மாவட்ட செய்திகள்

கூட்டுறவு துறையில் வேலை வாங்கி தருவதாக ரூ.76 லட்சம் மோசடி சேலத்தை சேர்ந்தவர் கைது + "||" + Bought a job in the cooperative sector Salem man arrested for defrauding Rs

கூட்டுறவு துறையில் வேலை வாங்கி தருவதாக ரூ.76 லட்சம் மோசடி சேலத்தை சேர்ந்தவர் கைது

கூட்டுறவு துறையில் வேலை வாங்கி தருவதாக ரூ.76 லட்சம் மோசடி சேலத்தை சேர்ந்தவர் கைது
கூட்டுறவு துறையில் வேலை வாங்கி தருவதாக கூறி ரூ.76 லட்சம் மோசடி செய்த வழக்கில் சேலத்தை சேர்ந்தவரை நாமக்கல் மாவட்ட குற்றப்பிரிவு போலீசார் கைது செய்து விசாரணை நடத்தி வருகின்றனர்.
நாமக்கல்,

சேலம் மாவட்டம் கொண்டலாம்பட்டியை சேர்ந்தவர் பிரபுராஜ் (வயது 27). பொறியியல் பட்டதாரி. இவருக்கு சேலம் பெரிய கொல்லப்பட்டியை சேர்ந்த ரமே‌‌ஷ் (50) என்பவர் ஓட்டலில் சாப்பிடும் போது பழக்கமாகி உள்ளார். அப்போது அவர் கூட்டுறவு துறைக்கு உட்பட்ட வேளாண் சங்கத்தில் இளநிலை உதவியாளர் பணியிடத்தில் வேலைவாய்ப்பு இருப்பதாகவும், அதற்கு ரூ.7 லட்சம் வரை செலவாகும் எனவும் தெரிவித்து உள்ளார்.


மேலும் வேலையின்றி இருப்போர் பற்றி தெரிவித்தால், சேலம் பள்ளப்பட்டி ஒருங்கிணைந்த வேளாண் கூட்டுறவு சங்கத்தின் தலைவராக இருந்த அ.தி.மு.க.வை சேர்ந்த அரியானூர் பழனிசாமி மூலம் வேலை வாங்கி தருவதாக கூறியதாகவும் தெரிகிறது.

போலீசில் புகார்

இதை நம்பி பிரபுராஜ் அவரிடம் ரூ.7 லட்சம் கொடுத்து உள்ளார். ஆனால் அவர் வேலை வாங்கி தராமல் ஏமாற்றியதுடன், வாங்கிய பணத்தையும் திருப்பி தராமல் இழுத்தடித்து வந்தார்.

இதுகுறித்து பிரபுராஜ் நாமக்கல் மாவட்ட குற்றப்பிரிவு போலீசில் புகார் செய்தார். அந்த புகாரின் பேரில் குற்றப்பிரிவு போலீசார் ரமேசை கைது செய்து விசாரணை நடத்தி வருகின்றனர்.

ரூ.76 லட்சம் மோசடி

அவரிடம் போலீசார் நடத்திய விசாரணையில் அவர் பிரபுராஜ் மற்றும் மல்லசமுத்திரம், காளிப்பட்டி பகுதியை சேர்ந்த 15 பேரிடம் வேலை வாங்கி தருவதாக கூறி சுமார் ரூ.76 லட்சம் வரை மோசடி செய்து இருப்பது தெரியவந்தது.

இதற்கிடையே அரியானூரை சேர்ந்த அ.தி.மு.க.பிரமுகர் பழனிசாமியிடமும், இந்த மோசடி தொடர்பாக குற்றப்பிரிவு போலீசார் விசாரணை நடத்தி வருகின்றனர்.

தொடர்புடைய செய்திகள்

1. ரூ.1,500 கொடுத்தால் 2 மணி நேரத்தில் இ-பாஸ் வாங்கி தருவதாக வாட்ஸ்-அப்பில் பதிவிட்ட வேலூர் வாலிபர் கைது
ரூ.1,500 கொடுத்தால் 2 மணி நேரத்தில் இ-பாஸ் வாங்கி தருவதாக வாட்ஸ்-அப்பில் பதிவிட்ட வேலூரை சேர்ந்த வாலிபர் கைது செய்யப்பட்டார். இதில் சம்பந்தப்பட்ட வடிவேல் என்பவரை பிடிக்க தனிப்படையினர் திருப்பூர் விரைந்துள்ளனர்.
2. மூதாட்டியிடம் தாலி சங்கிலி பறிப்பு: ரூ.1¾ லட்சத்துக்கு அடமானம் வைத்த வாலிபர் கைது
ஊத்துக்கோட்டை அருகே மூதாட்டியிடம் பறித்த 8 பவுன் தாலி சங்கிலியை வங்கியில் அடமானம் வைத்த வாலிபர் கைதானார்.
3. 111 பேரை பலி கொண்ட விஷ சாராய வழக்கின் முக்கிய புள்ளி கைது
பஞ்சாபில் 111 பேரை பலி கொண்ட விஷ சாராய வழக்கில் தேடப்பட்டு வந்த முக்கிய நபர் போலீசாரால் கைது செய்யப்பட்டு உள்ளார்.
4. அம்பையில் பயங்கரம் அம்மிக்கல்லை தலையில் போட்டு டிரைவர் கொலை மனைவி கைது
அம்பையில் அம்மிக்கல்லை தலையில் போட்டு டிரைவர் படுகொலை செய்யப்பட்டார். இதுதொடர்பாக அவருடைய மனைவியை போலீசார் கைது செய்தனர்.
5. மருந்து கடைக்காரரிடம் பணம் கேட்டு செல்போனில் மிரட்டிய ரவுடி கைது
மருந்து கடைக்காரரிடம் பணம் கேட்டு செல்போனில் மிரட்டிய ரவுடி கைது செய்யப்பட்டார்.