மாவட்ட செய்திகள்

சுரங்கப்பாதையில் தேங்கிய மழைநீரை அகற்றக்கோரி - கிராமமக்கள் ரெயில் மறியல் + "||" + Stagnant rainwater removal of the tunnel - Villagers Rail picket

சுரங்கப்பாதையில் தேங்கிய மழைநீரை அகற்றக்கோரி - கிராமமக்கள் ரெயில் மறியல்

சுரங்கப்பாதையில் தேங்கிய மழைநீரை அகற்றக்கோரி - கிராமமக்கள் ரெயில் மறியல்
சிவகங்கை அருகே சுரங்கப்பாதையில் தேங்கிய மழைநீரை அகற்றக்கோரி கிராமமக்கள் ரெயில் மறியல் போராட்டத்தில் ஈடுபட்டனர்.
சிவகங்கை,

சிவகங்கை-மானாமதுரை சாலையில் கீழகண்டனியில் இருந்து மேலவெள்ளஞ்சி கிராமம் செல்லும் வழியில் ரெயில் தண்டவாள பாதை உள்ளது. கீழகண்டனியில் இருந்து மேலவெள்ளஞ்சி உள்ளிட்ட 10-க்கும் மேற்பட்ட கிராமங்களுக்கு செல்ல ரெயில்வே சுரங்கப்பாதை உள்ளது. ஆனால் இந்த சுரங்கப்பாதையில் எப்போதும் நீர் தேங்கி நிற்கிறது.

தற்போது மழைக்காலம் என்பதால் இந்த சுரங்கப்பாதையில் அதிக அளவில் மழைநீர் தேங்கியுள்ளது. இதனால் சுரங்கப்பாதை வழியே கிராமத்தினர் சென்று வருவதில் கடும் சிரமம் ஏற்பட்டு வருகிறது.

இந்த கிராமங்களுக்கு செல்ல இந்த ஒரு வழி மட்டுமே உள்ளது. இந்நிலையில் சுரங்கப்பாதையில் தேங்கிய நீர் அகற்றப்படாமல் உள்ளதை கண்டித்தும், இதற்கு நிரந்தர தீர்வு காண வலியுறுத்தியும் இந்த பகுதிமக்கள் நேற்று ரெயில் மறியல் போராட்டத்தில் ஈடுபட்டனர். மேலும் அவர்கள் ரெயில் பாதையில் சிவப்பு துணியை கட்டி வைத்தனர். அப்போது அந்த வழியாக ராமேசுவரம்-திருச்சி பயணிகள் ரெயில் வந்தது. ரெயில் பாதையில் ஆட்கள் நிற்பதையும், சிவப்பு துணி கட்டியிருப்பதையும் பார்த்த என்ஜின் டிரைவர், ரெயிலை சற்று தொலைவில் நிறுத்திவிட்டார். இதுகுறித்து தகவல் அறிந்த ரெயில்வே அதிகாரிகள் மற்றும் போலீசார் அங்கு வந்து கிராமமக்களிடம் பேச்சுவார்த்தை நடத்தினர். அப்போது அவர்கள் உரிய நடவடிக்கை எடுப்பதாக தெரிவித்ததை தொடர்ந்து போராட்டம் கைவிடப்பட்டது. சுமார் 45 நிமிடம் தாமதமாக அந்த ரெயில் புறப்பட்டு சென்றது.

தொடர்புடைய செய்திகள்

1. கூரை வீடுகளுக்குள் மழைநீர் புகுந்தது: நிவாரண உதவி கிடைக்காமல் மக்கள் அவதி போராட்டத்தில் ஈடுபட முடிவு
கும்பகோணம் அருகே கூரை வீடுகளுக்குள் மழைநீர் புகுந்ததால் அவதிப்பட்டு வரும் மக்களுக்கு அரசின் நிவாரண உதவி வழங்கப்படவில்லை. மழைநீரை விரைந்து அப்புறப்படுத்தி உரிய நிவாரண உதவிகள் வழங்கவில்லை எனில் போராட்டத்தில் ஈடுபட போவதாக மக்கள் அறிவித்து உள்ளனர்.
2. தாராசுரம் ஐராவதீஸ்வரர் கோவிலில் தேங்கி நிற்கும் மழைநீர் சுற்றுலா பயணிகள் அவதி
தாராசுரம் ஐராவதீஸ்வரர் கோவிலில் தேங்கி நிற்கும் மழைநீரால் சுற்றுலா பயணிகள் அவதிப்பட்டு வருகின்றனர்.
3. குடிநீர் தேவைகளை பூர்த்தி செய்யும் மழைநீர்
இயற்கை நிறைய தண்ணீரை மழை மூலம் நமக்கு அளித்து வருகிறது. அதை கச்சிதமாக பயன்படுத்தும் அளவுக்கு நீர் மேலாண்மை முறைகளும் நம்மிடையே உள்ளன என்று இயற்கை ஆர்வலர்கள் குறிப்பிட்டுள்ளனர்.
4. சென்னை விமான நிலையத்தில் மேற்கூரையில் ஒழுகிய மழைநீர் புகைப்படத்துடன் கனிமொழி எம்.பி. டுவிட்டரில் பதிவு
சென்னை விமான நிலையத்தில் மேற்கூரையில் இருந்து ஒழுகிய மழைநீரை பிளாஸ்டிக் பாத்திரத்தில் பிடித்து ஊழியர்கள் அப்புறப்படுத்தினர். இதை கனிமொழி எம்.பி. புகைப்படத்துடன் தனது டுவிட்டரில் பதிவிட்டு உள்ளார்.