மாவட்ட செய்திகள்

சிவகங்கை, திருப்பத்தூர் பகுதிகளில், தொடர்மழையால் வீடுகள் சேதம் - சுவர் இடிந்து விழுந்து 3 பேர் காயம் + "||" + Damage to houses due to continuous rain - The wall collapses and 3 people are injured

சிவகங்கை, திருப்பத்தூர் பகுதிகளில், தொடர்மழையால் வீடுகள் சேதம் - சுவர் இடிந்து விழுந்து 3 பேர் காயம்

சிவகங்கை, திருப்பத்தூர் பகுதிகளில், தொடர்மழையால் வீடுகள் சேதம் - சுவர் இடிந்து விழுந்து 3 பேர் காயம்
சிவகங்கை, திருப்பத்தூர் மற்றும் எஸ்.புதூர் பகுதிகளில் தொடர் மழை காரணமாக வீட்டின் சுவர் இடிந்து விழுந்து 3 பேர் காயமடைந்தனர்.
சிவகங்கை,

சிவகங்கை பகுதியில் கடந்த சில தினங்களாக பருவமழை பெய்து வருகிறது. இந்த நிலையில் உடையார் சேர்வை ஊரணி பகுதியை சேர்ந்த தொழிலாளியான ராஜேந்திரன்(வயது56) என்பவரது வீட்டின் சுவர் இடிந்து விழுந்தது. அப்போது ராஜேந்திரன், அவரது மனைவி வள்ளி (48), வள்ளியின் தோழியான பக்கத்து வீட்டு முத்துலட்சுமி(40) ஆகியோர் வீட்டினுள் இருந்தனர். வீட்டின் மேலே இருந்த ஓடுகள் அவர்கள் மீது விழுந்தன. இடிபாடுகளில் சிக்கிய ராஜேந்திரன், வள்ளி மற்றும் முத்துலட்சுமி ஆகியோர் காயம் அடைந்தனர்.இதைப்பார்த்த அக்கம்பக்கத்தினர் 3 பேைரயும் மீட்டு சிவகங்கை அரசு மருத்துவமனைக்கு அனுப்பி வைத்தனர். தகவல் அறிந்து சிவகங்கை தாசில்தார் மைலாவதி மற்றும் வருவாய்த்துறை அதிகாரிகள் வந்து பார்வையிட்டனர். இதுகுறித்து நகர் சப்-இன்ஸ்பெக்டர் வாசிவம் விசாரணை நடத்தி வருகிறார்.

இதேபோல் திருப்பத்தூர் அருகே புதுப்பட்டி வடக்கு தெருவைச் சோ்ந்தவா் வீரசுப்பு. இவர் கோயம்புத்தூரில் உள்ள தனியார் நிறுவனத்தில் காவலாளியாக வேலை பார்த்து வருகிறார். இவரது மனைவி கமலம்(வயது69). இவர் புதுப்பட்டியில் தனியாக வசித்து வருகிறார். இந்தநிலையில் கடந்த சில தினங்களாக பெய்த தொடர் மழையின் காரணமாக இவரது ஓட்டு வீடு இடிந்து விழுந்தது. அந்த நேரம் கமலம் வீட்டில் இல்லாததால் அதிர்ஷ்டவசமாக உயிர் தப்பினார். ஆனால் வீட்டு உபயோகப் பொருட்கள், மின்சாதனப் பொருட்கள் அனைத்தும் சேதமடைந்தன. சேதமடைந்த வீட்டை வட்டாட்சியர் ஜெயலெட்சுமி, வருவாய் ஆய்வாளர் செல்வம், கிராம நிர்வாக அலுவலர் சின்னையா ஆகியோர் ஆய்வு மேற்கொண்டனா்.

இதேபோல் எஸ்.புதூர் அருகே உள்ள தோணிப்பட்டி கிராமத்தைச் சேர்ந்த செவந்தி மனைவி லெட்சுமி (65). இவர் கணவர் ஏற்கனவே இறந்துவிட்ட நிலையில், முதியோர் உதவித்தொகை பெற்று கொண்டு அன்றாட வாழ்க்கையை நடத்தி வருகிறார். இந்தநிலையில் இவரது ஓட்டு வீட்டின் ஒரு பக்க சுவர் மழையால் இடிந்து விழுந்தது. அப்போது லெட்சுமி வீட்டில் இல்லாததால் எவ்வித அசம்பாவிதமும் ஏற்படவில்லை.

தொடர்புடைய செய்திகள்

1. தொடர் மழையால் நிரம்பி வரும் கண்மாய்கள் - பொதுமக்கள் மகிழ்ச்சி
திருவாடானை தாலுகாவில் தொடர் மழையால் கண்மாய்கள் வேகமாக நிரம்பி வருவதால் பொதுமக்கள் மகிழ்ச்சி அடைந்துள்ளனர்.
2. தொடர் மழையால் சிவகிரி பகுதியில் வீடுகள் இடிந்து சேதம்
தொடர் மழையால் சிவகிரி பகுதியில் வீடுகள் இடிந்து சேதம் அடைந்தன.
3. தமிழகத்தில் தொடர் மழை; 7 மாவட்ட பள்ளிகளுக்கு விடுமுறை அறிவிப்பு
தமிழகத்தில் தொடர் மழையால் 7 மாவட்டங்களில் உள்ள பள்ளிகளுக்கு இன்று விடுமுறை விடப்பட்டு உள்ளது.
4. பாகூர் பகுதியில் தொடர் மழை: 300 வீடுகளில் தண்ணீர் புகுந்தது - நெற்பயிர்கள் நீரில் மூழ்கியது
பாகூர் பகுதியில் பெய்த தொடர் மழையால் 300 வீடுகளில் தண்ணீர் புகுந்தது. நெற்பயிர்கள் நீரில் மூழ்கியது.
5. நீர்ப்பிடிப்பு பகுதிகளில் தொடர் மழை எதிரொலி: சென்னைக்கு குடிநீர் வழங்கும் ஏரிகளின் நீர்மட்டம் உயர்வு
நீர்ப்பிடிப்பு பகுதிகளில் பெய்துவரும் தொடர் மழை காரணமாக சென்னைக்கு குடிநீர் வழங்கும் ஏரிகளின் நீர்மட்டம் உயர்ந்துள்ளது. இதனால் பொதுமக்கள் மகிழ்ச்சி அடைந்து உள்ளனர்.