தேர்வில் மதிப்பெண் குறையும் என்ற அச்சத்தால் தீக்குளித்து 11-ம் வகுப்பு மாணவி தற்கொலை

நாகை மாவட்டம் திட்டச்சேரி அருகே உள்ள ப.கொந்தகை இந்திரா நகரை சேர்ந்தவர் ஜீவா. இவருடைய மகள் தீபிகா(வயது15). இவர் திட்டச்சேரி அரசு பள்ளியில் 11-ம் வகுப்பு படித்து வந்தார். தீபிகா கடந்த மாதம் நடந்த அரையாண்டு தேர்வில் மதிப்பெண் குறைவாக வாங்கி விடுவோம் என்ற அச்சத்தில் இருந்தார். மேலும் மதிப்பெண் குறைந்தால் தனது பெற்றோரிடம் என்ன சொல்வது என்று தெரியாமல் மனஉளைச்சலில் இருந்த அவர் சம்பவத்தன்று வீட்டில் யாரும் இல்லாத போது தனது உடலில் மண்எண்ணெய்யை உற்றி தீ வைத்துக்கொண்டார். இதில் உடல் கருகிய தீபிகாவை அக்கம்பக்கத்தினர் மீட்டு சிகிச்சைக்காக ஆம்புலன்ஸ் மூலம் காரைக்கால் அரசு மருத்துவமனைக்கு கொண்டு சென்றனர்.