மாவட்ட செய்திகள்

தானிப்பாடி அருகே, சாராயம் கடத்திய 2 பேர் கைது - கார் பறிமுதல் + "||" + Near Thanipadi, Smuggled booze 2 people arrested - car seized

தானிப்பாடி அருகே, சாராயம் கடத்திய 2 பேர் கைது - கார் பறிமுதல்

தானிப்பாடி அருகே, சாராயம் கடத்திய 2 பேர் கைது - கார் பறிமுதல்
தானிப்பாடி பகுதியில் சாராயம் கடத்திய காரை போலீசார் பறிமுதல் செய்து 2 பேரை கைது செய்தனர்.
திருவண்ணாமலை,

தானிப்பாடி பகுதி வழியாக கார்களில் சாராயம் கடத்தப்படுவதாக திருவண்ணாமலை மாவட்ட போலீஸ் சூப்பிரண்டு சிபிசக்ரவர்த்திக்கு தகவல் கிடைத்தது. இதையடுத்து அவரது உத்தரவின்பேரில் கூடுதல் போலீஸ் சூப்பிரண்டு அசோக்குமார், மதுவிலக்கு அமலாக்கப்பிரிவு துணை போலீஸ் சூப்பிரண்டு பழனி, திருவண்ணாமலை போலீஸ் இன்ஸ்பெக்டர் சரஸ்வதி மற்றும் போலீசார் தானிப்பாடி போலீஸ் நிலைய எல்லைக்கு உட்பட்ட கல்நாட்டு புதூர் கிராமத்தில் வாகன சோதனையில் ஈடுபட்டனர்.

அப்போது அந்த வழியாக வந்த காரை நிறுத்தி சோதனையிட்டனர். அதில் 3 கார் டியூப்களில் சாராயம் கடத்தப்பட்டது கண்டறியப்பட்டு காரை பறிமுதல் செய்தனர்.

இது தொடர்பாக காரில் வந்த தண்டராம்பட்டு தாலுகா கல்நாட்டுபுதூர் கிராமத்தை சேர்ந்த முத்து (வயது 36), கள்ளக்குறிச்சி மாவட்டம் சங்கராபுரம் தாலுகா குரும்பலூர் கிராமத்தை சேர்ந்த முருகேசன் (47) ஆகியோர் கைது செய்யப்பட்டனர்.

தொடர்ந்து போலீசார் தண்டராம்பட்டு தாலுகா பெருங்களத்தூர் கிராமத்தில் சாராய வேட்டையில் ஈடுபட்டனர். அப்போது இளையாங்கன்னி கிராமத்தை சேர்ந்த கிறிஸ்துராஜ் (வயது 26) என்பவர் மதுபான பாட்டிகளை பதுக்கி விற்பனை செய்து கொண்டிருந்தார். அவரையும் போலீசார் கைது செய்து 212 மதுபான பாட்டில்களை பறிமுதல் செய்தனர்.

மேலும் இது போன்ற குற்றச் செயல்களில் ஈடுபடுவோர் மீது கடுமையான நடவடிக்கை எடுக்கப்பட்டு குண்டர் சட்டத்தில் கைது செய்யப்படுவார்கள் என்று மாவட்ட காவல்துறை சார்பில் எச்சரிக்கை விடுக்கப்பட்டு உள்ளது.

தொடர்புடைய செய்திகள்

1. ஈரோடு மாவட்டத்தின் பல்வேறு இடங்களில் வீடு புகுந்து கைவரிசை; பிரபல கொள்ளையன் கைது
ஈரோடு மாவட்டத்தின் பல்வேறு இடங்களில் வீடுகளில் புகுந்து கைவரிசை காட்டிய பிரபல கொள்ளையனை போலீசார் கைது செய்ததுடன், அவனிடம் இருந்து 40 பவுன் நகைகளையும் மீட்டனர்.
2. கோவில்பட்டி, கயத்தாறு பகுதியில் பெண்களிடம் நகை பறித்துச் சென்ற 2 வாலிபர்கள் கைது
கோவில்பட்டி, கயத்தாறு பகுதியில் பெண்களிடம் நகை பறித்துச் சென்ற 2 வாலிபர்கள் கைது செய்யப்பட்டனர். சம்பவம் நடந்த சில மணி நேரங்களில் போலீசார் இந்த நடவடிக்கையில் ஈடுபட்டனர்.
3. சட்டவிரோத பண பரிமாற்றத்தில் ஈடுபட்டதாக குற்றச்சாட்டு நடிகை சஞ்சனா கல்ராணியிடம் அமலாக்க துறையினர் விசாரணை
சட்டவிரோத பண பரிமாற்றத்தில் ஈடுபட்டதாக எழுந்த குற்றச்சாட்டின்பேரில் சிறையிலுள்ள நடிகை சஞ்சனா கல்ராணியிடம் அமலாக்கத்துறையினர் விசாரணை நடத்தினர்.
4. பரிசோதனை செய்யாமலேயே ‘கொரோனா இல்லை’ என சான்றளித்து முறைகேடு; கேரள பரிசோதனைக்கூட நிர்வாகி கைது
கேரளாவில் பரிசோதனை செய்யாமலேயே ‘கொரோனா இல்லை’ என சான்றளித்து முறைகேட்டில் ஈடுபட்ட பரிசோதனைக்கூட நிர்வாகி கைது செய்யப்பட்டார்.
5. ஆன்லைனில் போலி முகவரி கொடுத்து மிளகு மூட்டைகளை திருடிய 2 பேர் கைது
ஆன்லைனில் போலி முகவரி கொடுத்து மிளகு மூட்டைகளை திருடிய 2 பேரை போலீசார் கைது செய்தனர்.

ஆசிரியரின் தேர்வுகள்...