<
பட்டுக்கோட்டை அருகே, ஏரிக்கரையில் வாலிபர் கொலை - யார் அவர்? போலீசார் விசாரணை
பட்டுக்கோட்டை அருகே ஏரிக்கரையில் வாலிபர் ஒருவர் கொலை செய்யப்பட்டு கிடந்தார். அவர் யார்? அவர் எதற்காக கொலை செய்யப்பட்டார்? என போலீசார் விசாரணை நடத்தி வருகின்றனர்.
பட்டுக்கோட்டை,
பட்டுக்கோட்டையை அடுத்த சூரப்பள்ளம் கழுவனோடை ஏரியின் தென்கரையில் 35 வயதுடைய வாலிபர் ஒருவர் ரத்தக்காயங்களுடன் பிணமாக கிடந்தார். அவருடைய முகம் மற்றும் தலை சிதைக்கப்பட்ட நிலையில் இருந்தது.
அவரை யாரோ கொலை செய்து உடலை அங்கேயே போட்டு விட்டு சென்று இருப்பது தெரிய வந்தது. அவரது இடது கையில் கங்கா என்றும், வலது கையில் ரம்யா, ரமேஷ், மகேஸ்வரி, ஜான் ஆகிய பெயர்களும் பச்சை ்குத்தப்பட்டு இருந்தது.
இதுகுறித்து சூரப்பள்ளம் கிராம நிர்வாக அலுவலர் ஜெகன், பட்டுக்கோட்டை தாலுகா போலீசில் புகார் அளித்தார்.
அதன்பேரில் போலீசார் சம்பவ இடத்திற்கு விரைந்து சென்று பார்வையிட்டனர். பின்னர் அங்கு இறந்தவரின் உடலை கைப்பற்றி பட்டுக்கோட்டை அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.
இறந்தவர் யார்? எந்த ஊரை சேர்ந்தவர்? அவரை எதற்காக கொலை செய்தார்கள்? என பல்வேறு கோணங்களில் போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
