மாவட்ட செய்திகள்

கள்ளக்குறிச்சியில், பூட்டிக்கிடந்த வீட்டில் 7 பவுன் நகை, 1 கிலோ வெள்ளிப்பொருட்கள் திருட்டு + "||" + In Kallakurichi, 7 bounce jewelry at home in boutique, Theft of 1 kg of silverware

கள்ளக்குறிச்சியில், பூட்டிக்கிடந்த வீட்டில் 7 பவுன் நகை, 1 கிலோ வெள்ளிப்பொருட்கள் திருட்டு

கள்ளக்குறிச்சியில், பூட்டிக்கிடந்த வீட்டில் 7 பவுன் நகை, 1 கிலோ வெள்ளிப்பொருட்கள் திருட்டு
கள்ளக்குறிச்சியில் பூட்டிக்கிடந்த வீட்டில் 7 பவுன் நகை, 1 கிலோ வெள்ளிப்பொருட்கள் திருட்டு போனது. இது பற்றி போலீஸ் தரப்பில் கூறப்படுவதாவது:-
கள்ளக்குறிச்சி, 

கள்ளக்குறிச்சி அண்ணா நகர் 2-வது தெருவைச்சேர்ந்த விஸ்வநாதன் என்பவரது மனைவி சிவசக்தி(வயது57). இவருக்கு பிரதீப் குமார்(28), பிரவீன் குமார்(25) என்ற மகன்கள் உள்ளனர். பிரதீப் குமார் புதுச்சேரியில் உள்ள தனியார் கம்பெனியில் வேலை செய்கிறார். பிரவீன்குமார் கள்ளக்குறிச் சியில் உள்ள தனியார் நிறுவனத்தில் வேலை செய்து வருகிறார்.

இந்த நிலையில் பிரதீப் குமாருக்கு காய்ச்சல் இருந்ததால் கள்ளக்குறிச்சியில் உள்ள அரசு மருத்துவமனையில் உள்நோயாளியாக சிகிச்சை பெற்று வருகிறார். இதனால் அவரது தாயார் சிவசக்தி நேற்று முன்தினம் இரவு வீட்டை பூட்டி விட்டு மகனுக்கு சாப்பாடு எடுத்துக்கொண்டு மருத்துவமனைக்கு சென்றார். இரவில் அவர் மருத்துவமனையிலேயே தங்கி விட்டார்.

இதனால் அவரது வீடு பூட்டிக்கிடந்ததை நோட்ட மிட்ட மர்ம மனிதர்கள் நள்ளிரவில் சிவசக்தியின் வீட்டின் பூட்டை உடைத்து கதவை திறந்து உள்ளே புகுந்து, 2 பீரோ மற்றும் அலமாரிகளில் இருந்த 7 பவுன் தங்க நகைகள், 1 கிலோ வெள்ளிப்பொருட்களை திருடிச்சென்றனர்.

நேற்று காலையில் சிவசக்தி வீட்டுக்கு சென்று பார்த்த போது, வீட்டின் பூட்டு உடைக்கப்பட்டு கதவு திறந்து கிடந்ததையும் வீட்டுக்குள் பீரோ மற்றும் அலமாரிகளில் இருந்த நகைகள் மற்றும் வெள்ளிப்பொருட்கள் திருட்டுப்போயிருப்பதையும் கண்டு அதிர்ச்சி அடைந்தார்.

இது பற்றி சிவசக்தி கொடுத்த புகாரின் பேரில் கள்ளக்குறிச்சி போலீஸ் இன்ஸ்பெக்டர் விஜயகுமார், சப்-இன்ஸ்பெக்டர் மணிகண்டன் ஆகியோர் திருட்டு நடந்த வீட்டுக்கு சென்று பார்வையிட்டு விசாரணை நடத்தினார்கள். மேலும் இது தொடர்பாக வழக்குப்பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. நெல்லையில் பெண்ணிடம் நகை பறிக்க முயற்சி: மோட்டார் சைக்கிளில் ‘போலி நம்பர் பிளேட்’ பொருத்திய கொள்ளையர்கள்
நெல்லையில் அரிவாளை காட்டி பெண்ணிடம் நகை பறிக்க முயன்ற கொள்ளையர்கள், தங்களது மோட்டார் சைக்கிளில் போலி நம்பர் பிளேட் பயன்படுத்தியது தெரியவந்து உள்ளது. அவர்களை பிடிக்க தனிப்படை போலீசார் தீவிர தேடுதல் வேட்டையில் ஈடுபட்டுள்ளனர்.
2. சாத்தான்குளம் அருகே ஸ்கூட்டரில் சென்ற இளம்பெண்ணிடம் 9½ பவுன் நகை பறிப்பு
சாத்தான்குளம் அருகே ஸ்கூட்டரில் சென்ற இளம்பெண்ணிடம் 9½ பவுன் நகையை பறித்து சென்ற 2 மர்மநபர்களை போலீசார் வலைவீசி தேடி வருகின்றனர்.
3. திருப்பத்தூரில், வியாபாரி வீட்டில் திருட்டு
திருப்பத்தூரில் வியாபாரி வீட்டில் நகை, வெள்ளி பொருட்களை மர்ம நபர்கள் திருடிச்சென்றனர்.
4. முத்தியால்பேட்டையில், மின்துறை ஊழியர் வீட்டில் நகை, பணம் திருட்டு - மர்ம நபர்களுக்கு வலைவீச்சு
முத்தியால்பேட்டையில் மின்துறை ஊழியர் வீட்டில் நகை, பணம் திருடிய மர்ம நபர்களை போலீசார் வலைவீசி தேடி வருகிறார்கள்.
5. மோட்டார் சைக்கிளில் தந்தையுடன் சென்ற மாணவியிடம் 3½ பவுன் நகை பறிப்பு
மோட்டார்சைக்கிளில் தந்தையுடன் சென்ற மாணவியிடம் 3½ பவுன் நகை பறித்து சென்ற மர்ம நபரை போலீசார் தேடி வருகிறார்கள்.