மாவட்ட செய்திகள்

குளித்தலை பகவதி அம்மன்-கருப்பண்ணசாமி கோவில் திருவிழா + "||" + Kutthalai Bhagavathi Amman-Karupannasamy Temple Festival

குளித்தலை பகவதி அம்மன்-கருப்பண்ணசாமி கோவில் திருவிழா

குளித்தலை பகவதி அம்மன்-கருப்பண்ணசாமி கோவில் திருவிழா
குளித்தலை பகவதி அம்மன்-கருப்பண்ணசாமி கோவில் திருவிழா இன்றுடன் நிறைவு பெறுகிறது.
குளித்தலை,

கரூர் மாவட்டம், குளித்தலை பகவதி அம்மன் கோவில் தெருவில் பிரசித்தி பெற்ற பகவதி அம்மன்-கருப்பண்ணசாமி கோவில் உள்ளது. இக்கோவில் திருவிழாவையொட்டி கடந்த 23-ந்தேதி முகூர்த்தக்கால் ஊன்றப்பட்டது. தொடர்ந்து திருவிழாவின் முதல் நாளான கடந்த 27-ந்தேதி இரவு கடம்பவனேசுவரர் காவிரி நதிக்கரையில் இருந்து அம்மன் புறப்பாடு நடைபெற்று, வீதி உலா நடைபெற்றது. அப்போது ஏராளமானோர் இளநீரை கொண்டு சாமிக்கு அர்ச்சனை செய்து வழிபட்டனர்.


கடந்த 28-ந்தேதி சிறப்பு பூஜைகள் மற்றும் அன்னதானம் நடைபெற்றது. பின்னர் நேற்று முன்தினம் இரவு பகவதி அம்மன் கோவிலில் இருந்து சிறப்பாக அலங்கரிக்கப்பட்ட அம்மன் கரகம் எடுக்கப்பட்டது. சாமி கரகம் மற்றும் கருப்பண்ணசாமியின் சூலம் ஆகியவற்றை எடுத்துக்கொண்டு பூசாரிகள் சபாபதிநாடார் தெரு, பஸ்நிலையம், வைசியாள் தெரு வழியாக பெரியபாலத்தில் உள்ள அங்காள பரமேஸ்வரி அம்மன் கோவிலுக்கு சென்றனர்.

திரளான பக்தர்கள்

பின்னர் அங்கிருந்து புறப்பட்டு குளித்தலை கீழமுதலியார் தெரு, கம்மாளர் தெரு, கடம்பவனேசுவரர் கோவில் உள்ளிட்ட முக்கிய தெருக்கள் வழியாக வீதிஉலா நடைபெற்றது. அப்போது பொதுமக்கள், சாமிக்கு மாவிளக்கு போட்டும், சிறப்பு அர்ச்சனைகள் செய்தும் வழிபட்டனர். நேற்று முன்தினம் இரவு மீண்டும் பகவதி அம்மன் கோவிலில் இருந்து புறப்பட்ட அம்மன் கரக வீதிஉலா நேற்று காலை பகவதி அம்மன் கோவிலில் குடிபுகுந்தது. இதில் திரளான பக்தர்கள் கலந்துகொண்டு சாமிதரிசனம் செய்தனர். இதையடுத்து மஞ்சள் நீராட்டு நடைபெற்றது. 5 நாட்கள் நடைபெறும் இந்தகோவில் திருவிழா கடைசி நாளான இன்று (செவ்வாய்க்கிழமை) விடையாற்றி விழாவுடன் நிறைவடைகிறது.


தொடர்புடைய செய்திகள்

1. ஸ்ரீவில்லிபுத்தூரில் பூக்குழி திருவிழா: கட்டுப்பாடுகளுடன் பக்தர்கள் சாமி தரிசனம்
ஸ்ரீவில்லிபுத்தூரில் கோவிலுக்கு வெளியே பக்தர்கள் அக்னி சட்டி வைத்து சாமி தரிசனம் செய்தனர்.
2. ‘கோவில், மசூதி, தேவாலய நிகழ்ச்சிகளை 31–ந்தேதி வரை நிறுத்தி வையுங்கள்’ கலெக்டர் சந்தீப்நந்தூரி வேண்டுகோள்
கோவில், மசூதி, தேவாலய நிகழ்ச்சிகளை வருகிற 31–ந்தேதி வரை நிறுத்தி வையுங்கள்’ என்று மாவட்ட கலெக்டர் சந்தீப்நந்தூரி வேண்டுகோள் விடுத்துள்ளார்.
3. ஸ்ரீரங்கம் ரெங்கநாதர் கோவில் பிரசாத கடையில் தீ ஊழியர்கள் உடனே அணைத்ததால் பெரும் விபத்து தவிர்ப்பு
ஸ்ரீரங்கம் ரெங்கநாதர் கோவில் பிரசாத கடையில் ஏற்பட்ட தீயை ஊழியர்கள் உடனே அணைத்ததால் பெரும் விபத்து தவிர்க்கப்பட்டது.
4. மீண்ட அய்யனார் கோவில் மாசிமக திருவிழா பெரிய குதிரை சிலைக்கு காகிதப்பூ மாலைகள்
பெருங்காரையடி மீண்ட அய்யனார் கோவில் மாசிமக திருவிழாவையொட்டி பெரிய குதிரை சிலைக்கு காகிதப் பூ மாலைகள் குவிந்தன. இதில் திரளான பக்தர்கள் கலந்து கொண்டு நேர்த்திக்கடன் செலுத்தினர்.
5. தாந்தோணிமலை கல்யாண வெங்கடரமண சுவாமி கோவில் மாசிமக தேரோட்டம்
தாந்தோணிமலை கல்யாண வெங்கடரமண சுவாமி கோவில் மாசிமக தேரோட்டம் நடைபெற்றது. இதில் திரளான பக்தர்கள் கலந்து கொண்டு தேரை வடம் பிடித்து இழுத்தனர்.