மாவட்ட செய்திகள்

நாகையில் பலத்த மழை: குடியிருப்பு பகுதியில் மழைநீருடன், கழிவுநீர் கலந்து தேங்கி நின்றதால் துர்நாற்றம் + "||" + Heavy Rain in Naga: Stench due to stagnant water mixed with rainwater and sewage in residential area

நாகையில் பலத்த மழை: குடியிருப்பு பகுதியில் மழைநீருடன், கழிவுநீர் கலந்து தேங்கி நின்றதால் துர்நாற்றம்

நாகையில் பலத்த மழை: குடியிருப்பு பகுதியில் மழைநீருடன், கழிவுநீர் கலந்து தேங்கி நின்றதால் துர்நாற்றம்
நாகையில் பலத்த மழை பெய்ததால் குடியிருப்பு பகுதியில் மழைநீருடன், கழிவுநீர் கலந்து தேங்கி நின்று துர்நாற்றம் வீசியது. இதனால் பொதுமக்கள் அவதிப்பட்டனர்.
நாகப்பட்டினம்,

நாகையில் வெப்பச்சலனம் காரணமாக கடந்த மாதம் கன மழை பெய்தது. இதைத்தொடர்ந்து அவ்வப்போது லேசான சாரல் மழையும் பெய்தது. மேலும் கடந்த சில நாட்களாக மழை பெய்யாமல் வெயில் சுட்டெரித்து வந்தது.

இந்த நிலையில் நேற்று முன்தினம் வானம் மேக மூட்டத்துடன் காணப்பட்டது. தொடர்ந்து இரவில் அவ்வப்போது மழை பெய்தது. நேற்று காலை 8 மணி அளவில் பலத்த மழை பெய்தது. இந்த மழை காலை 11 மணி வரை பெய்தது. இதனால் நாகை நகர் பகுதியில் உள்ள தாழ்வான இடங்களில் மழை நீர் பெருக்கெடுத்து ஓடியது.


துர்நாற்றம்

மேலும் அரியபத்திரபிள்ளைத்தெருவில் குடியிருப்பு பகுதியில் தண்ணீர் குளம் போல் தேங்கி நின்றது. மேலும் கால்வாயில் இருந்து வெளியேறிய கழிவுநீருடன், மழைநீர் கலந்து தேங்கி நின்றதால் துர்நாற்றம் வீசியது. இதனால் பொதுமக்கள் மற்றும் வாகன ஓட்டிகள் மிகுந்த அவதிப்பட்டனர்.

வாய்க்கால்களில் அதிகளவில் தண்ணீர் செல்வதால் சம்பா சாகுபடி செய்யப்பட்ட வயல்களில் தண்ணீர் தேங்கி நிற்கிறது. இந்த நிலை நீடித்தால் நெற்பயிர்கள் அழுகும் நிலை உருவாகும் என்று விவசாயிகள் கவலை தெரிவித்தனர்.

நாகூர்

இதேபோல நாகூர், முட்டம், நெத்தி, மேலவாஞ்சூர், அத்திப்புலியூர், குருக்கத்தி, கீவளூர், தேவூர், வலிவலம், விடங்கலூர்,கோகூர், ஆனைமங்கலம், கடம்பங்குடி,வெங்கிடங்கால், திருகண்ணங்குடி, ஆழியூர், சிக்கல், ஓரத்தூர், ஆவராணி, வேளாங்கண்ணி, சிக்கல், திருப்பூண்டி, மேலப்பிடாகை, கீழையூர், திட்டச்சேரி, திருமருகல் உள்ளிட்ட பகுதிகளில் மழை பெய்தது. 

தொடர்புடைய செய்திகள்

1. கூத்தாநல்லூர் பகுதியில் பலத்த மழை: அறுவடைக்கு தயாரான நெற்பயிர்கள் அழுகும் அபாயம் விவசாயிகள் கவலை
கூத்தாநல்லூர் பகுதியில் பெய்த பலத்த மழையால் அறுவடைக்கு தயாரான நெற்பயிர்கள் நீரில் மூழ்கி அழுகும் அபாய நிலை ஏற்பட்டுள்ளதால் விவசாயிகள் கவலை அடைந்துள்ளனர்.
2. திருவாரூரில் கனமழை: தியாகராஜர் கோவிலுக்குள் தண்ணீர் குளம்போல் தேங்கியது
திருவாரூரில் பெய்த கனமழையின் காரணமாக தியாகராஜர் கோவிலுக்குள்் தண்ணீர் புகுந்து குளம் போல் தேங்கியது. இதனால் பக்தர்கள் சிரமம் அடைந்தனர்.
3. பாபநாசம், மணிமுத்தாறு பகுதியில் மழை
பாபநாசம், மணிமுத்தாறு உள்பட ஒருசில பகுதிகளில் பரவலாக மழை பெய்தது.
4. சென்னையில் இன்று பரவலாக மழை
சென்னையின் சில பகுதிகளில் இன்று பரவலாக மழை பெய்து வருகிறது.
5. வடகிழக்கு பருவமழை: சென்னையில் இயல்பை விட 17 சதவீதம் குறைவு
சென்னையில் இயல்பைவிட 17 சதவீதம் மழை குறைவாக பெய்துள்ளதாக சென்னை வானிலை ஆய்வு மையம் தெரிவித்துள்ளது.