மாவட்ட செய்திகள்

அரசு பள்ளிக்கு சொந்த கட்டிடம் இல்லாத அவலம்: குடியிருப்பில், குறுகலான அறையில் படிக்கும் மாணவர்கள் + "||" + The lack of a building for a government school: students studying in an apartment and a narrow room

அரசு பள்ளிக்கு சொந்த கட்டிடம் இல்லாத அவலம்: குடியிருப்பில், குறுகலான அறையில் படிக்கும் மாணவர்கள்

அரசு பள்ளிக்கு சொந்த கட்டிடம் இல்லாத அவலம்: குடியிருப்பில், குறுகலான அறையில் படிக்கும் மாணவர்கள்
ஒரத்தநாட்டில் அரசு பள்ளிக்கு சொந்த கட்டிடம் இல்லாததால் அருகே உள்ள குடியிருப்பில் மாணவர்கள் குறுகலான அறையில் படித்து வருகிறார்கள். எனவே புதிய கட்டிடம் கட்டித்தர வேண்டும் என்று மக்கள் கோரிக்கை விடுத்துள்ளனர்.
ஒரத்தநாடு,

தஞ்சை மாவட்டம் ஒரத்தநாடு அண்ணாசிலை அருகில் முத்தாம்பாள்சத்திரத்துக்கு உட்பட்ட ஓட்டு கட்டிடத்தில் ஒரத்தநாடு மையம் ஊராட்சி ஒன்றிய தொடக்கப்பள்ளி செயல்பட்டு வந்தது. இந்த கட்டிடம் பழுதடைந்த காரணத்தால் கடந்த சில ஆண்டுகளாக ஒரத்தநாடு அண்ணாநகரில் உள்ள வீட்டுவசதி வாரியத்துக்கு சொந்தமான அடுக்குமாடி குடியிருப்பு கட்டிடத்தில் ஒரு குறுகலான வீட்டில் சுமார் 35 மாணவர்கள் சிரமத்துடன் படித்து வருகிறார்கள். இந்த மாணவர்களுக்கு 2 ஆசிரியைகள் பாடம் கற்பித்து வருகின்றனர். இந்த வளாகத்தில் சுமார் 300-க்கும் மேற்பட்ட குடும்பங்கள் உள்ளன. மேலும் மாணவர்கள் தற்போது பயின்றுவரும் வீடு மிகவும் குறுகலாகவும், காற்றோட்டம் இல்லாமலும் உள்ளது. மாணவர்கள் படிக்கும் இந்த இடம் அமைதியின்றி இரைச்சலுடன் உள்ளது. இதனால் மாணவர்களும் ஆசிரியைகளும் அவதிப்பட்டு வருகிறார்கள்.


புதிய கட்டிடம் கட்டப்படுமா?

இந்த பள்ளிக்கு போதிய வசதிகளுடன் கூடிய சொந்த பள்ளி கட்டிடம் இல்லாததால் மக்கள் இப்பள்ளிக்கு குழந்தைகளை அனுப்பாமல், தூரத்தில் உள்ள அரசு மற்றும் தனியார் பள்ளிகளுக்கு அனுப்பி வருகிறார்கள். எனவே ஒரத்தநாடு மையம் ஊராட்சி ஒன்றிய தொடக்கப்பள்ளிக்கு புதிய சொந்த கட்டிடம் கட்டித்தர சம்மந்தப்பட்ட அதிகாரிகள் நடவடிக்கை எடுக்க வேண்டும் என்று பெற்றோர் கோரிக்கை விடுத்துள்ளனர்.

தொடர்புடைய செய்திகள்

1. சிதம்பரத்தில், ஆன்லைன் மூலம் தேர்வு எழுதிய மாணவர்கள் விடைத்தாள் அனுப்ப தபால் நிலையத்தில் குவிந்தனர்
சிதம்பரத்தில் ஆன்லைன் மூலம் தேர்வு எழுதிய மாணவர்கள் தங்கள் விடைத்தாளை அனுப்ப தபால் நிலையத்தில் குவிந்தனர்.
2. செமஸ்டர் தேர்வு ரத்து செய்யப்பட்டதால் மாணவர்களுக்கு கட்டணத்தை திருப்பி தர சாத்தியக்கூறு இல்லை - உயர்கல்வித்துறை அமைச்சர் கே.பி.அன்பழகன் பேட்டி
தமிழகத்தில் கல்லூரி செமஸ்டர் தேர்வுகள் ரத்து செய்யப்பட்டதால் மாணவர்களுக்கு கட்டணத்தை திருப்பி தர சாத்தியக்கூறு இல்லை என்று உயர்கல்வித்துறை அமைச்சர் கே.பி.அன்பழகன் கூறினார்.
3. ஹாங்காங்கில் மாணவர்கள் அரசியல் நடவடிக்கையில் ஈடுபட தடை
ஹாங்காங்கில் மாணவர்கள் அரசியல் நடவடிக்கையில் ஈடுபட தடை விதிக்கப்பட்டுள்ளது.
4. விடுதிகளில் தங்கியிருப்பவர்கள் 2 நாளில் காலி செய்ய வேண்டும்- ஐ.ஐ.டி. உத்தரவால், மாணவர்கள் கவலை
சென்னை ஐ.ஐ.டி. விடுதிகளில் தங்கியுள்ள மாணவர்கள் 2 நாட்களுக்குள் வெளியேற வேண்டும் என்று நிர்வாகம் தெரிவித்துள்ளது. இதனால் மாணவர்கள் கவலை அடைந்துள்ளனர்.
5. 10-ம் வகுப்பு தேர்வு எழுத வரும் மாணவர்களுக்கு சிறப்பு பஸ் வசதி: அமைச்சர் கே.ஏ.செங்கோட்டையன் தகவல்
10-ம் வகுப்பு தேர்வு எழுத வரும் மாணவர்களுக்கு சிறப்பு பஸ் வசதி செய்யப்படும் என்று அமைச்சர் கே.ஏ.செங்கோட்டையன் கூறினார்.

ஆசிரியரின் தேர்வுகள்...