மாவட்ட செய்திகள்

கலெக்டர் அலுவலகத்துக்கு மண்எண்ணெய் பாட்டிலுடன் மனு அளிக்க வந்த முதியவர் திருவாரூரில் பரபரப்பு + "||" + Soil oil for the collector's office An elderly man who had filed a petition with a bottle was thriving in Thiruvarur

கலெக்டர் அலுவலகத்துக்கு மண்எண்ணெய் பாட்டிலுடன் மனு அளிக்க வந்த முதியவர் திருவாரூரில் பரபரப்பு

கலெக்டர் அலுவலகத்துக்கு மண்எண்ணெய் பாட்டிலுடன் மனு அளிக்க வந்த முதியவர் திருவாரூரில் பரபரப்பு
திருவாரூர் மாவட்ட கலெக்டர் அலுவலகத்துக்கு முதியவர் மண்எண்ணெய் பாட்டிலுடன் மனு அளிக்க வந்ததால் பரபரப்பு ஏற்பட்டது.
திருவாரூர்,

திருவாரூர் மாவட்டம் கூத்தாநல்லூர் பகுதியை சேர்ந்தவர் ஜெகபர் அலி (வயது 67). இவர் நேற்று மாவட்ட கலெக்டர் அலுவலகத்திற்கு மனு அளிக்க வந்தார். அப்போது பாதுகாப்பு பணியில் இருந்த போலீசார் சோதனை செய்த போது அவருடைய பையில் மண்எண்ணெய் பாட்டில் இருந்தது தெரியவந்தது. இதனால் அதிர்ச்சியடைந்த போலீசார் அவரிடம் விசாரணை நடத்தினர்.


விசாரணையில் நான் கட்டிய வீடு எனது மனைவி பெயரில் உள்ளது. அவர், என் விருப்பத்திற்கு மாறாக எனது மகள் பெயருக்கு அந்த வீட்டை எழுதி கொடுத்து விட்டார். இதனால் ஏற்பட்ட பிரச்சினையில் என்னை வீட்டை விட்டு வெளியேற்ற முயற்சி செய்து வருகின்றனர். இதற்கு மறுப்பு தெரிவித்ததால் எனது மகள் வழியில் சிலர் கொலை மிரட்டல் விடுத்து வருகின்றனர்.

மண்எண்ணெய் பாட்டில்

எனது உயிருக்கு ஆபத்தான நிலை ஏற்பட்டதால் செய்வது அறியாமல் மண்எண்ணெய் பாட்டிலுடன் பாதுகாப்பு கேட்டு மாவட்ட கலெக்டரிடம் மனு அளிக்க வந்ததாக தெரிவித்தார். இதனையடுத்து அவர், கூத்தாநல்லூர் போலீஸ் நிலையத்திற்கு அழைத்து செல்லப்பட்டு அவருடைய குடும்பத்தினருடன் போலீசார் விசாரணை நடத்தி வருகின்றனர். மண்எண்ணெய் பாட்டிலுடன் முதியவர் மனு கொடுக்க வந்த சம்பவம் அந்த பகுதியில் பரபரப்பை ஏற்படுத்தியது.


தொடர்புடைய செய்திகள்

1. உள்ளாட்சி தேர்தலை அமைதியான முறையில் நடத்த ஒத்துழைப்பு அளிக்க வேண்டும் கலெக்டர் பேச்சு
தர்மபுரி மாவட்டத்தில் உள்ளாட்சி தேர்தலை அமைதியான முறையில் நடத்த அனைத்து அரசியல் கட்சியினரும் ஒத்துழைப்பு அளிக்க வேண்டும் என்று தர்மபுரியில் நடந்த ஆலோசனைக்கூட்டத்தில் கலெக்டர் மலர்விழி பேசினார்.
2. கஜா புயலில் வீடுகளை இழந்தவர்களுக்கு கான்கிரீட் வீடுகள் கட்டித்தர வேண்டும் கலெக்டரிடம் மனு
கஜா புயலில் வீடுகளை இழந்தவர்களுக்கு கான்கிரீட் வீடுகள் கட்டித்தர வேண்டும் என்று ஆதிதிராவிடர் மக்களின் வாழ்வாதார கூட்டு இயக்கத்தினர் நாகை கலெக்டரிடம் மனு அளித்தனர்.
3. உள்ளாட்சி தேர்தல் தொடர்பான புகார்களை 1950 என்ற எண்ணில் தெரிவிக்கலாம் கலெக்டர் அறிவிப்பு
குமரி மாவட்டத்தில் உள்ளாட்சி தேர்தல் தொடர்பான புகார்களை 1950 என்ற எண்ணில் தெரிவிக்கலாம் என்று கலெக்டர் பிரசாந்த் வடநேரே தெரிவித்துள்ளார்.
4. அரியலூர் ஊராட்சி ஒன்றியத்திற்குட்பட்ட வாக்கு எண்ணும் மையத்தில் கலெக்டர் ஆய்வு
அரியலூர் ஊராட்சி ஒன்றியத்திற்குட்பட்ட வாக்கு எண்ணும் மையத்தினை கலெக்டர் ரத்னா ஆய்வு செய்தார்.
5. இலவங்கார்குடி ஊராட்சியில் வார்டு மறுவரையறைக்கு பின்பு தேர்தல் நடத்த வேண்டும் கிராமமக்கள் மனு
இலவங்கார்குடி ஊராட்சியில் வார்டு மறுவரை யறைக்கு பின்பு தேர்தல் நடத்த வேண்டும் என்று மாவட்ட கலெக்டர் அலுவலகத்தில் கிராமமக்கள் மனு அளித்தனர்.