மாவட்ட செய்திகள்

கொரடாச்சேரி அருகே பழுதடைந்த மேல்நிலை நீர்த்தேக்க தொட்டி சீரமைக்கப்படுமா? பொதுமக்கள் எதிர்பார்ப்பு + "||" + Will the overhead aquifer tank near Koradacherry be renovated? The expectation of the public

கொரடாச்சேரி அருகே பழுதடைந்த மேல்நிலை நீர்த்தேக்க தொட்டி சீரமைக்கப்படுமா? பொதுமக்கள் எதிர்பார்ப்பு

கொரடாச்சேரி அருகே பழுதடைந்த மேல்நிலை நீர்த்தேக்க தொட்டி சீரமைக்கப்படுமா? பொதுமக்கள் எதிர்பார்ப்பு
கொரடாச்சேரி அருகே பழுதடைந்த மேல்நிலை நீர்த்தேக்க தொட்டி சீரமைக்கப்படுமா? என பொதுமக்கள் எதிர்பார்த்துள்ளனர்.
கொரடாச்சேரி,

கொரடாச்சேரி ஒன்றியம், அம்மையப்பன் பகுதியை சேர்ந்த பஞ்சாந்தோப்பு பகுதியில் மேல்நிலை நீர்த்தேக்க தொட்டி உள்ளது. இதன் மூலம் அந்த பகுதியை சேர்ந்த 350-க்கும் மேற்பட்ட குடும்பத்தினருக்கு குடிநீர் வினியோகம் செய்யப்பட்டு வருகிறது.


இந்த நிலையில் மேல்நிலை நீர்த்தேக்க தொட்டி பராமரிப்பின்றி பழுதடைந்து காணப்படுகிறது. இந்த தொட்டியின் தூண்களில் சிமெண்டு காரைகள் பெயர்ந்து விழுந்து காட்சி அளிக்கிறது.

மேலும் இந்த நீர்த்தேக்க தொட்டியின் இரும்பு ஏணி கஜா புயலின்போது காற்றின் வேகத்தில் கீழே விழுந்தது. இதனை சரி செய்யாத காரணத்தினால் மேல்நிலை நீர்த்தேக்க தொட்டியை சுத்திகரிப்பு செய்ய முடியாமல் உள்ளது. இதனால் கடந்த ஒரு ஆண்டுக்கும் மேல் சுத்திகரிக்கப்படாத, சுகாதாரமற்ற குடிநீரையே அந்த பகுதி பொதுமக்கள் பயன்படுத்தி வருகின்றனர்.

சீரமைக்க வேண்டும்

இந்த தொட்டி 60 ஆயிரம் லிட்டர் நீர்த்தேக்க திறன் கொண்டது. ஆனால் பழுதடைந்த காரணத்தால் 30 ஆயிரம் லிட்டர் தண்ணீரே ஏற்றப்படுகிறது. இதனால் மின் வினியோகம் தடை செய்யப்படும் நாட்களில் தண்ணீர் பற்றாக்குறை ஏற்படுகிறது. சுத்தம் செய்ய இயலாத காரணத்தால் பொதுமக்கள் உபயோகிக்கும் நேரம் மட்டுமே நீர் நிரப்பப்பட்டு வினியோகம் செய்யப்படுகிறது.

எனவே சம்பந்தப்பட்ட அதிகாரிகள் பழுதடைந்த மேல்நிலை நீர்த்தேக்க தொட்டியை சீரமைக்க நடவடிக்கை எடுக்க வேண்டும் என அந்த பகுதி பொதுமக்கள் எதிர்பார்த்துள்ளனர்.



தொடர்புடைய செய்திகள்

1. கோவை மாநகர பகுதியில், சாப்பாடு இல்லாமல் தவிக்கும் பொதுமக்களுக்கு போலீசார் உதவி - 30 இடங்களில் உணவு வழங்க ஏற்பாடு
கோவை மாநகர பகுதியில் சாப்பாடு இல்லாமல் தவிக்கும் பொதுமக்களுக்கு, போலீசார் உதவி செய்வதுடன் அவர்களுக்கு 30 இடங்களில் உணவு வழங்க ஏற்பாடு செய்து உள்ளனர்.
2. கொரோனா வைரஸ் மிகப்பெரிய ஆபத்து பொதுமக்கள் அரசு உத்தரவுகளை பின்பற்ற வேண்டும் - சரத்பவார் வலியுறுத்தல்
கொரோனா வைரஸ் மிகப்பொிய ஆபத்து, பொதுமக்கள் அரசு உத்தரவுகளை பின்பற்ற வேண்டும் என சரத்பவார் வலியுறுத்தி உள்ளார்.
3. ஷேர் ஆட்டோக்களை ஒருவழிப்பாதையில் இயக்க வேண்டும் பொதுமக்கள் கோரிக்கை
ஷேர் ஆட்டோக்களை ஒருவழிப்பாதையில் இயக்க வேண்டும் என பொதுமக்கள் கோரிக்கை விடுத்துள்ளனர்.
4. நன்னிலத்தில் புதிதாக திறக்கப்பட்ட டாஸ்மாக் கடையை அகற்றக்கோரி பொதுமக்கள் ஆர்ப்பாட்டம்
நன்னிலத்தில் புதிதாக திறக்கப்பட்ட டாஸ்மாக் கடையை அகற்றக்கோரி பொதுமக்கள் ஆர்ப்பாட்டத்தில் ஈடுபட்டனர். அப்போது மதுபிரியர்கள் கடையை திறக்க வலியுறுத்தி மது பிரியர்கள் கோ‌‌ஷங்கள் எழுப்பியதால் பரபரப்பு ஏற்பட்டது.
5. மாணவிகளிடம் ஆபாசமாக பேசிய ஆசிரியர் மீது போக்சோ வழக்கு பள்ளியை திறக்க விடாமல் பொதுமக்கள் போராட்டம்
வேடசந்தூர் அருகே மாணவிகளிடம் ஆபாசமாக பேசிய ஆசிரியர் மீது போக்சோ வழக்குப்பதிவு செய்யப்பட்டுள்ளது. பள்ளியை திறக்க விடாமல் பொதுமக்கள் போராட்டம் நடத்தியதால் பரபரப்பு ஏற்பட்டது.