மாவட்ட செய்திகள்

கந்தம்பாளையம் அருகே வெடிபொருட்கள் பறிமுதல்; தர்மபுரியை சேர்ந்தவர் கைது + "||" + Ammunition seized near Kandampalayam; Arrested from Dharmapuri

கந்தம்பாளையம் அருகே வெடிபொருட்கள் பறிமுதல்; தர்மபுரியை சேர்ந்தவர் கைது

கந்தம்பாளையம் அருகே வெடிபொருட்கள் பறிமுதல்; தர்மபுரியை சேர்ந்தவர் கைது
கந்தம்பாளையம் அருகே, வெடிபொருட்கள் பறி முதல் செய்யப்பட்டது. இது தொடர்பாக தர்ம புரியை சேர்ந்தவர் கைது செய்யப்பட்டார்.
கந்தம்பாளையம்,

நாமக்கல் மாவட்டம் பரமத்தி வட்டம் கந்தம்பாளையம் அருகே சித்தம்பூண்டி ஊராட்சிக்கு உட்பட்ட சுள்ளிபாளையம் என்ற கிராமத்தில் உள்ள கல் குவாரியில் கடந்த 3 ஆண்டுகளாக கல் வெட்டி எடுக்கப்பட்டு வருகிறது.


இந்த நிலையில் அந்த கல் குவாரியில் அனுமதியின்றி எலக்ட்ரானிக் டெட்டனேட்டர்கள் உள்ளிட்ட வெடிபொருட்கள் வைக்கப்பட்டு இருப்பதாக கிடைத்த ரகசிய தகவலின்பேரில் மாவட்ட போலீஸ் சூப்பிரண்டு அருளரசு இதன் பேரில் விசாரணை நடத்த உத்தரவிட்டார்.

தர்மபுரியை சேர்ந்தவர் கைது

இதையடுத்து பரமத்தி வேலூர் துணை போலீஸ் சூப்பிரண்டு பழனிசாமி பரிந்துரையின்பேரில், நல்லூர் போலீஸ் சப்-இன்ஸ்பெக்டர் ஜவஹர் மற்றும் போலீசார் அந்த கல் குவாரியில் சோதனை மேற்கொண்டனர். இதில் அங்கு எலட்க்ரானிக் டெட்டனேட்டர் 184, திரி 34 காயில், சாதா டெட்டனேட்டர் 615, வெடிக்க பயன்படுத்தும் 66 வயர்கள் உள்ளிட்டவை அனுமதியில்லாமல் வைக்கப்பட்டு இருந்தது தெரியவந்தது.

இவற்றின் மதிப்பு ரூ.15 ஆயிரம் ஆகும். இந்த வெடி பொருட்கள் மற்றும் அங்கு இருந்த ரூ.45 ஆயிரம் ரொக்கம் ஆகியவற்றை பறிமுதல் செய்த போலீசார் அந்த கல் குவாரியில் மேற்பார்வையாளராக பணியாற்றி வந்த தர்மபுரி மாவட்டம் எல்லபுடையான்பட்டியை சேர்ந்த ராஜசேகரன் (வயது 35) என்பவர் மீது வழக்குப்பதிவு செய்து அவரை கைது செய்து விசாரணை நடத்தி வருகின்றனர்.


தொடர்புடைய செய்திகள்

1. பேட்டையில் 5 டன் ரேஷன் அரிசி பறிமுதல் 2 பேர் கைது
பேட்டையில் 5 டன் ரேஷன் அரிசி பறிமுதல் செய்யப்பட்டது. இதுதொடர்பாக 2 பேர் கைது செய்யப்பட்டனர்.
2. காஷ்மீரில் டிரோன்கள் உதவியுடன் பயங்கரவாதிகள் வீசி சென்ற ஆயுதங்கள்; போலீசார் பறிமுதல்
காஷ்மீரில் டிரோன்கள் உதவியுடன் பயங்கரவாதிகள் வீசி சென்ற ஆயுதங்களை போலீசார் கைப்பற்றி உள்ளனர்.
3. கர்நாடகத்தில் இருந்து நெல்லைக்கு கடத்தி வரப்பட்ட ரூ.37½ லட்சம் கஞ்சா, குட்கா பறிமுதல் 2 பேர் கைது
கர்நாடகத்தில் இருந்து நெல்லைக்கு கடத்தி வரப்பட்ட ரூ.37½ லட்சம் மதிப்புள்ள கஞ்சா, குட்கா பறிமுதல் செய்யப்பட்டது. இதுதொடர்பாக 2 பேர் கைது செய்யப்பட்டனர்.
4. சென்னை விமான நிலையத்தில் ரூ.40 லட்சம் போதைப்பொருள் பறிமுதல்
சென்னை விமான நிலையத்தில் இருந்து பெண்கள் உள்ளாடை பார்சலில் மறைத்து ஆஸ்திரேலியாவிற்கு கடத்த முயன்ற ரூ.40 லட்சம் மதிப்புள்ள 4 கிலோ போதைப்பொருள்கள் பறிமுதல் செய்யப்பட்டது.
5. கோபியில் உர விற்பனையாளர் வீட்டில் வருமான வரித்துறையினர் திடீர் சோதனை ரூ.4 கோடி- ஆவணங்கள் பறிமுதல்
கோபியில் உர விற்பனை நிலைய உரிமையாளர் வீட்டில் நடத்திய திடீர் சோதனையில் ரூ.4 கோடி மற்றும் ஆவணங்களை வருமான வரித்துறையினர் பறிமுதல் செய்தனர்.

அதிகம் வாசிக்கப்பட்டவை