மாவட்ட செய்திகள்

வேலூர், ராணிப்பேட்டை மாவட்டங்களில் ஓட்டல்களில் புத்தாண்டு நடன நிகழ்ச்சிகளுக்கு தடை + "||" + In Vellore and Ranipet districts New Year dance ban in hotels

வேலூர், ராணிப்பேட்டை மாவட்டங்களில் ஓட்டல்களில் புத்தாண்டு நடன நிகழ்ச்சிகளுக்கு தடை

வேலூர், ராணிப்பேட்டை மாவட்டங்களில் ஓட்டல்களில் புத்தாண்டு நடன நிகழ்ச்சிகளுக்கு தடை
புத்தாண்டு கொண்டாட்டத்தில் அசம்பாவிதங்களை தவிர்க்க ஓட்டல்களில் நடன நிகழ்ச்சிகளுக்கு தடைவிதிக்கப்பட்டுள்ளது. வாகனங்களில் அதிவேகமாக செல்பவர்கள் கைது செய்யப்படுவார்கள் என போலீசார் எச்சரித்துள்ளனர்.
வேலூர், 

நாளை மறுநாள் (புதன்கிழமை) ஆங்கில புத்தாண்டு பிறக்கிறது. அதனால் நாளை (செவ்வாய்க்கிழமை) நள்ளிரவே இளைஞர்களும், பொதுமக்களும் புத்தாண்டை கொண்டாடுவார்கள். முக்கியமாக இளைஞர்கள் மோட்டார்சைக்கிளில் 2-க்கும் மேற்பட்டவர்கள் அமர்ந்துகொண்டு அதிவேகமாக சென்று புத்தாண்டு வாழ்த்து தெரிவிப்பதை வழக்கமாக கொண்டுள்ளனர். இதனால் விபத்துகள் ஏற்படுவதுண்டு.

இதனால் புத்தாண்டையொட்டி சிறப்பு பாதுகாப்பு ஏற்பாடுகள் செய்யப்படுகிறது.

இதுகுறித்து வேலூர், ராணிப்பேட்டை மாவட்ட போலீஸ் சூப்பிரண்டுகள் பிரவேஷ்குமார், மயில்வாகனன் ஆகியோர் வெளியிட்டுள்ள செய்திகுறிப்பில் கூறியிருப்பதாவது:-

புத்தாண்டு கொண்டாட்டத்தின்போது அசம்பாவிதங்கள் ஏற்படாமல் இருக்க பலத்தபோலீஸ்பாதுகாப்பு ஏற்பாடுகள் செய்யப்படுகிறது. முக்கிய சாலைகள், பூங்காக்கள், மக்கள்கூடும் இடங்கள், வழிபாட்டுதலங்கள் ஆகிய இடங்களில் போலீசார் பாதுகாப்பு பணியில் ஈடுபடுவார்கள். வாகன சோதனையும் நடத்தப்படும்.

நள்ளிரவில் இளைஞர்கள் மது குடித்துவிட்டோ, 2 நபர்களுக்குமேல் அமர்ந்தோ இருசக்கர வாகனங்களில் அதி வேகமாக செல்வது, பைக் ரேஸ் நடத்துவது, பொதுமக்களை அச்சுறுத்தும் வகையில் செல்போன் பேசிக்கொண்டு வேகமாக செல்வது போன்ற செயல்களில் ஈடுபடக்கூடாது.

இதுபோன்ற செயல்களில் ஈடுபடுபவர்கள் கைதுசெய்யப் படுவார்கள். இதனால் அவர்கள் பாஸ்போர்ட் மற்றும் விசா எடுக்க முடியாதநிலை ஏற்படும். சிறுவர்கள் வாகனங்களை அதிவேகமாக ஓட்டிச்சென்றால் அவர்களுடைய பெற்றோர் மீது வழக்குப்பதிவு செய்யப்படும். எனவே இளைஞர்கள் இது போன்ற செயல்களில் ஈடுபடாமல் அமைதியானமுறையில் புத்தாண்டை கொண்டாட வேண்டும்.

அதேபோன்று ஓட்டல்கள், விடுதிகளில் புத்தாண்டு கொண்டாட்டம் என்ற பெயரில் நடன நிகழ்ச்சிகள் எதுவும் நடத்தக்கூடாது. அனுமதியின்றி ஏதாவது நிகழ்ச்சி நடக்கிறதா என்பதை போலீசார் கண்காணிப்பார்கள்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. வேலூரில் நடந்த குடியரசு தின விழாவில் கலெக்டர் தேசிய கொடியேற்றினார் - ரூ.3¾ கோடி நலத்திட்ட உதவிகளும் வழங்கப்பட்டன
வேலூரில் நடந்த குடியரசு தின விழாவில் கலெக்டர் சண்முகசுந்தரம் தேசிய கொடி ஏற்றிவைத்து, ரூ.3¾கோடி மதிப்புள்ள நலத்திட்ட உதவிகளை வழங்கினார்.
2. வேலூர் அருகே, கல்குவாரியில் அழுகிய நிலையில் இளம்பெண் பிணம் - காதல் தகராறில் கொலையா? போலீசார் தீவிர விசாரணை
வேலூர் அருகே கல்குவாரியில் அழுகிய நிலையில் இளம்பெண் உடல் கிடந்தது. காதல் தகராறில் அவர் கொலை செய்யப்பட்டரா? என்பது குறித்து போலீசார் தீவிரமாக விசாரித்து வருகின்றனர். இந்த சம்பவம் குறித்து போலீஸ் தரப்பில் கூறப்படுவதாவது:-
3. வேலூர் உள்பட 11 இடங்களில் நடந்த மக்கள் நீதிமன்றத்தில் ரூ.12 கோடி இழப்பீடு வழங்க உத்தரவு
வேலூர் உள்பட 11 இடங்களில் நடந்த மக்கள் நீதிமன்றத்தில் ரூ.12 கோடி இழப்பீடு வழங்க உத்தரவிடப்பட்டது.
4. வேலூரில் வெங்காயம் விலை அதிரடியாக குறைந்தது - கிலோ ரூ.50 முதல் விற்பனை
வேலூரில் வெங்காயத்தின் விலை அதிரடியாக குறைந்தது. நேற்று ஒரு கிலோ ரூ.50 முதல் விற்பனையானது.
5. வேலூர் மாநகராட்சியில் நடைபெற்று வரும் ‘ஸ்மார்ட் சிட்டி’ திட்டப்பணிகளை நகராட்சி நிர்வாக கமிஷனர் ஆய்வு
வேலூர் மாநகராட்சியில் ‘ஸ்மார்ட் சிட்டி’ திட்டத்தின் கீழ் நடைபெற்று வரும் பாதாள சாக்கடை திட்டம், மல்டி லெவல் கார் பார்க்கிங் உள்பட பல்வேறு திட்டப்பணிகளை நகராட்சி நிர்வாக கமிஷனர் நேரில் பார்வையிட்டு ஆய்வு செய்தார்.

அதிகம் வாசிக்கப்பட்டவை