மாவட்ட செய்திகள்

மழையால் சேதம் அடைந்த கரும்பு வயல்களை சீரமைக்கும் பணி இழப்பீடு வழங்க விவசாயிகள் கோரிக்கை + "||" + Farmers' demand for work compensation to repair sugar cane fields damaged by rain

மழையால் சேதம் அடைந்த கரும்பு வயல்களை சீரமைக்கும் பணி இழப்பீடு வழங்க விவசாயிகள் கோரிக்கை

மழையால் சேதம் அடைந்த கரும்பு வயல்களை சீரமைக்கும் பணி இழப்பீடு வழங்க விவசாயிகள் கோரிக்கை
மழையால் சேதம் அடைந்த கரும்பு வயல்களை சீரமைக்கும் பணியில் விவசாயிகள் மும்முரமாக ஈடுபட்டுள்ளனர். சேதம் அடைந்த கரும்பு வயல்களுக்கு உரிய இழப்பீடு வழங்க வேண்டும் என விவசாயிகள் கோரிக்கை விடுத்துள்ளனர்.
திருக்காட்டுப்பள்ளி,

தஞ்சை மாவட்டம் திருக்காட்டுப்பள்ளி காவிரி கரையோர கிராமங்களில் பொங்கல் பண்டிகையை முன்னிட்டு கரும்புகள் அதிகளவில் பயிரிடப்படுவது வழக்கம். வழக்கம்போல் இந்த ஆண்டும் சித்திரை பட்டத்தில் விதைப்பு செய்த பொங்கல் கரும்புகள் நல்ல நிலையில் விளைந்திருந்தன. கடந்த மாதத்தின் இறுதி வாரத்தில் தொடர்ந்து சில நாட்கள் நீடித்த கன மழை காரணமாக திருக்காட்டுப்பள்ளி பகுதியில் கரும்பு வயல்கள் சேதம் அடைந்தன.


வயல்களில் விளைந்திருந்த பொங்கல் கரும்புகள் அடியோடு சாய்ந்து காணப்பட்டன. இதனால் விவசாயிகள் பெரும் கவலையில் ஆழ்ந்தனர். தற்போது மழை சற்று ஓய்ந்து இருப்பதால் சேதம் அடைந்த கரும்பு வயல்களை சீரமைக்கும் பணியில் விவசாயிகள் மும்முரமாக ஈடுபட்டுள்ளனர்.

இழப்பீடு வழங்க வேண்டும்

சாய்ந்த கரும்புகளை நிமிர்த்தி கட்டுவதற்கு கூடுதல் செலவு ஆவதால் விவசாயிகள் மிகவும் சிரமத்தில் உள்ளனர். திருக்காட்டுப்பள்ளி அருகே ஒன்பத்துவேலி, நடுப்படுகை உள்ளிட்ட கிராமங்களில் கரும்பு வயல்களில் தேங்கிய மழைநீர் வடியவில்லை. இதனால் கரும்புகளை நிமிர்த்துவதில் சிக்கல் ஏற்பட்டுள்ளது. மழைநீர் வடிந்த பின்னர் தான் கரும்புகளை நிமிர்த்த கட்ட இயலும் என விவசாயிகள் கூறுகிறார்கள்.

சிவந்திதிடல் உள்ளிட்ட பகுதிகளில் சாய்ந்த கரும்புகளின் வேர் பகுதியில் எறும்புகள் புகுந்து சாற்றை உறிஞ்சி சேதத்தை ஏற்படுத்தி இருப்பதாக விவசாயிகள் கவலை தெரிவிக்கின்றனர். பொங்கல் பண்டிகைக்கு இன்னும் ஒரு மாதம் இருக்கும் நிலையில் மேலும் மழை இல்லாமல் இருந்தால் விளைந்த கரும்புகளை காப்பாற்றி விடலாம் என விவசாயிகள் கருதுகின்றனர். திருக்காட்டுப்பள்ளி பகுதியில் மழையால் சேதம் அடைந்த கரும்பு வயல்களை கணக்கீடு செய்து இழப்பீடு வழங்க வேண்டும் என்று விவசாயிகள் கோரிக்கை விடுத்துள்ளனர்.


தொடர்புடைய செய்திகள்

1. நச்சலூர் பகுதிகளில் நெற்பயிர்களில் குலைநோய் தாக்குதல் நிவாரணம் வழங்க விவசாயிகள் கோரிக்கை
நச்சலூர் பகுதிகளில் விளைந்த நெற்பயிர் களில் குலைநோய் தாக்கி உள்ளது. இதனால் அரசு நிவாரணம் வழங்க விவசாயிகள் கோரிக்கை விடுத்துள்ளனர்.
2. தொழிலாளர்கள் பற்றாக்குறையால் நெல் அறுவடை பணிகள் பாதிப்பு விவசாயிகள் கவலை
திருவாரூர் மாவட்டத்தில் தொழிலாளர்கள் பற்றாக்குறையால் நெல் அறுவடை பணிகள் பாதிக்கப்பட்டுள்ளன. இதனால் விவசாயிகள் கவலையில் உள்ளனர்.
3. கறம்பக்குடி பகுதியில் கதிர் அறுக்கும் எந்திரம் கிடைக்காததால் அறுவடை பணிகள் பாதிப்பு விவசாயிகள் கவலை
கறம்பக்குடி பகுதியில் கதிர் அறுக்கும் எந்திரம் கிடைக்காததால் அறுவடை பணிகள் பாதிக்கப்பட்டுள்ளன. இதனால் விவசாயிகள் கவலை அடைந்துள்ளனர்.
4. திருச்சியில் மண்டை ஓடுகளுடன் விவசாயிகள் போராட்டம்
கோரிக்கைகளை நிறைவேற்ற அரசு நடவடிக்கை எடுக்க வேண்டும் எனவும், முதல்-அமைச்சர் எடப்பாடி பழனிசாமியை சந்திக்க அதிகாரிகள் அனுமதி பெற்று தரும்வரை போராட்டம் தொடரும் என அய்யாக்கண்ணு தெரிவித்தார்.
5. அதிகாரிகள் பேச்சுவார்த்தை தோல்வி: விவசாயிகள் மீண்டும் உண்ணாவிரதம்
அதிகாரிகள் பேச்சுவார்த்தை தோல்வியின் காரணமாக திருச்சியில் விவசாயிகள் மீண்டும் உண்ணாவிரதத்தை தொடங்கினர். அவர்கள் நாமமிட்டு, ரத்த கண்ணீர் வடிப்பது போல அமர்ந்திருந்தனர்.