மாவட்ட செய்திகள்

சேலத்தில் நுண்ணுயிர் உரம் தயாரிக்க எதிர்ப்பு; பொதுமக்கள் முற்றுகை போராட்டம் + "||" + Resistance to antimicrobial fertilizer in Salem; Civil Siege Struggle

சேலத்தில் நுண்ணுயிர் உரம் தயாரிக்க எதிர்ப்பு; பொதுமக்கள் முற்றுகை போராட்டம்

சேலத்தில் நுண்ணுயிர் உரம் தயாரிக்க எதிர்ப்பு; பொதுமக்கள் முற்றுகை போராட்டம்
சேலத்தில் நுண்ணுயிர் உரம் தயாரிக்க எதிர்ப்பு தெரிவித்து பொது மக்கள் முற்றுகை போராட்டம் நடத்தினர்.
சேலம்,

சேலம் அழகாபுரம் அருகே நாகமலை அடிவாரம் பகுதியில் கோம்பைகாடு உள்ளது. இங்கு 100-க்கும் மேற்பட்ட குடும்பத்தினர் வசித்து வருகின்றனர். இந்த பகுதியில் மாநகராட்சிக்கு சொந்தமான புறம்போக்கு நிலம் உள்ளது. இந்த இடத்தில் மாநகராட்சி சார்பில் திடக் கழிவு மேலாண்மை திட்டத்தின் கீழ் நுண்ணுயிர் உரம் தயாரிப்பதற்கான ஆலை அமைக்க நடவடிக்கை எடுக்கப்பட்டு வருகிறது.


இதற்காக மாநகராட்சி என்ஜினீயர் சிபிசக்கரவர்த்தி தலைமையில், அலுவலர்கள், ஊழியர்கள் அங்கு சென்றனர். பின்னர் உரம் தயாரிக்க பயன்படுத்தப்படும் இடத்தை அளவீடு செய்யும் பணியில் ஈடுபட்டனர். தொடர்ந்து பொக்லைன் எந்திரம் மூலம் நிலத்தை சமப்படுத்தினர்.

முற்றுகை போராட்டம்

இது குறித்து தகவல் அறிந்த அந்த பகுதியை சேர்ந்த பொதுமக்கள் ஏராளமானவர்கள் அங்கு திரண்டு வந்தனர். பின்னர் அவர்கள் நுண்ணுயிர் உரம் தயாரிக்க எதிர்ப்பு தெரிவித்து பொக்லைன் எந்திரம் மற்றும் அரசு அதிகாரியின் காரை முற்றுகையிட்டு போராட்டம் நடத்தினர். இதனால் பொதுமக்களுக்கும், மாநகராட்சி ஊழியர்களுக்கும் இடையே சிறிது நேரம் வாக்குவாதம் ஏற்பட்டது. இதனால் நிலம் சமப்படுத்தும் பணி நிறுத்தப்பட்டது. பின்னர் அதிகாரிகள், பொதுமக்களுடன் பேச்சுவார்த்தை நடத்தி உரிய நடவடிக்கை எடுக்கப்படும் என்று கூறினர். இதையடுத்து பொதுமக்கள் முற்றுகை போராட்டத்தை கைவிட்டனர்.

இது குறித்து பொதுமக்களிடம் கேட்ட போது அவர்கள் கூறியதாவது:-

எங்கள் பகுதியில் ஏராளமானவர்கள் வசித்து வருகிறோம். இங்கு எந்த விதமான அடிப்படை வசதியும் இல்லை. தற்போது நாங்கள் இயற்கை சூழலில் வசித்து வருகிறோம். இதை கெடுக்கும் வகையில் நுண்ணுயிர் உரம் தயாரிக்கும் முயற்சியில் மாநகராட்சி நிர்வாகம் ஈடுபட்டு உள்ளது. இந்த திட்டத்தை இங்கு செயல்படுத்தினால், குடிநீர் மாசுபடும். மேலும் சுகாதார சீர்கேடும் ஏற்படும். எனவே இந்த திட்டத்தை செயல் படுத்துவதை மாநகராட்சி நிர்வாகம் கைவிட வேண்டும். இவ்வாறு அவர்கள் கூறினர்.

இந்த முற்றுகை போராட்டத்தால் அந்த பகுதியில் அசம்பாவித சம்பவங்கள் நடைபெறாமல் தடுக்க சம்பவ இடத்தில் பலத்த போலீஸ் பாதுகாப்பு போடப்பட்டு இருந்தது.

தொடர்புடைய செய்திகள்

1. தவளக்குப்பத்தில் போலீசாரை கண்டித்து மினி லாரி உரிமையாளர்கள் போராட்டம்
தவளக்குப்பத்தில் போலீசாரை கண்டித்து மினி லாரி உரிமையாளர்கள் போராட்டத்தில் ஈடுபட்டனர்.
2. பஸ் போக்குவரத்தை தொடங்க வலியுறுத்தி வஞ்சித் பகுஜன் அகாடி கட்சி போராட்டம்
பொதுமக்களுக்கான பஸ் போக்குவரத்தை மீண்டும் தொடங்க மாநில அரசை வலியுறுத்தி வஞ்சித் பகுஜன் அகாடி கட்சியினர் மாநிலம் தழுவிய போராட்டம் நடத்தினர்.
3. தடுப்பணை கட்ட மண் எடுப்பதற்கு எதிர்ப்பு தெரிவித்து லாரியை சிறைபிடித்து பொதுமக்கள் போராட்டம்
திருவள்ளூர் அருகே புதிய தடுப்பணை கட்டும் பணி நடைபெற்று வரும் நிலையில், கட்டுமான பணிக்கு அப்பகுதியில் மண் எடுக்க எதிர்ப்பு தெரிவித்து பொதுமக்கள் போராட்டத்தில் ஈடுபட்டனர்.
4. 3 அம்ச கோரிக்கைகளை வலியுறுத்தி வருவாய்த்துறை அலுவலர்கள் விடுப்பு எடுத்து போராட்டம்
3 அம்ச கோரிக்கைகளை வலியுறுத்தி வேலூர் மாவட்ட வருவாய்த்துறை அலுவலர் சங்கத்தினர் விடுப்பு எடுத்து போராட்டத்தில் ஈடுபட்டனர். அதனால் அரசு அலுவலகங்கள் வெறிச்சோடி காணப்பட்டன.
5. வேலூர் மாவட்ட மத்திய கூட்டுறவு வங்கி ஊழியர்கள் தர்ணா போராட்டம்
வேலூர் மாவட்ட மத்திய கூட்டுறவு வங்கி ஊழியர்கள் தர்ணா போராட்டம் 10 அம்ச கோரிக்கைகளை வலியுறுத்தி நடந்தது.