மாவட்ட செய்திகள்

ஓ.என்.ஜி.சி. நிறுவத்தினர் குழாய் சீரமைக்கும் பணியை கண்டித்து 3 கிராம மக்கள் ஆர்ப்பாட்டத்தில் ஈடுபட முயற்சி + "||" + ONGC 3 villagers protesting against the pipeline repair

ஓ.என்.ஜி.சி. நிறுவத்தினர் குழாய் சீரமைக்கும் பணியை கண்டித்து 3 கிராம மக்கள் ஆர்ப்பாட்டத்தில் ஈடுபட முயற்சி

ஓ.என்.ஜி.சி. நிறுவத்தினர் குழாய் சீரமைக்கும் பணியை கண்டித்து 3 கிராம மக்கள் ஆர்ப்பாட்டத்தில் ஈடுபட முயற்சி
கோட்டூர் அருகே ஓ.என்.ஜி.சி. நிறுவனத்தினர் குழாய் சீரமைக்கும் பணியை கண்டித்து 3 கிராமமக்கள் ஆர்ப்பாட்டத்தில் ஈடுபட முயன்றனர். பேச்சுவார்த்தையில் உடன்பாடு ஏற்பட்டதையடுத்து கலைந்து சென்றனர்.
கோட்டூர்,

திருவாரூர் மாவட்டம், கோட்டூர் அருகே செல்லப்பிள்ளையார் கோட்டகத்தில் ஓ.என்.ஜி.சி. நிறுவனத்தின் எண்ணெய் கிணறு அமைந்துள்ளது. இதில் இருந்து கச்சா எண்ணெய் எடுத்து குழாய் மூலம் நல்லூரில் உள்ள எண்ணெய் கிணறுக்கு கொண்டு செல்லப்படுகிறது. தற்போது இந்த குழாய் பழுதடைந்தது. இதனால் ஓ.என்.ஜி.சி. நிறுவத்தினர் குழாய் சீரமைக்கும் பணியினை தொடங்கி உள்ளனர். மேலும் ஹைட்ரோ கார்பன் எடுக்க போவதாக செய்தி பரவியது. இதனை கண்டித்து அழகிரிகோட்டகம், செல்லப்பிள்ளையார் கோட்டகம், காடுவாகுடி ஆகிய 3 கிராமமக்கள் நேற்று செல்லப்பிள்ளையார் கோட்டகம் ஓ.என்.ஜி.சி. கிணறு முன்பு ஆர்ப்பாட்டத்தில் ஈடுபட முயன்றனர்.


பேச்சுவார்த்தை

இதுபற்றி தகவல் அறிந்த ஓ.என்.ஜி.சி. காரைக்கால் முதன்மை பொதுமேலாளர் மாறன், கோட்டூர் போலீஸ் இன்ஸ்பெக்டர் அறிவழகன் ஆகியோர் கிராம மக்களிடம் பேச்சுவார்த்தை நடத்தினர். இதில் காடுவாகுடி தொடக்கப்பள்ளிக்கு சுற்றுச்சுவர் கட்டுவது, அழகிரிகோட்டகம் செல்லப்பிள்ளையார் கோட்டகம் கிராமங்களுக்கு மயான சாலை அமைப்பது, 3 கிராமங்களிலும் தனிநபர் கழிவறை கட்டுவது, ஆழ்குழாய் கிணறு அமைத்து குடிநீர் வசதி செய்து கொடுப்பது, இப்பகுதி சாலைகளை மேம்படுத்துவது என்பது உள்ளிட்ட கோரிக்கைகளை நிறைவேற்றுவதாக உறுதியளித்தனர். இதையடுத்து ஆர்ப்பாட்டத்தில் ஈடுபடாமல் அங்கிருந்து கலைந்து சென்றனர்.

தொடர்புடைய செய்திகள்

1. ஊரடங்கில் கேள்விக்குறியான பராமரிப்பு பணி அலங்கோலமாக காட்சி தரும் மின்சார ரெயில் நிலையங்கள்
ஊரடங்கில் பராமரிப்பு பணிகள் கேள்விக்குறியானதால் சென்னையில் மின்சார ரெயில் நிலையங்கள் அலங்கோலமாக காட்சி அளிக்கின்றன. ரெயில் நிலைய வளாகங்களில் புதர் மண்டி கிடப்பதால் பூச்சிகள் படையெடுக்கின்றன.
2. விழுப்புரம் - கடலூர் மாவட்டத்தில் தென்பெண்ணையாற்றின் குறுக்கே ரூ.33 கோடியில் தடுப்பணை கட்டும் பணி
விழுப்புரம்- கடலூர் மாவட்டத்தில் ஓடும் தென்பெண்ணையாற்றின் குறுக்கே ரூ.33 கோடியில் தடுப்பணை கட்டும் பணியை அமைச்சர்கள் சி.வி.சண்முகம், எம்.சி.சம்பத் ஆகியோர் அடிக்கல் நாட்டி தொடங்கி வைத்தனர்.
3. செந்துறையில் ஆக்கிரமிப்புகளை அகற்றியதால் பெரிய ஏரிக்கு வந்த மழைநீர் விவசாயிகள் மகிழ்ச்சி
செந்துறையில் ஆக்கிரமிப்புகளை அகற்றியதால் பெரிய ஏரிக்கு வந்த மழைநீரை கண்டு விவசாயிகள் மகிழ்ச்சி அடைந்தனர்.
4. கீழடியில் அகழாய்வு பணி: புதிதாக 2 மண்பானைகள், மனித மண்டை ஓடு கண்டெடுப்பு
கீழடியில் அகழாய்வு பணியில் புதிதாக 2 மண் பானைகள், மனித மண்டை ஓடு கண்டெடுக்கப்பட்டு உள்ளன.
5. கொரோனா தடுப்பு பணி சென்னையில் மேலும் 2 ஆயிரம் செவிலியர்கள் நியமனம்
சென்னையில் கொரோனா தடுப்பு பணிக்காக மேலும் 2 ஆயிரம் செவிலியர்களை தமிழக அரசு தற்காலிக அடிப்படையில் பணி நியமனம் செய்து உள்ளது.