மாவட்ட செய்திகள்

12 பேர் நீக்கப்பட்டதை கண்டித்து துப்புரவு பணியாளர்கள் காத்திருப்பு போராட்டம் + "||" + Sanitation staff protesting dismissal of 12 workers

12 பேர் நீக்கப்பட்டதை கண்டித்து துப்புரவு பணியாளர்கள் காத்திருப்பு போராட்டம்

12 பேர் நீக்கப்பட்டதை கண்டித்து துப்புரவு பணியாளர்கள் காத்திருப்பு போராட்டம்
12 பேர் நீக்கப்பட்டதை கண்டித்து திருச்சி மாநகராட்சி பொன்மலை கோட்ட அலுவலகத்தில் துப்புரவு பணியாளர்கள் காத்திருப்பு போராட்டம் நடத்தியதால் பரபரப்பு ஏற்பட்டது.
திருச்சி,

திருச்சி மாநகராட்சி நுண்ணுரம் செயலாக்க மையங்களில் ஒப்பந்த அடிப்படையில் துப்புரவு பணியாளர்கள் வேலை செய்து வருகிறார்கள். தினக்கூலி ரூ.380 அடிப்படையில் பணியாற்றி வரும் இவர்களுக்கு தற்போது கூலி ரூ.500 ஆக உயர்த்தப்பட்டு உள்ளது.


இந்நிலையில் மாநகராட்சி பொன்மலை கோட்ட அலுவலகத்தில் துப்புரவு பணியாளர்கள் 12 பேர் திடீர் என பணி நீக்கம் செய்யப்பட்டனர். மேலும் சுய உதவி குழு ஒப்புதல் இன்றி 15 பேர் நியமனம் செய்யப்பட்டு உள்ளனர்.

காத்திருப்பு போராட்டம்

இதுபற்றி தகவல் அறிந்த துப்புரவு பணியாளர்கள் சி.ஐ.டி.யு. துப்புரவு பணியாளர் சங்க மாவட்ட செயலாளர் மணிமாறன் தலைமையில் பொன்மலை கோட்ட அலுவலகத்துக்கு நேற்று காலை 6 மணிக்கு திரண்டு வந்தனர். அங்கு அவர்கள், நீக்கப்பட்ட 12 துப்புரவு பணியாளர்களுக்கும் மீண்டும் வேலை வழங்கவேண்டும். சுய உதவி குழு ஒப்புதல் இன்றி முறைகேடாக துப்புரவு பணியாளர்கள் நியமிக்க கூடாது என்ற கோரிக்கைகளை வலியுறுத்தி அலுவலக நுழைவு வாயில் முன் தரையில் அமர்ந்து காத்திருப்பு போராட்டத்தை தொடங்கினார்கள்.

இந்நிலையில் காலை 10 மணி அளவில் மாநகராட்சி சுகாதார அதிகாரி ஜெகநாதன், கோட்ட உதவி ஆணையர் தயாநிதி, கண்டோன்மெண்ட் சரக போலீஸ் உதவி கமிஷனர் மணிகண்டன் ஆகியோர் போராட்டம் நடத்தியவர்களுடன் பேச்சுவார்த்தை நடத்தினர். இதில் பணி நீக்கம் செய்யப்பட்டவர்களில் 2 பணியாளர்களுக்கு உடனடியாகவும், மீதம் உள்ள 10 பேருக்கு குழு விசாரணைக்கு பின்னர் வேலை வழங்குவது, இனி முறைகேடாக பணி நியமனம் வழங்குவது இல்லை என முடிவு செய்யப்பட்டது. இதனைத் தொடர்ந்து துப்புரவு பணியாளர்கள் போராட்டத்தை கைவிட்டு கலைந்து சென்றனர். இந்த சம்பவத்தால் கோட்ட அலுவலகத்தில் பரபரப்பு ஏற்பட்டது.


தொடர்புடைய செய்திகள்

1. கொரோனாவுக்கு எதிராக நடப்பது வாழ்வா? சாவா? போராட்டம் - ஊரடங்கு உத்தரவு பற்றி மோடி உருக்கமான பேச்சு
கொரோனாவுக்கு எதிராக நடப்பது வாழ்வா? சாவா? போராட்டம் என்றும், கொரோனாவை ஒழிக்க நாட்டு மக்கள் ஒத்துழைக்க வேண்டும் என பிரதமர் மோடி கேட்டுக்கொண்டு உள்ளார்.
2. தி.மு.க. உட்கட்சி தேர்தல் நடத்தாமல் கிளை செயலாளர் நியமனம்: மாவட்ட செயலாளரை கண்டித்து தர்ணா போராட்டம்
மயிலாடுதுறை அருகே தி.மு.க. உட்கட்சி தேர்தல் நடத்தாமல் கிளை செயலாளரை நியமனம் செய்த மாவட்ட செயலாளரை கண்டித்து தர்ணா போராட்டம் நடந்தது. இதனால் அங்கு பரபரப்பு ஏற்பட்டது.
3. திடக்கழிவு மேலாண்மை திட்டத்திற்கு அனுமதி அளிக்கக் கோரி ஊராட்சி மன்ற தலைவர் உள்ளிட்டோர் உள்ளிருப்பு போராட்டம்
வெங்கத்தூர் ஊராட்சியில் திடக்கழிவு மேலாண்மை திட்டத்திற்கு அனுமதி அளிக்கக் கோரி ஊராட்சி மன்ற தலைவர் உள்ளிட்டோர் உள்ளிருப்பு போராட்டத்தில் ஈடுபட்டதால் பரபரப்பு ஏற்பட்டது.
4. டாஸ்மாக் கடையை மூடக்கோரி பொதுமக்கள் முற்றுகையிட்டு போராட்டம்
திருவண்ணாமலை அருகே டாஸ்மாக் கடையை மூடக்கோரி பொதுமக்கள் முற்றுகையிட்டு போராட்டத்தில் ஈடுபட்டனர்.
5. திருவாரூர் மருத்துவக்கல்லூரி மருத்துவமனை ஒப்பந்த தொழிலாளர்கள், பணிகளை புறக்கணித்து போராட்டம்
கொரோனா பாதுகாப்பு உபகரணங்கள் வழங்காததை கண்டித்து திருவாரூர் மருத்துவக்கல்லூரி மருத்துவமனை ஒப்பந்த தொழிலாளர்கள் பணிகளை புறக்கணித்து போராட்டத்தில் ஈடுபட்டனர்.