மாவட்ட செய்திகள்

கல்வி மாவட்ட அளவிலான தடகள போட்டிகள்; நாளை தொடங்குகிறது + "||" + Educational district-level athletic competitions; tomorrow Starting

கல்வி மாவட்ட அளவிலான தடகள போட்டிகள்; நாளை தொடங்குகிறது

கல்வி மாவட்ட அளவிலான தடகள போட்டிகள்; நாளை தொடங்குகிறது
புதுக்கோட்டை மாவட்டத்தில் கல்வி மாவட்ட அளவிலான தடகள போட்டிகள் நாளை தொடங்குகிறது என கலெக்டர் உமா மகேஸ்வரி தெரிவித்து உள்ளார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-
புதுக்கோட்டை, 

சர்வதேச அளவில் பதக்கம் பெறும் திறனாய்வாளர்களை கண்டறியும் திட்டத்தின் கீழ், பள்ளிகளில் நடத்தப்பட்ட உடற்திறன் தேர்வுகளில் தேர்வு செய்யப்பட்ட மாணவ, மாணவிகளுக்கு கல்வி மாவட்ட அளவிலான தடகள போட்டிகள் நடைபெற உள்ளது. இதில் புதுக்கோட்டை கல்வி மாவட்ட அளவிலான தடகள போட்டிகள் நாளை (வியாழக் கிழமை) புதுக்கோட்டையில் உள்ள மாவட்ட விளையாட்டு மைதானத்தில் நடைபெற உள்ளது.

இதேபோல அறந்தாங்கி கல்வி மாவட்ட அளவிலான தடகள போட்டிகள் 28-ந் தேதி ஆலங்குடி அரசு ஆண்கள் மேல்நிலைப் பள்ளி விளையாட்டு மைதானத்தில் நடைபெற உள்ளது.

இதில் 100, 200 மற்றும் 400 மீட்டர் ஓட்டம், நீளம் தாண்டுதல், உயரம் தாண்டுதல் மற்றும் குண்டு எறிதல் போட்டியில் 2019-20-ம் ஆண்டில் 6-ம் வகுப்பு முதல் 8-ம் வகுப்பு வரை பயிலும் மாணவ, மாணவிகளுக்கு நடத்தப்பட்ட உடற்திறன் தேர்வில் 10-க்கு 10 அல்லது ஏதாவது இரண்டு நிகழ்வுகளில் 9 மற்றும் 8 மதிப்பெண்கள் பெற்ற மாணவ, மாணவிகள் மட்டும் கலந்து கொள்ளலாம்.

மேலும் தடகள போட்டிகளில் 6-ம் வகுப்பு முதல் 8-ம் வகுப்பு வரை பயிலும் மாணவ-மாணவிகளுக்கு வகுப்பு வாரியாக ஒரு மாணவன் மற்றும் ஒரு மாணவி 2 நிகழ்வுகளில் கலந்து கொள்ளலாம். உடற்திறன் தேர்வு நடத்தி மாவட்ட விளையாட்டு அலுவலகத்திற்கு அனுப்பி வைக்கப்பட்ட ஒருங்கிணைந்த அறிக்கையினை போட்டியின் போது தவறாது கொண்டுவர வேண்டும்.

கல்வி மாவட்ட அளவிலான போட்டிகளில் கலந்து கொள்ள பயணப்படி மற்றும் தினப்படிகள் வழங்கப்பட மாட்டாது. முதல் 3 இடங்களை பெறுபவர்களுக்கு பரிசு, சான்றிதழ்களும் வழங்கப்படும். முதல் 2 இடங்களை பெறும் மாணவ, மாணவிகள் மண்டல அளவிலான போட்டிகளில் கலந்து கொள்ள அரசு செலவில் அழைத்து செல்லப்படுவார்கள். போட்டி நடைபெறும் நாள் அன்று போட்டி நடைபெறும் இடத்திற்கு காலை 8 மணிக்கு மாணவ, மாணவிகள் வர வேண்டும்.

இவ்வாறு அதில் கூறியுள்ளார்.

தொடர்புடைய செய்திகள்

1. விருது பெற கலைஞர்கள் விண்ணப்பிக்கலாம்; கலெக்டர் தகவல்
விருது பெற கலைஞர்கள் விண்ணப்பிக்கலாம் என்று கலெக்டர் உமா மகேஸ்வரி தெரிவித்துள்ளார். இது குறித்து அவர் வெளியிட்டுள்ள ஒரு செய்திக்குறிப்பில் தெரிவித்துள்ளதாவது:-
2. பெற்றோர்கள் தங்கள் பிள்ளைகளை மற்ற மாணவர்களோடு ஒப்பிடுவதை தவிர்க்க வேண்டும்; கலெக்டர் அறிவுரை
பெற்றோர் தங்கள் பிள்ளைகளை மற்ற மாணவர்களோடு ஒப்பிடுவதை தவிர்க்க வேண்டும் என்று கலெக்டர் அறிவுறுத்தி உள்ளார். இதுகுறித்து மாவட்ட கலெக்டர் உமா மகேஸ்வரி வெளியிட்டுள்ள செய்திக் குறிப்பில் கூறியிருப்பதாவது:-
3. பயிர் விளைச்சல் போட்டியில் கலந்து கொள்ள விவசாயிகள் விண்ணப்பிக்கலாம்; கலெக்டர் தகவல்
பயிர் விளைச்சல் போட்டியில் கலந்து கொள்ள விவசாயிகள் விண்ணப்பிக்கலாம் என கலெக்டர் உமா மகேஸ்வரி தெரிவித்து உள்ளார். இதுகுறித்து அவர் வெளியிட்டு உள்ள செய்திக்குறிப்பில் கூறியிருப்பதாவது:-
4. ஜல்லிக்கட்டு போட்டியில் விதிமுறைகள் பின்பற்றப்படுவதை கண்காணிக்க குழு அமைப்பு - கலெக்டர் தகவல்
ஜல்லிக்கட்டு போட்டியில் விதிமுறைகள் பின்பற்றப்படுவதை கண்காணிக்க குழு அமைக்கப்பட்டு உள்ளது என கலெக்டர் உமா மகேஸ்வரி தெரிவித்து உள்ளார்.
5. புதிதாக ஆழ்துளை கிணறு அமைப்பவர்கள், உள்ளாட்சி அமைப்புகளிடம் உரிய அனுமதி பெற வேண்டும் - கலெக்டர் உமா மகேஸ்வரி தகவல்
புதிதாக ஆழ்துளை கிணறு அமைப்பவர்கள் உள்ளாட்சி அமைப்புகளிடம் உரிய அனுமதி பெற வேண்டும் என்று கலெக்டர் உமா மகேஸ்வரி தெரிவித்துள்ளார். இதுதொடர்பாக அவர் வெளியிட்டுள்ள செய்திக் குறிப்பில் கூறியிருப்பதாவது:-