மாவட்ட செய்திகள்

வெளிநாட்டில் இருந்து ‘வாட்ஸ்-அப்’பில் பேசி ரூ.15¾ லட்சம் மோசடி போலீஸ் விசாரணை + "||" + Police investigate fraud of Rs 15 lakh from abroad

வெளிநாட்டில் இருந்து ‘வாட்ஸ்-அப்’பில் பேசி ரூ.15¾ லட்சம் மோசடி போலீஸ் விசாரணை

வெளிநாட்டில் இருந்து ‘வாட்ஸ்-அப்’பில் பேசி ரூ.15¾ லட்சம் மோசடி போலீஸ் விசாரணை
வெளிநாட்டில் இருந்து ‘வாட்ஸ்-அப்’பில் பேசி ரூ.15¾ லட்சம் மோசடி செய்தவர் மீது போலீசார் வழக்கு பதிவு செய்து விசாரணை நடத்தி வருகிறார்கள்.
நாகர்கோவில்,

களியக்காவிளை தையாலுமூடு விராலிவிளைவீடு பகுதியை சேர்ந்தவர் ஆல்பர்ட்சிசில், எலக்ட்ரீசியன். இவருடைய மனைவி ஜெகாஜினி (வயது 47). இவர் நாகர்கோவிலில் உள்ள மாவட்ட போலீஸ் சூப்பிரண்டு அலுவலகத்தில் ஒரு புகார் மனு கொடுத்தார். அந்த மனுவில் கூறப்பட்டு இருப்பதாவது:-


எங்கள் ஊரை சேர்ந்த ஸ்டீபா என்பவரின் செல்போன் நம்பருக்கு வெளிநாட்டில் இருந்து பிராங்க் ஜாண் என்பவர் பேசினார். ஸ்டீபாவுக்கு ஆங்கிலம் தெரியாததால் என் கணவரிடம் பேசும்படி கொடுத்தார். அவர் லண்டனில் இருந்து பேசுவதாக கூறினார். அவ்வாறு என் கணவர் பேசியபோது பிராங்க் ஜாண் தனக்கு வேலைக்காக விசா ஏற்பாடு செய்து தருமாறு கேட்டார். என் கணவர் நன்றாக ஆங்கிலம் பேசியதால் விசா ஏற்பாடு செய்ய கேட்டுக்கொண்டார். ஆனால் என் கணவருக்கு உடல்நிலை சரியில்லாததால் மறுத்துவிட்டார்.

வழக்குபதிவு

அதன்பிறகு என் கணவருடன் பிராங்க் ஜாண் ‘வாட்ஸ்-அப்’ மூலம் பேசினார். அப்போது என் கணவருக்கு பணம் மற்றும் பரிசு பொருட்களை கொரியர் மூலமாக வெளிநாட்டில் இருந்து பிராங்க் ஜாண் அனுப்பினார். ஆனால் அந்த பரிசு பொருளை டெல்லி ஏர்போட்டில் அதிகாரிகள் கைப்பற்றினர். உரிய வரி செலுத்தினால் மட்டுமே கொரியரை எடுக்க முடியும் என்று கூறினர். இதை நம்பி பரிசு பொருளை வாங்க முதலில் ரூ.30 ஆயிரத்தை பிராங்க் ஜாண் வங்கி கணக்குக்கு என் கணவர் அனுப்பினார். இவ்வாறு பல தவணைகளாக ரூ.15 லட்சத்து 85 ஆயிரம் அனுப்பி வைத்தார். ஆனால் அந்த பணத்தை அவர் திரும்பி கொடுக்காமல் மோசடி செய்துவிட்டார். இதனால் மனமுடைந்து என் கணவர் இறந்துவிட்டார். எனவே பிராங்க் ஜாண் மீது வழக்கு பதிவு செய்து நடவடிக்கை எடுக்க வேண்டும்.

இவ்வாறு அதில் கூறப்பட்டு இருந்தது.

இந்த புகார் மீது உரிய விசாரணை நடத்தி நடவடிக்கை எடுக்கும்படி போலீஸ் சூப்பிரண்டு ஸ்ரீநாத், குற்றப்பிரிவுக்கு உத்தரவிட்டார். அதன்பேரில் பிராங்க் ஜாண் மீது குற்றப்பிரிவு போலீசார் வழக்கு பதிவு செய்து விசாரணை நடத்தி வருகிறார்கள். 

தொடர்புடைய செய்திகள்

1. குளச்சல் பஸ் நிலையத்தில் 6 மாத குழந்தை கடத்தல் பெற்றோரிடம், போலீசார் விசாரணை
குளச்சல் பஸ் நிலையத்தில் பெற்றோருடன் தூங்கிய 6 மாத பெண் குழந்தை கடத்தப்பட்ட சம்பவம் பரபரப்பை ஏற்படுத்தியுள்ளது.
2. பிளாஸ்டிக் படகில் வந்த சிங்கள போலீஸ்காரர்: தனுஷ்கோடிக்கு அழைத்து வந்து சி.பி.சி.ஐ.டி. போலீசார் விசாரணை
தனுஷ்கோடிக்கு அழைத்து வந்து இலங்கை காவலரிடம் சி.பி.சி.ஐ.டி போலீசார் தீவிர விசாரணை நடத்தினர்.
3. நாகூரில் கோவில் குளத்தில் செத்து மிதந்த மீன்கள் விஷம் கலப்பா? போலீசார் விசாரணை
நாகூரில் கோவில் குளத்தில் மீன்கள் செத்து மிதந்தன. குளத்தில் விஷம் கலக்கப்பட்டதா? என்பது பற்றி போலீசார் விசாரணை நடத்தி வருகிறார்கள்.
4. தஞ்சை என்ஜினீயரை தொடர்ந்து நீடாமங்கலம் ஸ்டூடியோ உரிமையாளருக்கும் பார்சலில் வெடிபொருட்கள் போலீசார் விசாரணை
தஞ்சை என்ஜினீயரை தொடர்ந்து நீடாமங்கலத்தை சேர்ந்த ஸ்டூடியோ உரிமையாளருக்கும் பார்சலில் வெடி பொருட்கள் வந்திருந்ததை கைப்பற்றிய போலீசார் இது தொடர்பாக விசாரணை நடத்தி வருகிறார்கள்.
5. கெலமங்கலம் அருகே பா.ஜனதா பிரமுகர் கொலையில் 5 பேரை பிடித்து விசாரணை
கெலமங்கலம் அருகே பா.ஜனதா பிரமுகர் கொலையில் 5 பேரை பிடித்து விசாரணை.