மாவட்ட செய்திகள்

தேசிய ஊரக வேலை திட்ட தொழிலாளர்களுக்கு அட்டை வழங்குவதில் முறைகேடு + "||" + Abuse of issuing card to National Rural Workers

தேசிய ஊரக வேலை திட்ட தொழிலாளர்களுக்கு அட்டை வழங்குவதில் முறைகேடு

தேசிய ஊரக வேலை திட்ட தொழிலாளர்களுக்கு அட்டை வழங்குவதில் முறைகேடு
தேசிய ஊரக வேலை திட்ட தொழிலாளர்களுக்கு வேலைக்கான அட்டை வழங்குவதில் முறைகேடு நடப்பதாக ஒன்றியக்குழு கூட்டத்தில் கவுன்சிலர் குற்றம் சாட்டினார்.
கன்னிவாடி,

ரெட்டியார்சத்திரம் ஊராட்சி ஒன்றியக்குழு முதல் கூட்டம் ஊராட்சி ஒன்றிய கூட்ட அரங்கில் நேற்று நடந்தது. கூட்டத்துக்கு ஒன்றியக் குழு தலைவர் சிவகுருசாமி தலைமை தாங்கினார். துணைத்தலைவர் ராஜேஸ்வரி முன்னிலை வகித்தார். அலுவலக மேலாளர் சக்திவடிவேல் முருகன் வரவேற்றார். வட்டார வளர்ச்சி அலுவலர் முருகன், ஒன்றியக்குழு மூலம் நடைபெறும் பணிகள் குறித்து எடுத்துரைத்தார்.


கூட்டத்தில் கவுன்சிலர்கள், ஒன்றியக்குழு தலைவர் இடையே நடந்த விவாதம் வருமாறு:-

கவுன்சிலர் எஸ்.ராஜ்மோகன் (அ.தி.மு.க):- தருமத்துப்பட்டி கதிரையன்குளத்தின் கரையில் சாலை அமைக்கும் பணிக்கு அதிகாரிகள் ஆய்வு கொண்டது தொடர்பாக ஒன்றியக்குழு தலைவருக்கு தெரியுமா?, நீர்நிலைகளில் சாலை அமைக்க அனுமதி இல்லை. அப்படி இருக்கையில் சாலை அமைக்க அனுமதி கொடுத்தது யார்? என்று கேள்வி எழுப்பினார்.

ஒன்றியக்குழு தலைவர்:- எங்களிடம் எந்த அனுமதியும் இதுவரை பெறவில்லை. பொறியாளர்கள் எந்த ஊராட்சி பகுதிக்கு சென்றாலும், அங்குள்ள கவுன்சிலருக்கு முதலில் தகவல் தெரிவிக்க வேண்டும்.

சேதமடைந்த அங்கன்வாடி கட்டிடம்

கவுன்சிலர் விவேக் (தி.மு.க):- நீலமலைக்கோட்டையில் ஆக்கிரமிப்புகள் அகற்றப்பட்ட பகுதியில் 13 கிணறுகள் உள்ளன. அந்த கிணறுகளில் தண்ணீர் அதிகளவில் இருக்கிறது. அந்த தண்ணீரை நீலமலைக்கோட்டை, புதுசத்திரம், பலக்கனூத்து ஊராட்சிகளுக்கு பகிர்ந்து வழங்க வேண்டும். கரியகவுண்டன்பட்டி பலக்கனூத்துவில் அங்கன்வாடி கட்டிடம் மிகவும் சேதமடைந்து உள்ளது. எனவே பழைய கட்டிடத்தை இடித்து விட்டு புதிய கட்டிடம் கட்டவேண்டும்.

ஒன்றியக்குழு தலைவர்:- இதுகுறித்து பொறியாளர்கள் மூலம் ஆய்வுசெய்து நடவடிக்கை எடுக்கப்படும்.

கவுன்சிலர் பிரபாகரன் (தி.மு.க.):- தேசிய ஊரக வேலை திட்டத்தில் நீண்ட நாட்களாக பணிதள பொறுப்பாளர்களாக இருப்பவர்களை ஏன் மாற்றுவதில்லை. மேலும் ஊரக வேலை திட்ட அட்டைகள் வழங்குவதில் முறைகேடு நடப்பதாக தொழிலாளர்கள் குற்றம் சாட்டுகின்றனர். இதுகுறித்து எடுக்கப்பட்ட நடவடிக்கை என்ன?

ஒன்றியக்குழு தலைவர்:- நீண்ட நாட்களாக பணியில் இருக்கும் பணிதள பொறுப்பாளர்களை மாற்ற நடவடிக்கை எடுக்கப்படும். ஊரக வேலை திட்ட அட்டைகள் பெறுவதற்கு தொழிலாளர்கள் பணம் எதுவும் கொடுக்க வேண்டாம்.

இவ்வாறு விவாதம் நடந்தது.

கூட்டத்தின் முடிவில் வட்டார வளர்ச்சி அலுவலர் முருகன் நன்றி கூறினார்.


தொடர்புடைய செய்திகள்

1. புதுவையை சேர்ந்த அனைத்து ரேஷன்கார்டுகளுக்கும் தலா ரூ.2 ஆயிரம் வங்கி கணக்குகளில் செலுத்தப்படும்
புதுவையில் அனைத்து ரேஷன்கார்டுகளுக்கும் தலா ரூ. 2 ஆயிரம் நிவாரண உதவித்தொகையாக அவரவர் வங்கி கணக்குகளில் செலுத்தப்படும் என்று முதல்-அமைச்சர் நாராயணசாமி அறிவித்துள்ளார்.
2. மலைக்குறவன் சாதி சான்று வைத்துள்ளவர்களுக்கு பழங்குடிகள் நலவாரிய அட்டை சங்க கூட்டத்தில் தீர்மானம்
மலைக்குறவன் சாதி சான்று வைத்துள்ளவர்களுக்கு தமிழ்நாடு பழங்குடிகள் நலவாரிய அட்டை பெற்றுத்தந்திட வேண்டும் என்று சங்க கூட்டத்தில் தீர்மானம் நிறைவேற்றப்பட்டது.
3. வெளியூரில் இருந்து சொந்த ஊருக்கு திரும்பியதால் தஞ்சை புதிய பஸ் நிலையத்தில் பயணிகள் கூட்டம் அலைமோதியது
வெளியூரில் இருந்து சொந்த ஊருக்கு திரும்பியதால் தஞ்சை புதிய பஸ் நிலையத்தில் பயணிகள் கூட்டம் அலைமோதியது. பயணிகளுக்கு கொரோனா வைரஸ் பாதிப்பா? என மருத்துவ பரிசோதனை மேற்கொள்ளப்பட்டது.
4. 144 தடை உத்தரவால் பொருட்களை வாங்க அலைமோதிய கூட்டம்; அத்தியாவசிய பொருட்களின் விலை கிடுகிடு உயர்வு
144 தடை உத்தரவு பிறப்பிக்கப்பட்டுள்ள நிலையில் பொருட்களை வாங்க மக்கள் கூட்டம் அலைமோதியது. இதையொட்டி உணவு பொருட்களின் விலை கிடுகிடுவென உயர்ந்தது.
5. காய்கறி மார்க்கெட்டுகளில் கூட்டம் அலைமோதியது; வத்திராயிருப்பில் கடைகளில் கூட்டம் திரண்டிருந்தது.
144 தடை உத்தரவு பிறப்பிக்கப்பட்ட நிலையில் காய்கறி வாங்கவும் அத்தியாவசிய பொருட்கள் வாங்கவும் கடைகளில் கூட்டம் அலைமோதியது.