மாவட்ட செய்திகள்

விபத்தில் மூளைச்சாவு அடைந்த வாலிபரின் இதயம் ஆட்டோ டிரைவருக்கு பொருத்தப்பட்டது + "||" + The heart of the plaintiff who was brainwashed in the accident was fitted to the auto driver

விபத்தில் மூளைச்சாவு அடைந்த வாலிபரின் இதயம் ஆட்டோ டிரைவருக்கு பொருத்தப்பட்டது

விபத்தில் மூளைச்சாவு அடைந்த வாலிபரின் இதயம் ஆட்டோ டிரைவருக்கு பொருத்தப்பட்டது
சாலை விபத்தில் மூளைச்சாவு அடைந்த வாலிபரின் இதயம், சென்னை ராஜீவ்காந்தி அரசு பொது மருத்துவமனையில் இதயம் செயலிழந்து சிகிச்சை பெற்று வந்த ஆட்டோ டிரைவருக்கு வெற்றிகரமாக பொருத்தப்பட்டது.
சென்னை,

கோவை மாவட்டம் காந்திபுரம் பகுதியை சேர்ந்தவர் மகேந்திரன் (வயது 39). ஆட்டோ டிரைவர். இவருக்கு கடந்த ஆண்டு ஜனவரி மாதம் திடீரென இதயத்தில் கோளாறு ஏற்பட்டதையடுத்து, இவரது உறவினர்கள் கோவை அரசு மருத்துவமனையில் சிகிச்சைக்காக அனுமதித்தனர். அங்கு அவரை பரிசோதித்த டாக்டர்கள் மேல் சிகிச்சைக்காக சென்னை ராஜீவ்காந்தி அரசு பொது மருத்துவமனைக்கு அனுப்பி வைத்தனர்.


அங்கு அவரை டாக்டர்கள் பரிசோதித்த போது, மகேந்திரனுக்கு இதயத்தில் உள்ள அனைத்து வால்வுகளும் பழுதடைந்து, இதயம் செயலிழந்திருப்பதை கண்டறிந்தனர். இதையடுத்து மருத்துவமனை டீன் டாக்டர் ஜெயந்தி மேற்பார்வையில், டாக்டர்கள் ஜோசப்ராஜ், வெள்ளிங்கிரி தலைமையில் மகேந்திரனுக்கு இதய மாற்று அறுவை சிகிச்சை செய்ய திட்டமிட்டனர்.

இதய மாற்று அறுவை சிகிச்சை

இந்தநிலையில் கடந்த 5-ந்தேதி சாலை விபத்தில் மூளைச்சாவு அடைந்த வாலிபரின் இதயத்தை, அவரது உறவினர்களின் சம்மதத்துடன் தானமாக பெறப்பட்டு, ராஜீவ் காந்தி அரசு பொது மருத்துவமனையில் மகேந்திரனுக்கு இதய மாற்று அறுவை சிகிச்சை செய்யப்பட்டது. இது குறித்து மருத்துவமனை டீன் டாக்டர் ஜெயந்தி கூறியதாவது:-

மிகவும் ஆபத்தான நிலையில் மகேந்திரன் மருத்துவ மனையில் அனுமதிக்கப்பட்டார். அவருக்கு இதய மாற்று அறுவை சிகிச்சை ஒன்றே தீர்வாக இருந்தது. இதையடுத்து அவருக்கு கடந்த 5-ந்தேதி முதல்-அமைச்சர் காப்பீட்டு திட்டத்தின் கீழ் இலவசமாக இதய மாற்று அறுவை சிகிச்சை வெற்றிகரமாக செய்யப்பட்டது.

இந்த அறுவை சிகிச்சை தனியார் மருத்துவமனையில் செய்தால் ரூ.35 முதல் ரூ.40 லட்சம் வரை செலவாகும். இது இந்த ஆண்டின் முதல் இதய மாற்று அறுவை சிகிச்சை ஆகும். இது வரை 11 இதய மாற்று அறுவை சிகிச்சை ராஜீவ் காந்தி அரசு பொது மருத்துவமனையில் செய்யப்பட்டுள்ளது.

இவ்வாறு அவர் கூறினார்.

தொடர்புடைய செய்திகள்

1. சேலம் அருகே ஆம்னி பஸ்கள் மோதிய விபத்தில் நேபாள சுற்றுலா பயணிகள் 7 பேர் பலி
சேலம் அருகே நள்ளிரவில் ஆம்னி பஸ்கள் மோதிக்கொண்ட விபத்தில் நேபாள சுற்றுலா பயணிகள் 7 பேர் பலியானார்கள்.
2. விபத்தில் இறந்தவர் குடும்பத்துக்கு ந‌‌ஷ்டஈடு வழங்காததால் ராசிபுரத்தில் அரசு பஸ் ஜப்தி
விபத்தில் இறந்தவர் குடும்பத்துக்கு ந‌‌ஷ்டஈட்டு தொகை வழங்காததால், ராசிபுரத்தில் அரசு பஸ் ஜப்தி செய்யப்பட்ட சம்பவம் பரபரப்பை ஏற்படுத்தியது.
3. க.பரமத்தி அருகே விபத்தில் 2 பேர் சாவு: இழப்பீடு வழங்கக்கோரி உறவினர்கள் மறியல்
க.பரமத்தி அருகே நடந்த விபத்தில் 2 பேர் இறந்ததால், அவர்களது குடும்பத்துக்கு உரிய இழப்பீடு வழங்கக்கோரி உறவினர்கள் சாலை மறியலில் ஈடுபட்டனர்.
4. நாகர்கோவில் அருகே விபத்தில் லாரிக்கு அடியில் சிக்கிய ஸ்கூட்டர் 2 குழந்தைகளுடன் தாய் உயிர் தப்பினார்
நாகர்கோவில் அருகே லாரிக்கு அடியில் ஸ்கூட்டர் சிக்கி கொண்ட விபத்தில், 2 குழந்தைகளுடன் தாய் உயிர் தப்பினார்.
5. செக் குடியரசு நாட்டில் மூளைச்சாவு அடைந்த பெண்ணுக்கு குழந்தை பிறந்தது
செக் குடியரசு நாட்டில் மூளைச்சாவு அடைந்த பெண் ஒருவருக்கு குழந்தை பிறந்த சம்பவம் நிகழ்ந்துள்ளது.