அருகே மோட்டார் சைக்கிள் மீது லாரி மோதியதில் இளம்பெண் பரிதாபமாக இறந்தார். 2 பேர் படுகாயம் அடைந்தனர்.
4. கூடலூர் அருகே சரக்கு வேன் கவிழ்ந்து 14 பேர் படுகாயம்
கூடலூர் அருகே நடுரோட்டில் சரக்கு வேன் கவிழ்ந்து பெண்கள் உள்பட 14 பேர் படுகாயம் அடைந்தனர்.
5. பாப்பாரப்பட்டி அருகே டிராக்டர் சக்கரத்தில் சிக்கி மாணவி பலி
பாப்பாரப்பட்டி அருகே டிராக்டர் சக்கரத்தில் சிக்கி பள்ளி மாணவி பலியானாள்.

ஆசிரியரின் தேர்வுகள்...